musalsal vaar karne par bhi zarra bhar nahin toota main patthar ho gaya phir bhi teraa khanjar nahin toota mujhe barbaad karne tak hi uske aastaan toote meraa dil tootne ke baad uskaa ghar nahin toota ham uskaa gham bhala qismat pe kaise taal sakte hain hamaare haath men toota hai vo girkar nahin toota saroon par aasmaañ aankhoñ se aaiine nazar se dil bahut kuchh toot saka tha bahut kuchh par nahin toota tilism-e-yaar men jab bhi kamii aayi nami aayi un aankhoñ men jinhen lagta tha farmaish nahin toota tere bheje hue teshon ki dhaarein tez thii haafi magar insey ye koh-e-gham ziyaada tar nahin toota

agar ye kah do baghair mere nahin guzaara to main tumhaara ya us pe mabni koi ta'assur koi ishaara to main tumhaara ghuroor-parwar ana ka maalik kuchh is tarah ke hain naam mere magar qasam se jo tum ne ik naam bhi pukaara to main tumhaara tum apni sharton pe khel khelo main jaise chahe lagaaun baazi agar main jeeta to tum ho mere agar main haara to main tumhaara tumhaara 'aashiq tumhaara mukhlis tumhaara saa thii tumhaara apna raha na in men se koi duniya men jab tumhaara to main tumhaara tumhaara hone ke faisley ko main apni qismat pe chhodta hooñ agar muqaddar ka koi toota kabhi sitaara to main tumhaara ye kis pe ta'aweez kar rahe ho ye kis ko paane ke hain wazeefe tamaam chhodo bas ek kar lo jo istikhara to main tumhaara

zabt kar ke hañsi ko bhool gaya main to us zakham hi ko bhool gaya zaat-dar-zaat hum-safar rah kar ajnabi ajnabi ko bhool gaya subh tak wajh-e-jaan-kani thii jo baat main use shaam hi ko bhool gaya ahd-e-wabastagi guzaar ke main wajh-e-wabastagi ko bhool gaya kyun na ho naaz is zehaanat par ek main har kisi ko bhool gaya sab daleelen to mujh ko yaad raheen bahs kya thii usii ko bhool gaya sab se pur-amn vaqiaa' ye hai aadmi aadmi ko bhool gaya qahqaha maarte hi deewaana har gham-e-zindagi ko bhool gaya khwaab-ha-khwaab jis ko chaaha tha rang-ha-rang usii ko bhool gaya kya qayamat hui agar ik shaKHs apni khush-qismati ko bhool gaya soch kar us ki khalvat-anjumani waan main apni kamii ko bhool gaya sab bure mujh ko yaad rahte hain jo bhala tha usii ko bhool gaya un se vaa'da to kar liya lekin apni kam-fursati ko bhool gaya bastiyo ab to raasta de do ab to main us gali ko bhool gaya us ne goya mujhi ko yaad rakha main bhi goya usii ko bhool gaya ya'ni tum vo ho Vaaqaii had hai main to sach-much sabhi ko bhool gaya aakhiri but KHuda na kyun thehre but-shikan but-gari ko bhool gaya ab to har baat yaad rahtii hai ghaliban main kisi ko bhool gaya us ki KHushiyon se jalne vaala jaun apni eeza-dahee ko bhool gaya

na kisi ki aankh ka noor hooñ na kisi ke dil ka qaraar hooñ kisi kaam men jo na aa sake main vo ek musht-e-ghubaar hooñ na dawa-e-dard-e-jigar hooñ main na kisi ki meethi nazar hooñ mainna idhar hooñ main na udhar hooñ main na shakeb hooñ na qaraar hooñ mira vaqt mujh se bichhad gaya mira rang-roop bigad gaya jo khizaan se baagh ujad gaya main usii ki fasl-e-bahaar hooñ paye faatiha koi aa.e kyun koi chaar phool chad aa.e kyun koi aa ke shama' jalaae kyun main vo bekasi ka mazaar hooñ na main laag hooñ na lagaav hooñ na suhaag hooñ na subhaav hooñ jo bigad gaya vo banaav hooñ jo nahin raha vo singaar hooñ main nahin hooñ naghma-e-jaan-fazaa mujhe sun ke koi karega kya main bade birog ki hooñ sadaa main bade dukhi ki pukaar hooñ na main muztar un ka habeeb hooñ na main muztar un ka raqeeb hooñ jo bigad gaya vo naseeb hooñ jo ujad gaya vo dayaar hooñ

jis tarah waqt guzarne ke li.e hota hai aadmi shakl pe marne ke li.e hota hai teri aankhoñ se mulaqaat hui tab ye khula doobne vaala ubharne ke li.e hota hai ishq kyun peeche hata baat nibhaane se miyaan husn to khair mukarne ke li.e hota hai aankh hoti hai kisi raah ko takne ke li.e dil kisi paanv pe dharne ke li.e hota hai dil ki dilli ka chunaav hi alag hai sahab jab bhi hota hai ye harne ke li.e hota hai koi bastii ho ujhadne ke li.e bastii hai koi mazma ho bikharna ke li.e hota hai

raun dii hui hai kaukaba-e-shahriyaar ki itr aa.e kyun na KHaak sar-e-rahguzaar ki jab us ke dekhne ke li.e aayen baadshaah logon men kyun numood na ho laala-zaar ki bhooke nahin hain sair-e-gulistaan ke ham wale kyunkar na khaaiye ki hawa hai bahaar ki

hareef-e-matlab-e-mushkil nahin fusoon-e-niyaaz dua qubool ho ya rab ki umr-e-khizr daraaz na ho ba-harza biyaabaan-navard-e-vahm-e-wujood hanooz tere tasavvur men hai nasheb-o-faraz visaal jalwa tamasha hai par dimaagh kahaan ki deeje aaina-e-intezaar ko pardaz har ek zarra-e-aashiq hai aftaab-parast gaii na KHaak hue par hawa-e-jalwa-e-naaz na pooch wusaat-e-may-khaana-e-junoon ghalib jahaan ye kaasa-e-gardoon hai ek khaak-andaaz fareb-e-sanat-e-ijaad ka tamasha dekh nigaah aks-farosh o khayal aaina-saaz zi-bas-ki jalwa-e-sayyaad hairat-aara hai udri hai safha-e-khaatir se soorat-e-parwaaz hujoom-e-fikr se dil misl-e-mauj larze hai ki sheesha naazuk o sahba-e-aabgeen-gudaaz asad se tark-e-wafa ka gumaan vo maani hai ki kheenchiye par-e-taair se soorat-e-parwaaz hanooz ai asar-e-deed nang-e-ruswaai nigaah fitna-khiraam o dar-e-do-aalam baaz

dil miraa soz-e-nihaan se be-muhaaba jal gaya aatish-e-khaamosh ki maanind goya jal gaya dil men zauq-e-wasl o yaad-e-yaar tak baaki nahin aag is ghar men lagii aisi ki jo tha jal gaya main adam se bhi pare hooñ warna ghaafil baar-ha meri aah-e-aatishi'n se baal-e-anqa jal gaya arz kijeye jauhar-e-andesha ki garmi kahaan kuchh khayal aaya tha vehshat ka ki sehra jal gaya dil nahin tujh ko dikhaata warna daaghoon ki bahaar is charaaghaan ka karoon kya kaar-farma jal gaya main hooñ aur afsurdagi ki aarzoo ghalib ki dil dekh kar tarz-e-tapaak-e-ahl-e-duniya jal gaya khaanmaan-e-aashiqan dukaan-e-aatish-baaz hai shola-roo jab ho ga.e garm-e-tamaasha jal gaya ta kuja afsos-e-garmi-ha-e-sohbat ai khayal dil ba-soz-e-aatish-e-daagh-e-tamanna jal gaya hai asad begaana-e-afsurdagi ai bekasi dil z-andaaz-e-tapaak-e-ahl-e-duniya jal gaya dood miraa sumbulistaan se kare hai ham-sari bas-ki shauq-e-aatish-gul se saraapa jal gaya sham'a-ruyaan ki sar-angusht-e-hinaai dekh kar guncha-e-gul par-fishaan parwaana-aasa jal gaya

ghar hamaara jo na rote bhi to veeraan hota bahar gar bahar na hota to biyaabaan hota tangi-e-dil ka gilaa kya ye vo kaafir-dil hai ki agar tang na hota to pareshaan hota baad yak-umr-e-waraa baar to deta baare kaash rizwan hi dar-e-yaar ka darbaan hota

hairaan hooñ dil ko rooun ki peetoon jigar ko main maqdoor ho to saath rakhoon nauhagar ko main chhodaa na rashk ne ki tire ghar ka naam luun har ik se poochta hooñ ki jaaun kidhar ko main jaana pada raqeeb ke dar par hazaar baar ai kaash jaanta na tire rah-guzar ko main hai kya jo kas ke baandhie meri bala dare kya jaanta nahin hooñ tumhaari kamar ko main lo vo bhi kahte hain ki ye be-nang-o-naam hai ye jaanta agar to lutaata na ghar ko main chaltaa hooñ thodii door har ik tez-rau ke saath pahchaanta nahin hooñ abhii raahbar ko main KHvaahish ko ahmaqon ne parastish diya qaraar kya poojta hooñ us but-e-bedad-gar ko main phir be-khu dii men bhool gaya raah-e-koo-e-yaar jaata vagarna ek din apni khabar ko main apne pe kar raha hooñ qayaas ahl-e-dehr ka samjha hooñ dil-pazeer mata-e-hunar ko main ghalib KHuda kare ki sawaar-e-samand-naaz dekhooñ ali bahaadur-e-aali-guhar ko main