aankhoñ men raha dil men utar kar nahin dekha kashtii ke musaafir ne samundar nahin dekha be-waqt agar jaaunga sab chaunk padenge ik umr hui din men kabhi ghar nahin dekha jis din se chala hooñ mirii manzil pe nazar hai aankhoñ ne kabhi meel ka patthar nahin dekha ye phool mujhe koi viraasat men mile hain tum ne mira kaanton bhara bistar nahin dekha yaaron ki mohabbat ka yaqeen kar liya maine phoolon men chhupaaya hua khanjar nahin dekha mahboob ka ghar ho ki buzurgon ki zameenen jo chhod diya phir use mud kar nahin dekha khat aisa likha hai ki nageene se jade hain vo haath ki jis ne koi zevar nahin dekha patthar mujhe kahtaa hai mira chaahne vaala main mom hooñ us ne mujhe choo kar nahin dekha

vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

ik pal men ik sadi ka mazaa ham se poochiye do din ki zindagi ka mazaa ham se poochiye bhule hain rafta rafta unhen muddaton men ham qiston men khudkushi ka mazaa ham se poochiye aagaz-e-aashiqi ka mazaa aap jaaniye anjaam-e-aashiqi ka mazaa ham se poochiye jalte diyon men jalte gharo jaisi zau kahaan sarkaar raushni ka mazaa ham se poochiye vo jaan hi ga.e ki ha men unse pyaar hai aankhoñ ki mukhbirii ka mazaa hamse poochiye hansne ka shauq hamko bhi tha aap ki tarah hansiye magar hañsi ka mazaa ham se poochiye ham tauba kar ke mar ga.e be-maut ai khumaar tauheen-e-may-kashi ka mazaa ham se poochiye

usoolon pe jahaan aanch aa.e takr aanaa zaroori hai jo zinda hon to phir zinda nazar aanaa zaroori hai nayi umron ki khudmukhtaariyon ko kaun samjh aa.e kahaan se bach ke chalna hai kahaan j aanaa zaroori hai thake haare parinde jab basere ke liye lautain saleeqamand shaakhon ka lachak j aanaa zaroori hai bahut bebaak aankhoñ men talluq tik nahin paata muhabbat men kashish rakhne ko sharm aanaa zaroori hai saleeqa hi nahin shaayad use mehsoos karne ka jo kahtaa hai KHuda hai to nazar aanaa zaroori hai mere honthon pe apni pyaas rakh do aur phir socho ki iske baad bhi duniya men kuchh p aanaa zaroori hai

tiri gali se guzarne ko sar jhukaaye hue faqeer hujra-e-haft-aasman uthaaye hue koi darakht saraaye ki jis men ja baitheen parinde apni pareshaaniyaan bhulaaye hue mire sawaal vahii toot-foot ki zad men javaab un ke vahii hain bane-banaaye hue ha men jo dekhte the jin ko dekhte the ham vo KHvaab KHaak hue aur vo log saa.e hue shikaariyon se mire ehtijaaj men babar darakht aaj bhi shaamil the haath uthaaye hue

ab masafat men to aaraam nahin aa saka ye sitaara bhi mire kaam nahin aa saka ye mirii saltanat-e-khwab hai aabaad raho is ke andar koi bahraam nahin aa saka jaane khilte hue phoolon ko khabar hai ki nahin baagh men koi siyah-faam nahin aa saka har hawa-khwah ye kahtaa tha ki mahfooz hooñ main bujhne waalon men mira naam nahin aa saka main jinhen yaad hooñ ab tak yahii kahte honge shahzaada kabhi naakaam nahin aa saka dar hi lagta hai ki raaste men na rah jaaun kahii kahlawaa deejie men shaam nahin aa saka

kisi ke haath kahaan ye khazana aata hai mire aziz ko har ik bah aanaa aata hai zaraa sa mil ke dikhaao ki aise milte hain bahut pata hai tumhein chhod j aanaa aata hai sitaare dekh ke jalte hain aañkhen malte hain ik aadmi li.e sham-e-fasana aata hai abhii jazeera pe ham tum naye naye to hain dost daro nahin mujhe sab kuchh ban aanaa aata hai yahaañ charaaghh se aage charaaghh jalta nahin faqat gharaane ke peeche ghar aanaa aata hai ye baat chalti hai seena-b-seena chalti hai vo saath aata hai shaana-b-sh aanaa aata hai gulaab cinema se pahle chaand baagh ke baa'd utar padunga jahaan kaarkh aanaa aata hai ye kah ke us ne semester break kar daala suna tha aap ko likhna likh aanaa aata hai zamaane ho ga.e dariyaa to kah gaya tha mujhe bas ek mauj ko kar ke ravana aata hai chhalk na jaa.e mira ranj meri aankhoñ se tumhein to apni khushi ko chhup aanaa aanaa hai vo roz bhar ke khalaai jahaaz udaate phiren ha men bhi raj ke tamaskhur udh aanaa aata hai pachaas meel hai khushki se bahriya-town bas ek ghante men achha zam aanaa aata hai break-dance sikhaaya hai naav ne dil ko hawa ka geet samundar ko g aanaa aata hai mujhe defence ki lingva-franka naiiñ aati tumhein to sadr ka qaumi tar aanaa aata hai mujhe to KHair zameen ki zabaan nahin aati tumhein mirrikh ka qaumi tar aanaa aata hai

vo gul vo khwab-shaar bhi nahin raha so dil ye khaaksaar bhi nahin raha ye dil to us ke naam ka padaav hai jahaan vo ek baar bhi nahin raha pada hai KHud se vaasta aur is ke b'ad kisi ka e'tibaar bhi nahin raha ye ranj apni asl shakl men hai dost ki main ise sanwaar bhi nahin raha ye vaqt bhi guzar nahin raha hai aur main KHud ise guzaar bhi nahin raha

dekha nahin chaand ne palat kar ham so ga.e KHvaab se lipt kar ab dil men vo sab kahaan hai dekho baghdaad kahaaniyon se hat kar shaayad ye shajar vahii ho jis par dekho to zaraa varq ult kar ik khauf-zada sa shaKHs ghar tak pahuncha kaii raaston men bat kar kaaghaz pe vo nazm khil uthi hai ug aaya hai phir darakht kat kar babar ye parind thak ga.e the baithe hain jo KHaak par simat kar