baad men mujh se na kehna ghar palatna theek hai vaise sunne men yahii aaya hai rastaa theek hai shaakh se patta gire baarish ruke baadal chatte main hi to sab kuchh galat karta hooñ achha theek hai jehan tak tasleem kar leta hai uski bartree aankh tak tasdeeq kar deti hai banda theek hai ek teri awaaz sunne ke li.e zinda hai ham tu hi jab KHaamosh ho jaa.e to phir kya theek hai

sitam dhhaate hue socha karoge hamaare saath tum aisa karoge angoothi to mujhe lautaa rahe ho angoothi ke nishaan ka kya karoge main tumse ab jhagdta bhi nahin hooñ to kya is baat par jhagda karoge meraa daaman tumheen thaa men hue ho meraa daaman tumheen maila karoge batao vaa'da kar ke aaoge nake pichhli baar ke jaisa karoge vo dulhan ban ke ruksat ho gaii hai kahaan tak car ka peecha karoge mujhe bas yuñ hi tumse poochna tha agar main mar gaya to kya karoge

kya ghalatfahmi men rah jaane ka sadma kuchh nahin vo mujhe samjha to saka tha ki aisa kuchh nahin ishq se bach kar bhi banda kuchh nahin hota magar ye bhi sach hai ishq men bande ka bachta kuchh nahin jaane kaise raaz seene men li.e baitha hai vo zahr kha leta hai par munh se ugalta kuchh nahin shukr hai ki usne mujhse kah diya ki kuchh to hai main usse kehne hi vaala tha ki achha kuchh nahin

haath khaali hain tire shahar se jaate jaate jaan hoti to mirii jaan lutate jaate ab to har haath ka patthar ha men pahchaanta hai umr guzri hai tire shahar men aate jaate ab ke mayus hua yaaron ko ruksat kar ke ja rahe the to koi zakham lagaate jaate renagne ki bhi ijaazat nahin ham ko warna ham jidhar jaate naye phool khilaate jaate main to jalte hue seharaaon ka ik patthar tha tum to dariyaa the mirii pyaas bujhaate jaate mujh ko rone ka saleeqa bhi nahin hai shaayad log hanste hain mujhe dekh ke aate jaate ham se pahle bhi musaafir kaii guzre honge kam se kam raah ke patthar to hataate jaate

kitne aish se rahte honge kitne itraate honge jaane kaise log vo honge jo us ko bhaate honge shaam hue khush-baash yahaañ ke mere paas aa jaate hain mere bujhne ka nazzara karne aa jaate honge vo jo na aane vaala hai na us se mujh ko matlab tha aane waalon se kya matlab aate hain aate honge us ki yaad ki baad-e-saba men aur to kya hota hogaa yoonhi mere baal hain bikhre aur bikhar jaate honge yaaro kuchh to zikr karo tum us ki qayamat baanhon ka vo jo simtate honge un men vo to mar jaate honge meraa saans ukhadte hi sab bein karenge roenge ya'ni mere baa'd bhi ya'ni saans li.e jaate honge

ab ye gul gulnaar kab hai khaar hai be-kaar hai aap ne jab kah diya be-kaar hai be-kaar hai chhod kar matla ghazal damdaar hai be-kaar hai jab sipah-salaar hi beemaar hai be-kaar hai ik sawaal aisa hai mere paas jis ke saamne ye jo teri shiddat-e-inkaar hai be-kaar hai tujh ko bhi hai chaand ka deedaar karne ki talab ik diye ko raushni darkaar hai be-kaar hai may-kade ke mukhtalif aadaab hote hain charaaghh jo yahaañ par saahib-e-kirdaar hai be-kaar hai

jang jitni ho sake dushwaar honi chahiye jeet haasil ho to laziz-daar honi chahiye ek 'aashiq kal salaamat shahar men dekha gaya ye khabar to surkhi-e-akhbaar honi chahiye kah rahi hai aaj-kal ghazlein kisi ke ishq men vo ki jo KHud zeenat-e-ash'aar honi chahiye ishq dono ne kiya tha KHud-kushi bas main karoon vo bhi marne ke li.e taiyyaar honi chahiye dil ki nadaani hi bas kaafi nahin hai ishq men aql bhi thodii bahut beemaar honi chahiye pyaar hai to haath us ka thaam apne haath men jang hai to haath men talwaar honi chahiye

ab bhi ye masroof duniya sust hai raftaar men kal ki khabren padh rahi hai aaj ke akhbaar men ek ghar ki chaar deewaari men gum hain do makaan roz eenten ug rahi hain paanchvi deewaar men us haseen chahre pe qaabez zulf se ladna hai to aaine se dhaar kariye dhoop ki talwaar men inke andar maut ka dar daal ye maasoom log sunte aa.e hain ki sab jaiz hai jang aur pyaar men

pukaarta hooñ main al-amaan al-amaan allah bacha le mere yaqeenullaah ki jaan allah vo jin ko tu ne ata kiya hai jahaan allah banaa rahe hain tire li.e hi makaan allah vo yaad aata hai sirf yaaron ke poochne par tu yaad aata hai sirf waqt-e-azaan allah tire taghaaful ki hi badaulat hooñ aaj jo hooñ mujhe koi janm-zaat kaafir na jaan allah main jab vo jannat bhi chhod aaya to duniya kya hai le main chala tu sanbhaal apna jahaan allah

koi KHat vat nahin faara koi tohfa nahin toda ki vo dekhe to KHud soche ki dil toda nahin toda yahaañ maine gale men baandh li rassi aur ik vo hai ki ab tak sirf dastak dii hai darwaaza nahin toda bharosa tha bharosa tod dega vo so usne bhi bharosa tod ke vo jo bharosa tha nahin toda banaana aa gaya jab kaanch ki kirchon se kohinoor ghazal kehne lage ghusse men guldasta nahin toda