so rahenge ke jaagte rahenge ham tere khwaab dekhte rahenge tu kahii aur hi dhoondhta rahega ham kahii aur hi khile rahenge raahgeeron ne raah badalni hai ped apni jagah khade rahenge sabhi mausam hai dastaras men teri tune chaaha to ham hare rahenge lautna kab hai tune par tujhko aadatan hi pukaarte rahenge tujhko paane men mas'ala ye hai tujhko khone ke vasvase rahenge tu idhar dekh mujhse baate kar yaar chash men to phoote rahenge ek muddat hui hai tujhse mile tu to kahtaa tha raabte rahenge

mujhe udaas kar ga.e ho KHush raho mire mizaaj par ga.e ho KHush raho mire li.e na ruk sake to kya hua jahaan kahiin thehar ga.e ho KHush raho khushi hui hai aaj tum ko dekh kar bahut nikhar sanwar ga.e ho KHush raho udaas ho kisi ki be-vafaaii par vafaa kahiin to kar ga.e ho KHush raho gali men aur log bhi the aashna ha men salaam kar ga.e ho KHush raho tumhein to meri dosti pe naaz tha isee se ab mukar ga.e ho KHush raho kisi ki zindagi bano ki bandagi mire li.e to mar ga.e ho KHush raho

itnaa majboor na kar baat banaane lag jaayen ham tere sar kii qasam jhooth hi khaane lag jaayen itne sannaate pi.e meri sama'at ne ki ab sirf aavaaz pe chaahoon to nishaane lag jaayen chaliye kuchh aur nahin aah-shumaarii hi sahi ham kisi kaam to is dil ke bahaane lag jaayen ham vo gum-gasht-e-mohabbat hain ki tum to kya ho khud ko ham dhoondhne niklen to zamaane lag jaayen khvaab kuchh aise dikhaaye hain faqiri ne mujhe jin kii ta'beer men shahon ke khazaane lag jaayen main agar apni jawaani ke suna doon qisse ye jo launde hain mire paanv dabane lag jaayen

bulaati hai magar jaane ka nahin ye duniya hai idhar jaane ka nahin mere bete kisi se ishq kar magar had se guzar jaane ka nahin zameen bhi sar pe rakhni ho to rakho chale ho to thehar jaane ka nahin sitaare noch kar le jaaunga main khaali haath ghar jaane ka nahin vaba phaili hui hai har taraf abhii maahol mar jaane ka nahin vo gardan naapta hai naap le magar zaalim se dar jaane ka nahin

umr guzregi imtihaan men kya daagh hi denge mujh ko daan men kya meri har baat be-asar hi rahi naqs hai kuchh mire bayaan men kya mujh ko to koi tokta bhi nahin yahii hota hai khaandaan men kya apni mahroomiyaan chhupaate hain ham ghareebon ki aan-baan men kya KHud ko jaana juda zamaane se aa gaya tha mire gumaan men kya shaam hi se dukaan-e-deed hai band nahin nuksaan tak dukaan men kya ai mire subh-o-shaam-e-dil ki shafaq tu nahaati hai ab bhi baan men kya bolte kyun nahin mire haq men aable pad ga.e zabaan men kya KHaamushi kah rahi hai kaan men kya aa raha hai mire gumaan men kya dil ki aate hain jis ko dhyaan bahut KHud bhi aata hai apne dhyaan men kya vo mile to ye poochna hai mujhe ab bhi hooñ main tiri amaan men kya yuñ jo takta hai aasmaan ko tu koi rehta hai aasmaan men kya hai naseem-e-bahaar gard-aalood KHaak udti hai us makaan men kya ye mujhe chain kyun nahin padta ek hi shaKHs tha jahaan men kya

raun dii hui hai kaukaba-e-shahriyaar ki itr aa.e kyun na KHaak sar-e-rahguzaar ki jab us ke dekhne ke li.e aayen baadshaah logon men kyun numood na ho laala-zaar ki bhooke nahin hain sair-e-gulistaan ke ham wale kyunkar na khaaiye ki hawa hai bahaar ki

dil miraa soz-e-nihaan se be-muhaaba jal gaya aatish-e-khaamosh ki maanind goya jal gaya dil men zauq-e-wasl o yaad-e-yaar tak baaki nahin aag is ghar men lagii aisi ki jo tha jal gaya main adam se bhi pare hooñ warna ghaafil baar-ha meri aah-e-aatishi'n se baal-e-anqa jal gaya arz kijeye jauhar-e-andesha ki garmi kahaan kuchh khayal aaya tha vehshat ka ki sehra jal gaya dil nahin tujh ko dikhaata warna daaghoon ki bahaar is charaaghaan ka karoon kya kaar-farma jal gaya main hooñ aur afsurdagi ki aarzoo ghalib ki dil dekh kar tarz-e-tapaak-e-ahl-e-duniya jal gaya khaanmaan-e-aashiqan dukaan-e-aatish-baaz hai shola-roo jab ho ga.e garm-e-tamaasha jal gaya ta kuja afsos-e-garmi-ha-e-sohbat ai khayal dil ba-soz-e-aatish-e-daagh-e-tamanna jal gaya hai asad begaana-e-afsurdagi ai bekasi dil z-andaaz-e-tapaak-e-ahl-e-duniya jal gaya dood miraa sumbulistaan se kare hai ham-sari bas-ki shauq-e-aatish-gul se saraapa jal gaya sham'a-ruyaan ki sar-angusht-e-hinaai dekh kar guncha-e-gul par-fishaan parwaana-aasa jal gaya

koh ke hon baar-e-khaatir gar sadaa ho jaaie be-takalluf ai sharaar-e-jasta kya ho jaaie beza-aasa nang-e-baal-o-par hai ye kunj-e-qafas az-sar-e-nau zindagi ho gar rihaa ho jaaie wus'at-e-mashrab niyaaz-e-kulfat-e-vahshat asad yak-bayaabaan saaya-e-baal-e-huma ho jaaie

na hogaa yak-bayaabaan maandagi se zauq kam meraa habaab-e-mauja-e-raftaar hai naqsh-e-qadam meraa mohabbat thii chaman se lekin ab ye be-dimaaghi hai ki mauj-e-boo-e-gul se naak men aata hai dam meraa rah-e-khwaabida thii gardan-kash-e-yak-dars-e-aagaahi zameen ko sailee-e-ustaad hai naqsh-e-qadam meraa suraagh-aawaaraa-e-arz-e-do-aalam shor-e-mahshar hooñ par-afshaan hai ghubaar aa soo-e-sehraa-e-adam meraa hawaa-e-subh yak-aalam garebaan chaaki-e-gul hai dahan-e-zakhm paida kar agar khaata hai gham meraa na ho vahshat-kash-e-dars-e-sharaab-e-satr-e-aagaahi main gard-e-raah hooñ be-muddaa hai pech-o-kham meraa asad vahshat-parast-e-gosha-e-tanhaai-e-dil hai b-rang-e-mauj-e-may khemyaaza-e-saaghar hai ram meraa

phir kuchh ik dil ko be-qaraari hai seena juya-e-zakhm-e-kaari hai phir jigar khodne laga nakhun aamd-e-fasl-e-laala-kaari hai qibla-e-maqsad-e-nigaah-e-niyaaz phir vahii parda-e-amaari hai chashm dallaal-e-jins-e-ruswaai dil khareedaar-e-zauq-e-khwari hai vahii sad-rang naala-farsaai vahii sad-gona ashk-baari hai dil hawa-e-khiraam-e-naaz se phir mahsharistaan-e-sitaan-e-beqaraari hai jalwa phir arz-e-naaz karta hai roz bazaar-e-jaan-sipaari hai phir usii be-vafa pe marte hain phir vahii zindagi hamaari hai phir khula hai dar-e-adaalat-e-naaz garm-bazaar-e-faujdaari hai ho raha hai jahaan men andher zulf ki phir sirishta-daari hai phir diya paara-e-jigar ne sawaal ek fariyaad o aah-o-zaari hai phir hue hain gawaahe-e-ishq talab ashk-baari ka hukm-jaari hai dil o mizgaan ka jo muqaddama tha aaj phir us ki roo-bakaari hai be-khu dii be-sabab nahin ghalib kuchh to hai jis ki parda-daari hai