ye gham kya dil ki aadat hai nahin to kisi se kuchh shikaayat hai nahin to hai vo ik khwaab-e-be taabeer isko bhula dene ki niyat hai nahin to kisi ke bin kisi ki yaad ke bin ji.e jaane ki himmat hai nahin to kisi soorat bhi dil lagta nahin haan to kuchh din se ye haalaat hai nahin to tujhe jisne kahi ka bhi nahin rakha vo ek jaati si vehshat hai nahin to tere is haal par hai sab ko hairat tujhe bhi is pe hairat hai nahin to ham-aahangi nahin duniya se teri tujhe is par nadaamat hai nahin to vo darveshi jo taj kar aa gaya...tu yah daulat us ki qeemat hai nahin to hua jo kuchh yahii maqsoom tha kya yahii saari hikaayat hai nahin to aziyat-naak ummeedon se tujhko aman paane ki hasrat hai nahin to tu rehta hai khayaal-o-khvaab men gam to is wajah se fursat hai nahin to wahaan waalon se hai itni mohabbat yahaan waalon se nafrat hai nahin to sabab jo is judaai ka banaa hai vo mujhse khubsoorat hai nahin to

vo nahin meraa magar us se mohabbat hai to hai ye agar rasmon rivaajon se baghaavat hai to hai sach ko main ne sach kaha jab kah diya to kah diya ab zamaane kii nazar men ye himaqat hai to hai kab kaha main ne ki vo mil jaa.e mujh ko main use gair na ho jaa.e vo bas itni hasrat hai to hai jal gaya parwaana gar to kya KHataa hai shama' kii raat bhar jalnaa jalana us kii qismat hai to hai dost ban kar dushmanon sa vo sataata hai mujhe phir bhi us zalim pe marna apni fitrat hai to hai door the aur door hain har dam zameen-o-aasman dooriyon ke baad bhi dono men qurbat hai to hai

suna hai log use aankh bhar ke dekhte hain so us ke shahar men kuchh din thehar ke dekhte hain suna hai rabt hai us ko kharaab-haalon se so apne aap ko barbaad kar ke dekhte hain suna hai dard ki gaahak hai chashm-e-naaz us ki so ham bhi us ki gali se guzar ke dekhte hain suna hai us ko bhi hai she'r o shaayri se shagaf so ham bhi mo'jize apne hunar ke dekhte hain suna hai bole to baaton se phool jhadte hain ye baat hai to chalo baat kar ke dekhte hain suna hai raat use chaand takta rehta hai sitaare baam-e-falak se utar ke dekhte hain suna hai din ko use titliyan sataati hain suna hai raat ko jugnoo thehar ke dekhte hain suna hai hashr hain us ki ghazaal si aañkhen suna hai us ko hiran dasht bhar ke dekhte hain suna hai raat se badh kar hain kaakulen us ki suna hai shaam ko saa.e guzar ke dekhte hain suna hai us ki siyah-chashmagi qayamat hai so us ko surma-farosh aah bhar ke dekhte hain suna hai us ke labon se gulaab jalte hain so ham bahaar pe ilzaam dhar ke dekhte hain suna hai aaina timsaal hai jabeen us ki jo saada dil hain use ban-sanwar ke dekhte hain suna hai jab se hamaail hain us ki gardan men mizaaj aur hi laal o guhar ke dekhte hain suna hai chashm-e-tasavvur se dasht-e-imkaan men palang zaaviye us ki kamar ke dekhte hain suna hai us ke badan ki taraash aisi hai ki phool apni qabaayein katar ke dekhte hain vo sarv-qad hai magar be-gul-e-muraad nahin ki us shajar pe shagoofe samar ke dekhte hain bas ik nigaah se lutta hai qaafila dil ka so rah-ravaan-e-tamanna bhi dar ke dekhte hain suna hai us ke shabistaan se muttasil hai behisht makeen udhar ke bhi jalwe idhar ke dekhte hain ruke to gardishein us ka tawaaf karti hain chale to us ko zamaane thehar ke dekhte hain kise naseeb ki be-pairhan use dekhe kabhi kabhi dar o deewaar ghar ke dekhte hain kahaaniyaan hi sahi sab mubaalga hi sahi agar vo KHvaab hai taabeer kar ke dekhte hain ab us ke shahar men thehre ki kooch kar jaayen faraaz aao sitaare safar ke dekhte hain

rooh jism ka thaur thikaana chaltaa rehta hai jeena marna khona paana chaltaa rehta hai sukh dukh waali chadar ghatti badhti rahtii hai maula teraa taana waana chaltaa rehta hai ishq karo to jeete jee mar jaana padta hai mar kar bhi lekin jurmaana chaltaa rehta hai jin nazaron ne kaam dilaayaa ghazlein kehne ka aaj talak unko nazraana chaltaa rehta hai

main bhi tum jaisa hooñ apne se juda mat samjho aadmi hi mujhe rahne do KHuda mat samjho ye jo main hosh men rehta nahin tumse mil kar ye mira ishq hai tum isko nasha mat samjho raas aata nahin sabko ye mohabbat ka marz meri beemaarii ko tum apni davaa mat samjho

yoon main dil ka khayal rakhta hoon is men teraa khayal rakhta hoon teri marzi ka bhi khayal nahin teraa itnaa khayal rakhta hoon aur mar jaata hai vahii beemaar jiska achha khayal rakhta hoon tujh ko phir bhi KHaraab hona hai phir bhi teraa khayal rakhta hoon

vo laut aayi hai office se hijr khatm hua hamaare gaal pe ik kis se hijr khatm hua phir ek aag lagii jis men vasl ki thii chamak khayaal-e-yaar ki maachis se hijr khatm hua tha bazm-e-duniya men mushkil hamaara milnaa so nikal ke aa ga.e majlis se hijr khatm hua bhalii sharaab hai ye vasl naam hai us ka bas ek jaam piya jis se hijr khatm hua tumhaare hijr men sau vasl se guzar kar bhi ye sochta hooñ kahaan kis se hijr khatm hua

neend se aa kar baitha hai KHvaab mire ghar baitha hai aks mira aaiine men le kar patthar baitha hai palken jhuki hain sehra ki jis pe samundar baitha hai ek bagoola yaadon ka kha kar chakkar baitha hai us ki neendon par ik KHvaab titli ban kar baitha hai raat ki table buk kar ke chaand dinner par baitha hai andhiyaara khaamoshi ki odh ke chadar baitha hai aatish dhoop gaii kab ki ghar men kyunkar baitha hai

ye jo musalsal hanste ho kyuuñ hanste ho tum yuñ bhi KHush lagte ho kyuuñ hanste ho chat se neeche dekh ke kyuuñ hote ho KHush jab tum rassi dekhte ho kyuuñ hanste ho koi jo pooche haal to kahte ho achha hooñ gar tum sachmuch achchhe ho kyuuñ hanste ho

mazaak sahna nahin hai hañsi nahin karne udaas rahne men koi kamii nahin karne ye zindagi jo pukaare to shak sa hota hai kahii abhii to mujhe KHud-kushi nahin karne gunaah-e-ishq rihaa hote hi karenge phir gawaah banna nahin mukhbirii nahin karne bade hi ghusse men ye kah ke us ne vasl kiya mujhe to tum se koi baat hi nahin karne