ab ke ham bichhde to shaayad kabhi KHvaabon men milen jis tarah sukhe hue phool kitaabon men milen Dhoondh ujde hue logon men vafaa ke motiye khazaane tujhe mumkin hai kharaabon men milen gham-e-duniya bhi gham-e-yaar men shaamil kar lo nasha badhta hai sharaaben jo sharaabon men milen tu KHuda hai na mira ishq farishton jaisa dono insaan hain to kyun itne hijaabo men milen aaj ham daar pe kheeche ga.e jin baaton par kya ajab kal vo zamaane ko nisaabon men milen ab na vo main na vo tu hai na vo maazi hai faraaz jaise do shaKHs tamannaa ke saraabo men milen

mujhe udaas kar ga.e ho KHush raho mire mizaaj par ga.e ho KHush raho mire li.e na ruk sake to kya hua jahaan kahiin thehar ga.e ho KHush raho khushi hui hai aaj tum ko dekh kar bahut nikhar sanwar ga.e ho KHush raho udaas ho kisi ki be-vafaaii par vafaa kahiin to kar ga.e ho KHush raho gali men aur log bhi the aashna ha men salaam kar ga.e ho KHush raho tumhein to meri dosti pe naaz tha isee se ab mukar ga.e ho KHush raho kisi ki zindagi bano ki bandagi mire li.e to mar ga.e ho KHush raho

jab vo mere shaana-b-shaana chaltaa hai pas manzar men koi gaana chaltaa hai main poori zimmedaari se peeta hoon meri lagzish se maykhaana chaltaa hai aawaara'gar dii par laanat hai lekin ek gali men aana-jaana chaltaa hai pal-pal men bijli ke jhatke dete ho aise to bas paagal-khaana chaltaa hai aap kisi mauqe' par maatam karte hain ham logon ka to rozaana chaltaa hai tumko meri chaal pe fikre kasne the kas lo kamar ko ab deewaana chaltaa hai

yuñ apni pyaas ki KHud hi kahaanii likh rahe the ham sulagti ret pe ungli se paani likh rahe the ham miyaan bas maut hi sach hai vahaañ ye likh gaya koi jahaan par zindagaani zindagaani likh rahe the ham mile tujh se to duniya ko suhaani likh diya ham ne vagarna kab se us ko be-maa'ni likh rahe the ham humeen pe gir padi kal raat vo deewaar ro ro kar ki jis pe apne maazi ki kahaanii likh rahe the ham

main barsh chhod chuka aakhiri tasveer ke baad mujh se kuchh ban nahin paaya tiri tasveer ke baad mushtarik dost bhi chhoote hain tujhe chhodne par ya'ni deewaar hataani padi tasveer ke baad yaar tasveer men tanhaa hooñ magar log mile kaii tasveer se pahle kaii tasveer ke baad doosra ishq muyassar hai magar karta nahin kaun dekhega puraani nayi tasveer ke baad bhej deta hooñ magar pahle bataa doon tujh ko mujh se milta nahin koi mirii tasveer ke baad khushk deewaar men seelan ka sabab kya hogaa ek addad zang lagii keel thii tasveer ke baad

ab masafat men to aaraam nahin aa saka ye sitaara bhi mire kaam nahin aa saka ye mirii saltanat-e-khwab hai aabaad raho is ke andar koi bahraam nahin aa saka jaane khilte hue phoolon ko khabar hai ki nahin baagh men koi siyah-faam nahin aa saka har hawa-khwah ye kahtaa tha ki mahfooz hooñ main bujhne waalon men mira naam nahin aa saka main jinhen yaad hooñ ab tak yahii kahte honge shahzaada kabhi naakaam nahin aa saka dar hi lagta hai ki raaste men na rah jaaun kahii kahlawaa deejie men shaam nahin aa saka

dekha nahin chaand ne palat kar ham so ga.e KHvaab se lipt kar ab dil men vo sab kahaan hai dekho baghdaad kahaaniyon se hat kar shaayad ye shajar vahii ho jis par dekho to zaraa varq ult kar ik khauf-zada sa shaKHs ghar tak pahuncha kaii raaston men bat kar kaaghaz pe vo nazm khil uthi hai ug aaya hai phir darakht kat kar babar ye parind thak ga.e the baithe hain jo KHaak par simat kar

ek din khwaab-nagar jaana hai aur yoonhi khaak-basar jaana hai umr bhar ki ye jo hai be-khwabi ye usii KHvaab ka harjaana hai ghar se kis vaqt chale the ham log KHair ab kaun sa ghar jaana hai maut ki pahli alaamat saahib yahii ehsaas ka mar jaana hai kisi taqreeb-e-judai ke baghair theek hai jaao agar jaana hai shor ki dhool men gum galiyon se dil ko chup-chaap guzar jaana hai

vo gul vo khwab-shaar bhi nahin raha so dil ye khaaksaar bhi nahin raha ye dil to us ke naam ka padaav hai jahaan vo ek baar bhi nahin raha pada hai KHud se vaasta aur is ke b'ad kisi ka e'tibaar bhi nahin raha ye ranj apni asl shakl men hai dost ki main ise sanwaar bhi nahin raha ye vaqt bhi guzar nahin raha hai aur main KHud ise guzaar bhi nahin raha

dost kuchh aur bhi hain tere alaava mere dost kaii sehra mere hamdam kaii dariyaa mere dost tu bhi ho main bhi hooñ ik jagah pe aur vaqt bhi ho itni gunjaaishein rakhti nahin duniya mere dost teri aankhoñ pe meraa khwab-e-safar khatm hua jaise saahil pe utar jaa.e safeena mere dost zeest be-ma'ni vahii be-sar-o-saamaani vahii phir bhi jab tak hai tiri dhoop ka saaya mere dost ab to lagta hai judaai ka sabab kuchh bhi na tha aadmi bhool bhi saka hai na rastaa mere dost raah takte hain kahii door kaii sust charaaghh aur hawa tez hui jaati hai achha mere dost