mere bas men nahin varna qudrat ka likha hua kaatta tere hisse men aa.e bure din koi doosra kaatta laariyon se zyaada bahaav tha tere har ik lafz men main ishaara nahin kaat saka teri baat kya kaatta maine bhi zindagi aur shab e hijr kaatee hai sabki tarah vaise behtar to ye tha ke main kam se kam kuchh naya kaatta tere hote hue mombatti bujhaai kisi aur ne kya khushi rah gayi thii janmdin ki main cake kya kaatta koi bhi to nahin jo mere bhookhe rahne pe naaraz ho jail men teri tasveer hoti to hanskar saza kaatta

sitam dhhaate hue socha karoge hamaare saath tum aisa karoge angoothi to mujhe lautaa rahe ho angoothi ke nishaan ka kya karoge main tumse ab jhagdta bhi nahin hooñ to kya is baat par jhagda karoge meraa daaman tumheen thaa men hue ho meraa daaman tumheen maila karoge batao vaa'da kar ke aaoge nake pichhli baar ke jaisa karoge vo dulhan ban ke ruksat ho gaii hai kahaan tak car ka peecha karoge mujhe bas yuñ hi tumse poochna tha agar main mar gaya to kya karoge

seena dahak raha ho to kya chup rahe koi kyun cheekh cheekh kar na gala chheel le koi saabit hua sukoon-e-dil-o-jaan kahii nahin rishton men dhoondhta hai to dhoonda kare koi tark-e-taalluqaat koi mas'ala nahin ye to vo raasta hai ki bas chal pade koi deewaar jaanta tha jise main vo dhool thii ab mujh ko e'timaad ki daawat na de koi main KHud ye chahta hooñ ki haalaat hooñ KHaraab mere KHilaaf zahar ugalta phire koi ai shaKHs ab to mujh ko s abhii kuchh qubool hai ye bhi qubool hai ki tujhe cheen le koi haan theek hai main apni ana ka mareez hooñ aaKHir mere mizaaj men kyun dakhl de koi ik shaKHs kar raha hai abhii tak vafaa ka zikr kaash us zabaan-daraaz ka munh noch le koi

kyun darein zindagi men kya hogaa kuchh na hogaa to tajurba hogaa hansati aankhoñ men jhaank kar dekho koi aañsu kahii chhupa hogaa in dinon na-umeed sa hooñ main shaayad usne bhi ye suna hogaa dekhkar tumko sochta hooñ main kya kisi ne tumhein chhua hogaa

ik pal men ik sadi ka mazaa ham se poochiye do din ki zindagi ka mazaa ham se poochiye bhule hain rafta rafta unhen muddaton men ham qiston men khudkushi ka mazaa ham se poochiye aagaz-e-aashiqi ka mazaa aap jaaniye anjaam-e-aashiqi ka mazaa ham se poochiye jalte diyon men jalte gharo jaisi zau kahaan sarkaar raushni ka mazaa ham se poochiye vo jaan hi ga.e ki ha men unse pyaar hai aankhoñ ki mukhbirii ka mazaa hamse poochiye hansne ka shauq hamko bhi tha aap ki tarah hansiye magar hañsi ka mazaa ham se poochiye ham tauba kar ke mar ga.e be-maut ai khumaar tauheen-e-may-kashi ka mazaa ham se poochiye

ye meraa aks jo thehra tiri nigaah men hai nahin hai pyaar to phir kya tiri salaah men hai nahin hai vaqt ki jurat ki choo sake us ko ye teraa husn ki jab tak mirii panaah men hai nazar jo tujh pe ruke to zaraa nahin sunti kahaan savaab men hai ye kahaan gunaah men hai zabaan sanbhaal ke ab naam le raqeeb us ka jo teraa pyaar tha vo ab mire nikaah men hai

ye laal dibiyaa men jo padi hai vo munh dikhaai padi rahegi jo main bhi rootha to subh tak tu saji sajaai padi rahegi na tu ne pahne jo apne haathon men mirii in ungliyon ke kangan to soch le kitnii sooni sooni tiri kalaaee padi rahegi hamaare ghar se yuñ bhag jaane pe kya banega main sochta hooñ mohalle-bhar men kaii maheenon talak dahaai padi rahegi jahaan pe cup ke kinaare par ek lipstick ka nishaan hogaa wahin pe ik do qadam ki doori pe ek taai padi rahegi har ek khaane se pahle jhagda khilaayega kaun pahle lukma hamaare ghar men to aisi baaton se hi ladai padi rahegi aur ab mithaai ki kya zaroorat main tujh se mil-jul ke ja raha hooñ magar hai afsos tere haathon ki ras malaai padi rahegi mujhe to office ke aath ghanton se hol aata hai soch kar ye hamaare maabain roz barson ki ye judaai padi rahegi jo mirii maano to mere office main koi marzi ki job kar lo ki ham ne kya kaam-waam karna hai kaarvaai padi rahegi hamaare sapne kuchh is tarah se jagaae rakhenge raat saari ki din chadhe tak to mirii baahon men kasmasaai padi rahegi is ek bistar pe aaj koi nayi kahaanii janam na le le agar yuñ hi is pe silvaton se bharii razaai padi rahegi mirii mohabbat ke teen darje hain sahal mushkil ya ghair-mumkin to ek hissa hi jhel paayegi do tihaai padi rahegi

ishq main ne likh daala qaumiyat ke khaane men aur teraa dil likha shehriyat ke khaane men mujh ko tajarbo ne hi baap ban ke paala hai sochta hooñ kya likhoon valdiyat ke khaane men meraa saath deti hai mere saath rahtii hai main ne likha tanhaaii zaujiyat ke khaane men doston se ja kar jab mashwara kiya to phir main ne kuchh nahin likha haisiyat ke khaane men imtihaan mohabbat ka paas kar liya main ne ab yahii main likhoonga ahliyat ke khaane men jab se aap mere hain fakhr se main likhta hooñ naam aap ka apni milkayat ke khaane men

husn teraa ghuroor meraa tha sach to ye hai qusoor meraa tha raat yuñ tere KHvaab se guzra ki badan choor choor meraa tha aaine men jamaal tha teraa tere chehre pe noor meraa tha aankh ki har zabaan par kal tak bolne men uboor meraa tha us ki baaton men naam meraa na tha zikr bainssootoor meraa tha ek hi vaqt men junoon-o-khirad la-shu'ur-o-shu'ur meraa tha

agar ye kah do baghair mere nahin guzaara to main tumhaara ya us pe mabni koi ta'assur koi ishaara to main tumhaara ghuroor-parwar ana ka maalik kuchh is tarah ke hain naam mere magar qasam se jo tum ne ik naam bhi pukaara to main tumhaara tum apni sharton pe khel khelo main jaise chahe lagaaun baazi agar main jeeta to tum ho mere agar main haara to main tumhaara tumhaara 'aashiq tumhaara mukhlis tumhaara saa thii tumhaara apna raha na in men se koi duniya men jab tumhaara to main tumhaara tumhaara hone ke faisley ko main apni qismat pe chhodta hooñ agar muqaddar ka koi toota kabhi sitaara to main tumhaara ye kis pe ta'aweez kar rahe ho ye kis ko paane ke hain wazeefe tamaam chhodo bas ek kar lo jo istikhara to main tumhaara