vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

tumhein bas yah bat aanaa chahta hooñ main tumse kya chhup aanaa chahta hooñ kabhi mujhse bhi koi jhooth bolo main haan men haan mil aanaa chahta hooñ adaakaari bada dukh de rahi hai main sachmuch muskurana chahta hooñ ameeri ishq ki tumko mubarak main bas kh aanaa kam aanaa chahta hooñ main saare shahar ki baisakhiyon ko tere dar par nachana chahta hooñ mujhe tumse bichadna hi padega main tumko yaad aanaa chahta hooñ

kaise usne ye sab kuchh mujhse chhupkar badla chehra badla rastaa badla baad men ghar badla main uske baare men ye kahtaa tha logon se meraa naam badal dena vo shaKHs agar badla vo bhi KHush tha usne dil dekar dil maanga hai main bhi KHush hooñ maine patthar se patthar badla maine kaha kya meri khaatir KHud ko badloge aur phir usne nazren badlein aur number badla

kise khabar hai ki umr bas us pe ghaur karne men kat rahi hai ki ye udaasi hamaare jismoon se kis khushi men lipt rahi hai ajeeb dukh hai ham us ke hokar bhi us ko choone se dar rahe hain ajeeb dukh hai hamaare hisse ki aag auron men bat rahi hai main us ko har roz bas yahii ek jhooth sunne ko phone karta suno yahaañ koi mas’ala hai tumhaari awaaz kat rahi hai mujh aise pedon ke sookhne aur sabz hone se kya kisi ko ye bel shaayad kisi museebat men hai jo mujh se lipt rahi hai ye vaqt aane pe apni aulaad apne azdaad bech degi jo fauj dushman ko apna saalar girvi rakh kar palat rahi hai so is ta'alluq men jo galat-fahmiyaan theen ab door ho rahi hain ruki hui gaadiyon ke chalne ka vaqt hai dhundh chhat rahi hai

vo raat be-panaah thii aur main gareeb tha vo jis ne ye charaaghh jalaya ajeeb tha vo raushni ki aankh uthaai nahin gaii kal mujh se meraa chaand bahut hi qareeb tha dekha mujhe to taba ravaan ho gaii mirii vo muskuraa diya to main shayar adeeb tha rakhta na kyun main rooh o badan us ke saamne vo yuñ bhi tha tabeeb vo yuñ bhi tabeeb tha har silsila tha us ka KHuda se mila hua chup ho ki lab-kusha ho bala ka khateeb tha mauj-e-nashaat o sail-e-gham-e-jaan the ek saath gulshan men naghma-sanj ajab andaleeb tha main bhi raha hooñ khalvat-e-jaanan men ek shaam ye KHvaab hai ya Vaaqaii main khush-naseeb tha harf-e-dua o dast-e-sakhawat ke baab men KHud meraa tajurba hai vo be-had najeeb tha dekha hai us ko khilwat o jalvat men baar-ha vo aadmi bahut hi ajeeb-o-ghareeb tha likkho tamaam umr magar phir bhi tum aleemus ko dikha na paao vo aisa habeeb tha

aziz itnaa hi rakho ki jee sambhal jaa.e ab is qadar bhi na chaaho ki dam nikal jaa.e mile hain yuñ to bahut aao ab milen yuñ bhi ki rooh garmi-e-anfaas se pighal jaa.e mohabbaton men ajab hai dilon ko dhadka sa ki jaane kaun kahaan raasta badal jaa.e zahe vo dil jo tamanna-e-taazaa-tar men rahe khosha vo umr jo KHvaabon hi men bahl jaa.e main vo charaaghh sar-e-rahguzar-e-duniya hooñ jo apni zaat ki tanhaaiyon men jal jaa.e har ek lahza yahii aarzoo yahii hasrat jo aag dil men hai vo she'r men bhi dhal jaa.e

koi dhun ho main tire geet hi g aa.e jaaun dard seene men uthe shor mach aa.e jaaun KHvaab ban kar tu barsta rahe shabnam shabnam aur bas main isee mausam men nah aa.e jaaun tere hi rang utarte chale jaayen mujh men KHud ko likkhoon tiri tasveer ban aa.e jaaun jis ko milnaa nahin phir us se mohabbat kaisi sochta jaaun magar dil men bas aa.e jaaun ab tu us ki hui jis pe mujhe pyaar aata hai zindagi aa tujhe seene se lag aa.e jaaun yahii chehre mire hone ki gawaahi denge har naye harf men jaañ apni sam aa.e jaaun jaañ to cheez hai kya rishta-e-jaan se aage koi awaaz diye jaa.e main aa.e jaaun shaayad is raah pe kuchh aur bhi raahi aayen dhoop men chaltaa rahoon s aa.e bichh aa.e jaaun ahl-e-dil honge to samjhenge sukhun ko mire bazm men aa hi gaya hooñ to sun aa.e jaaun

aisi tez hawa aur aisi raat nahin dekhi lekin ham ne maula jaisi zaat nahin dekhi us ki shaan-e-ajeeb ka manzar dekhne vaala hai ik aisa khurshid ki jis ne raat nahin dekhi bistar par maujood rahe aur sair-e-haft-aflaak aisi kisi par rahmat ki barsaat nahin dekhi us ki aal vahii jo us ke naqsh-e-qadam par sirf zaat ki ham ne aal-e-saadat nahin dekhi ek shajar hai jis ki shaakhen phailti jaati hain kisi shajar men ham ne aisi baat nahin dekhi ik dariya-e-rehmat hai jo bahta jaata hai ye shaan-e-barkaat kisi ke saath nahin dekhi shahon ki taarikh bhi ham ne dekhi hai lekinus ke dar ke gadaaon waali baat nahin dekhi us ke naam pe maarein khaana ab ezaaz hamaara aur kisi ki ye izzat auqaat nahin dekhi sadiyon ki is dhoop chaanv men koi ha men batlaaye poori hui kaun si us ki baat nahin dekhi ahl-e-zameen ne kaun sa ham par zulm nahin dhaaya kaun si nusrat ham ne us ke haath nahin dekhi

azaab aa.e the aise ki phir na ghar se ga.e vo zinda log mire ghar ke jaise mar se ga.e hazaar tarah ke sad men uthaane waale logna jaane kya hua ik aan men bikhar se ga.e bichhadne waalon ka dukh ho to soch lena yahii ki ik nava-e-pareshaan the raahguzaar se ga.e hazaar raah chale phir vo raahguzaar aayi ki ik safar men rahe aur har safar se ga.e kabhi vo jism hua aur kabhi vo rooh tamaam usii ke KHvaab the aankhoñ men ham jidhar se ga.e ye haal ho gaya aaKHir tiri mohabbat men ki chahte hain tujhe aur tiri khabar se ga.e mira hi rang the to kyun na bas rahe mujh men mira hi KHvaab the to kyun mirii nazar se ga.e jo zakham zakhm-e-zabaan bhi hai aur numoo bhi hai to phir ye vaham hai kaisa ki ham hunar se ga.e