shamshir-e-barhana maang ghhazab balon ki mahak phir vaisi hi juude ki gundhavat qahr-e-khuda balon ki mahak phir vaisi hi is razor-sharp, hair's parting line, the fragrance of her curls divine enrapturing, her coiffure's braid, scent of her tresses does pervade ankhen hain katora si vo sitam gardan hai surahi-dar ghhazab aur usi men sharab-e-surkhi-e-pan rakhti hai jhalak phir vaisi hi eyes saucer-like her face bedeck, just like a flask her slender neck and glimpses of deep scarlet wine, in her throat one can divine har baat men us ki garmi hai har naaz men us ke shokhi hai qamat hai qayamat chaal pari chalne men phadak phir vaisi hi there's warmth in everything she says, in all her airs there mischief plays slender and tall with nymph like grace, a flutter in her every pace gar rang bhabuka atish hai aur biini shola-e-sarkash hai to bijli si kaunde hai pari aariz ki chamak phir vaisi hi her hue is of a fire blazed / and nose, a flame's rebellion crazed like lightning does that angel strike, the luster of her cheeks alike nau-khez kuchen do ghhuncha hain hai narm shikam ik khirman-e-gul barik kamar jo shakh-e-gul rakhti hai lachak phir vaisi hi two budding flowers her breasts array, her midriff soft as silken hay her slender waist a flower's stem, it undulates and sows mayhem hai naaf koi girdab-e-bala aur gol surin ranen hain safa hai saaq bilorin sham-e-ziya paanv ki kafak phir vaisi hi her navel's whorl-calamity / and round her rump, thighs velvety her calves are crystal's brilliant flame, soles of her feet too are the same mahram hai habab-e-ab-e-ravan suraj ki kiran hai us pe lipat jaali ki kurti hai vo bala gote ki dhanak phir vaisi hi her breasts in silken bustier, rays of the sun to her adhere her lacy blouse does so ignite, shimmering with golden light vo gaae to aafat laae hai har taal men leve jaan nikal naach us ka uthae sau fitne ghungru ki jhanak phir vaisi hi her dulcet tones cause storms to rise, her every tune is my demise her dancing raises mutiny, bells on her feet a symphony har baat pe ham se vo jo 'zafar' karta hai lagavat muddat se aur us ki chahat rakhte hain ham aaj talak phir vaisi hi at every step she does restrain, 'zafar', long i've tried in vain and to this very day i claim / my love for her is just the same shamshir-e-barhana mang ghazab baalon ki mahak phir waisi hi jude ki gundhawat qahr-e-khuda baalon ki mahak phir waisi hi is razor-sharp, hair's parting line, the fragrance of her curls divine enrapturing, her coiffure's braid, scent of her tresses does pervade aankhen hain katora si wo sitam gardan hai surahi-dar ghazab aur usi mein sharab-e-surkhi-e-pan rakhti hai jhalak phir waisi hi eyes saucer-like her face bedeck, just like a flask her slender neck and glimpses of deep scarlet wine, in her throat one can divine har baat mein us ki garmi hai har naz mein us ke shokhi hai qamat hai qayamat chaal pari chalne mein phadak phir waisi hi there's warmth in everything she says, in all her airs there mischief plays slender and tall with nymph like grace, a flutter in her every pace gar rang bhabuka aatish hai aur bini shola-e-sarkash hai to bijli si kaunde hai pari aariz ki chamak phir waisi hi her hue is of a fire blazed / and nose, a flame's rebellion crazed like lightning does that angel strike, the luster of her cheeks alike nau-khez kuchen do ghuncha hain hai narm shikam ek khirman-e-gul barik kamar jo shakh-e-gul rakhti hai lachak phir waisi hi two budding flowers her breasts array, her midriff soft as silken hay her slender waist a flower's stem, it undulates and sows mayhem hai naf koi girdab-e-bala aur gol surin ranen hain safa hai saq bilorin sham-e-ziya panw ki kafak phir waisi hi her navel's whorl-calamity / and round her rump, thighs velvety her calves are crystal's brilliant flame, soles of her feet too are the same mahram hai habab-e-ab-e-rawan suraj ki kiran hai us pe lipat jali ki kurti hai wo bala gote ki dhanak phir waisi hi her breasts in silken bustier, rays of the sun to her adhere her lacy blouse does so ignite, shimmering with golden light wo gae to aafat lae hai har tal mein lewe jaan nikal nach us ka uthae sau fitne ghungru ki jhanak phir waisi hi her dulcet tones cause storms to rise, her every tune is my demise her dancing raises mutiny, bells on her feet a symphony har baat pe hum se wo jo 'zafar' karta hai lagawat muddat se aur us ki chahat rakhte hain hum aaj talak phir waisi hi at every step she does restrain, 'zafar', long i've tried in vain and to this very day i claim / my love for her is just the same
Related Ghazal
yahii apni kahaanii thii miyaan pahle bahut pahle woh ladki jaañ hamaari thii miyaan pahle bahut pahle vaham mujh...ko ye bhaata hai,अभी meri divaani hai magar meri divaani thii miyaan pahle bahut pahle raqeeb aakar bataate hain yahaañ til hai vahaañ til hai ha men ye jaankaari thii miyaan pahle bahut pahle adab se maang kar maafi bharii mehfil ye kahtaa hooñ vo ladki khaandaani thii miyaan pahle bahut pahle
Anand Raj Singh
526 likes
chaand sitaare phool parinde shaam savera ek taraf saari duniya uskaa charba uskaa chehra ek taraf vo ladhkar bhi so jaa.e to uskaa maatha choomun main usse muhabbat ek taraf hai usse jhagda ek taraf jis shay par vo ungli rakh de us..ko vo dilwaani hai uski khushiyaan sab se awwal sasta mehnga ek taraf zaKHmon par marham lagwao lekin uske haathon se chaarasaazi ek taraf hai uskaa choona ek taraf saari duniya jo bhi bole sab kuchh shor sharaaba hai sab ka kehna ek taraf hai uskaa kehna ek taraf usne saari duniya maangi maine us..ko maanga hai uske sapne ek taraf hai meraa sapna ek taraf
Varun Anand
406 likes
ham ne kab chaaha ki vo shaKHs hamaara ho jaa.e itnaa dik jaa.e ki aankhoñ ka guzaara ho jaa.e ham jise paas bitha len vo bichhad jaata hai tum jise haath laga do vo tumhaara ho jaa.e tum ko lagta hai ki tum jeet ga.e ho mujh se hai yahii baat to phir khel dubara ho jaa.e hai mohabbat bhi ajab tarz-e-tijaarat ki yahaañ har dukaan-daar ye chahe ki khasaara ho jaa.e
Yasir Khan
92 likes
naya ik rishta paida kyun karen ham bichadna hai to jhagda kyun karen ham KHamoshii se ada ho rasm-e-doori koi hangaama barpa kyun karen ham ye kaafi hai ki ham dushman nahin hain wafa-daari ka daava kyun karen ham vafaa ikhlaas qurbaani mohabbat ab in lafzon ka peecha kyun karen ham hamaari hi tamannaa kyun karo tum tumhaari hi tamannaa kyun karen ham kiya tha ahd jab lamhon men ham ne to saari umr ifa kyun karen ham nahin duniya ko jab parwa hamaari to phir duniya ki parwa kyun karen ham ye bastii hai musalmaanon ki bastii yahaañ kaar-e-masiha kyun karen ham
Jaun Elia
67 likes
aap jaison ke li.e is men rakha kuchh bhi nahin lekin aisa to na kahiye ki vafaa kuchh bhi nahin aap kahiye to nibhaate chale jaayenge magar is ta'alluq men aziyyat ke siva kuchh bhi nahin main kisi tarah bhi samjhauta nahin kar saka ya to sab kuchh hi mujhe chahiye ya kuchh bhi nahin kaise jaana hai kahaan jaana hai kyun jaana hai ham ki chalte chale jaate hain pata kuchh bhi nahin haaye is shahar ki raunaq ke main sadqe jaaun aisi bharpoor hai jaise ki hua kuchh bhi nahin phir koi taaza sukhun dil men jagah karta hai jab bhi lagta hai ki likhne ko bacha kuchh bhi nahin ab main kya apni mohabbat ka bharam bhi na rakhoon maan leta hooñ ki us shaKHs men tha kuchh bhi nahin main ne duniya se alag rah ke bhi dekha javvaad aisi munh-zor udaasi ki davaa kuchh bhi nahin
Jawwad Sheikh
50 likes
More from Bahadur Shah Zafar
ham ne tiri khaatir se dil-e-zaar bhi chhodaa tu bhi na hua yaar aur ik yaar bhi chhodaa kya hogaa rafoogar se rafu meraa garebaan ai dast-e-junoon tu ne nahin taar bhi chhodaa deen de ke gaya kufr ke bhi kaam se ''aashiq tasbeeh ke saath us ne to zunnar bhi chhodaa goshe men tiri chashm-e-siyah-mast ke dil ne ki jab se jagah khaana-e-khummaar bhi chhodaa is se hai ghareebon ko tasalli ki ajal ne muflis ko jo maara to na zardaar bhi chhodaa tedhe na ho ham se rakho ikhlaas to seedha tum pyaar se rukte ho to lo pyaar bhi chhodaa kya chhodein aseeraan-e-mohabbat ko vo jis ne sadqe men na ik murgh-e-giriftaar bhi chhodaa pahunchee mirii ruswaai ki kyunkar khabar us kous shokh ne to dekhna akhbaar bhi chhodaa karta tha jo yaa aane ka jhoota kabhi iqaar muddat se zafar us ne vo iqaar bhi chhodaa
Bahadur Shah Zafar
0 likes
bharii hai dil men jo hasrat kahooñ to kis se kahooñ sune hai kaun museebat kahooñ to kis se kahooñ jo tu ho saaf to kuchh main bhi saaf tujh se kahooñ tere hai dil men kudoorat kahooñ to kis se kahooñ na kohkan hai na majnoon ki the mere hamdard main apna dard-e-mohabbat kahooñ to kis se kahooñ dil us ko aap diya aap hi pashemaan hooñ ki sach hai apni nadaamat kahooñ to kis se kahooñ kahooñ main jis se use hove sunte hi vehshat phir apna qissa-e-vahshat kahooñ to kis se kahooñ raha hai tu hi to gham-khwaar ai dil-e-ghamgeen tere siva gham-e-furqat kahooñ to kis se kahooñ jo dost ho to kahooñ tujh se dosti kii baat tujhe to mujh se adavat kahooñ to kis se kahooñ na mujh ko kehne kii taqat kahooñ to kya ahvaalna us ko sunne kii fursat kahooñ to kis se kahooñ kisi ko dekhta itnaa nahin haqeeqat men zafr main apni haqeeqat kahooñ to kis se kahooñ
Bahadur Shah Zafar
0 likes
tukde nahin hain aañsuon men dil ke chaar paanch surkhaab baithe paani men hain mil ke chaar paanch munh khole hain ye zakham jo bismil ke chaar paanch phir lenge bose khanjar-e-qaatil ke chaar paanch kehne hain matlab un se ha men dil ke chaar paanch kya kahiye ek munh hain vahaañ mil ke chaar paanch dariyaa men gir pada jo mira ashk ek garm but-khaane lab pe ho ga.e saahil ke chaar paanch do-chaar laashe ab bhi pade tere dar pe hain aur aage dab chuke hain tale gil ke chaar paanch raahen hain do majaaz o haqeeqat hai jin ka naam raaste nahin hain ishq ki manzil ke chaar paanch ranj o taab museebat o gham yaas o dard o daagh aah o fugaan rafeeq hain ye dil ke chaar paanch do teen jhatke doon jun hi vehshat ke zor men zindaan men tukde hovein silaasil ke chaar paanch farhaad o qais o waamik o azraa the chaar dost ab ham bhi aa mile to hue mil ke chaar paanch naaz o ada o ghamza nigah panja-e-miza maarein hain ek dil ko ye pil pil ke chaar paanch eemaa hai ye ki devenge nau din ke baad dil likh bheje khat men she'r jo be-dil ke chaar paanch heere ke nau-ratan nahin tere hue hain jama ye chaandni ke phool magar khil ke chaar paanch meena-e-nuh-falak hai kahaan baada-e-nashaat sheeshe hain ye to zahar-e-halaahal ke chaar paanch nakhun karen hain zaKHmon ko do do mila ke ek the aath das so ho ga.e ab chil ke chaar paanch gar anjum-e-falak se bhi taadaad keejie niklen ziyaada daagh mire dil ke chaar paanch maarein jo sar pe sil ko utha kar qalq se ham das paanch tukde sar ke hon aur sil ke chaar paanch maan ai zafar tu panj-tan o chaar-yaar ko hain sadr-e-deen ki yahii mehfil ke chaar paanch
Bahadur Shah Zafar
0 likes
itnaa na apne jaa men se baahar nikal ke chal duniya hai chal-chalaav ka rastaa sambhal ke chal auron ke bal pe bal na kar itnaa na chal nikal bal hai to bal ke bal pe tu kuchh apne bal ke chal insaan ko kal ka putla banaya hai us ne aap aur aap hi vo kahtaa hai putle ko kal ke chal phir aañkhen bhi to deen hain ki rakh dekh kar qadam kahtaa hai kaun tujh ko na chal chal sambhal ke chal kya chal sakega ham se ki pahchaante hain ham tu laakh apni chaal ko zalim badal ke chal hai shama sar ke bal jo mohabbat men garm ho parwaana apne dil se ye kahtaa hai jal ke chal bulbul ke hosh nikhat-e-gul ki tarah uda gulshan men mere saath zaraa itr mal ke chal gar qasd soo-e-dil hai tira ai nigah-e-yaar do-chaar teer paik se aage ajal ke chal jo imtihaan-e-tabah kare apna ai zafar to kah do us ko taur pe tu is ghazal ke chal
Bahadur Shah Zafar
1 likes
kyunkar na khaaksaar rahen ahl-e-keen se door dekho zameen falak se falak hai zameen se door parwaana wasl-e-sham'a pe deta hai apni jaañ kyunkar rahe dil us ke rukh-e-aatishi se door majmoo-e-wasl-wa-hijr jo naa men men hai raqam hai harf bhi kahii se mile aur kahii se door go teer-e-be-gumaan hai mire paas par abhii jaa.e nikal ke seena-e-charkh-e-bareen se door vo kaun hai ki jaate nahin aap jis ke paas lekin hamesha bhaagte ho tum humeen se door hairaan hooñ ki us ke muqaabil ho aaina jo pur-ghuroor khinchta hai maah-e-mubeen se door yaa tak adoo ka paas hai un ko ki bazm men vo baithe bhi hain to mire hum-nasheen se door manzoor ho jo deed tujhe dil ki aankh se pahunchen tiri nazar nigah-e-door-been se door duniya-e-doo ki de na mohabbat KHuda zafar insaan ko fenk de hai ye eimaan o deen se door
Bahadur Shah Zafar
1 likes
Similar Writers
Our suggestions based on Bahadur Shah Zafar.
Similar Moods
More moods that pair well with Bahadur Shah Zafar's ghazal.