vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

tumhein bas yah bat aanaa chahta hooñ main tumse kya chhup aanaa chahta hooñ kabhi mujhse bhi koi jhooth bolo main haan men haan mil aanaa chahta hooñ adaakaari bada dukh de rahi hai main sachmuch muskurana chahta hooñ ameeri ishq ki tumko mubarak main bas kh aanaa kam aanaa chahta hooñ main saare shahar ki baisakhiyon ko tere dar par nachana chahta hooñ mujhe tumse bichadna hi padega main tumko yaad aanaa chahta hooñ

kaise usne ye sab kuchh mujhse chhupkar badla chehra badla rastaa badla baad men ghar badla main uske baare men ye kahtaa tha logon se meraa naam badal dena vo shaKHs agar badla vo bhi KHush tha usne dil dekar dil maanga hai main bhi KHush hooñ maine patthar se patthar badla maine kaha kya meri khaatir KHud ko badloge aur phir usne nazren badlein aur number badla

zabaan to khol nazar to mila javaab to de main kitnii baar luta hooñ mujhe hisaab to de tere badan ki likhaavat men hai utaar chadhaav main tujhe kaise padhoonga mujhe kitaab to de teraa sawaal hai saaqi ki zindagi kya hai javaab deta hooñ pahle mujhe sharaab to de

mirii udaasi mire darmiyaan band karo koi saleeqe se ye itr-daan band karo padha raha hooñ main bacchon ko karbala ka nisaab tum apni tishna-labi ka bakhaan band karo zaraa samajhne ki koshish karo mire ashko vo aaj KHush hai tum apni zabaan band karo main ek shart pe raazi hooñ qaid hone ko isee qafas men miraa aasmaan band karo mujhe akelaa men karne hain KHud se kuchh baatein ye miraa hukm hai deewaaro kaan band karo ghazal men laane se gham aur badh gaya hai charaaghh shatar girao sukhun ki dukaan band karo

ab bhi ye masroof duniya sust hai raftaar men kal ki khabren padh rahi hai aaj ke akhbaar men ek ghar ki chaar deewaari men gum hain do makaan roz eenten ug rahi hain paanchvi deewaar men us haseen chahre pe qaabez zulf se ladna hai to aaine se dhaar kariye dhoop ki talwaar men inke andar maut ka dar daal ye maasoom log sunte aa.e hain ki sab jaiz hai jang aur pyaar men

ab ye gul gulnaar kab hai khaar hai be-kaar hai aap ne jab kah diya be-kaar hai be-kaar hai chhod kar matla ghazal damdaar hai be-kaar hai jab sipah-salaar hi beemaar hai be-kaar hai ik sawaal aisa hai mere paas jis ke saamne ye jo teri shiddat-e-inkaar hai be-kaar hai tujh ko bhi hai chaand ka deedaar karne ki talab ik diye ko raushni darkaar hai be-kaar hai may-kade ke mukhtalif aadaab hote hain charaaghh jo yahaañ par saahib-e-kirdaar hai be-kaar hai

kuchh is tarah dil se ishq us ka nikaalna hai baghair gullak ko tode sikka nikaalna hai main jaanta hooñ mohabbaton ka maqaam-e-aakhir so us ke kamre se mujh ko pankha nikaalna hai nikaal phenki gha dii kalaaee se us ki dii hui ab apne khaatir ik-aadh ghanta nikaalna hai zameen khoden jinhen banaani hain qabr-gaahen zameen joten jinhen khazana nikaalna hai nikaal laaya jo mujh ko lehron ki saazishon se mujhe samundar se ab vo tinka nikaalna hai

chaman men kaun babulon ki daal kheenchta hai yahaañ jo aata hai phoolon ke gaal kheenchta hai vo teer baad men pahle sawaal kheenchta hai sawaal bhi jo sama'at ki khaal kheenchta hai ai pyaar baantne waale main khoob jaanta hooñ ki kitnii der men machwaara jaal kheenchta hai nikal bhi saka hooñ qaid-e-takhayyulaat se gar vo shaKHs kheench le jis ka khayal kheenchta hai main us ke aage nahin kheenchta niyaam se teg vo sher-shah jo dushman ki dhaal kheenchta hai ye sard subh men soya sharaati suraj bas aankh khulte hi pariyon ki shaal kheenchta hai main hosh-mand hooñ KHud bhi so meri ghazalon meinna raqs karta hai 'aashiq na baal kheenchta hai