mere bas men nahin varna qudrat ka likha hua kaatta tere hisse men aa.e bure din koi doosra kaatta laariyon se zyaada bahaav tha tere har ik lafz men main ishaara nahin kaat saka teri baat kya kaatta maine bhi zindagi aur shab e hijr kaatee hai sabki tarah vaise behtar to ye tha ke main kam se kam kuchh naya kaatta tere hote hue mombatti bujhaai kisi aur ne kya khushi rah gayi thii janmdin ki main cake kya kaatta koi bhi to nahin jo mere bhookhe rahne pe naaraz ho jail men teri tasveer hoti to hanskar saza kaatta

ye gham kya dil ki aadat hai nahin to kisi se kuchh shikaayat hai nahin to hai vo ik khwaab-e-be taabeer isko bhula dene ki niyat hai nahin to kisi ke bin kisi ki yaad ke bin ji.e jaane ki himmat hai nahin to kisi soorat bhi dil lagta nahin haan to kuchh din se ye haalaat hai nahin to tujhe jisne kahi ka bhi nahin rakha vo ek jaati si vehshat hai nahin to tere is haal par hai sab ko hairat tujhe bhi is pe hairat hai nahin to ham-aahangi nahin duniya se teri tujhe is par nadaamat hai nahin to vo darveshi jo taj kar aa gaya...tu yah daulat us ki qeemat hai nahin to hua jo kuchh yahii maqsoom tha kya yahii saari hikaayat hai nahin to aziyat-naak ummeedon se tujhko aman paane ki hasrat hai nahin to tu rehta hai khayaal-o-khvaab men gam to is wajah se fursat hai nahin to wahaan waalon se hai itni mohabbat yahaan waalon se nafrat hai nahin to sabab jo is judaai ka banaa hai vo mujhse khubsoorat hai nahin to

kaise usne ye sab kuchh mujhse chhupkar badla chehra badla rastaa badla baad men ghar badla main uske baare men ye kahtaa tha logon se meraa naam badal dena vo shaKHs agar badla vo bhi KHush tha usne dil dekar dil maanga hai main bhi KHush hooñ maine patthar se patthar badla maine kaha kya meri khaatir KHud ko badloge aur phir usne nazren badlein aur number badla

kyun darein zindagi men kya hogaa kuchh na hogaa to tajurba hogaa hansati aankhoñ men jhaank kar dekho koi aañsu kahii chhupa hogaa in dinon na-umeed sa hooñ main shaayad usne bhi ye suna hogaa dekhkar tumko sochta hooñ main kya kisi ne tumhein chhua hogaa

vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

gham-e-jahaan se main ukta gaya to kya hogaa KHud apni fikr men ghulne laga to kya hogaa ye na-guzeer hai ummeed ki numoo ke li.e guzarta vaqt kahii tham gaya to kya hogaa yahii bahut hai ki ham ko sukoon se jeene de kisi ke haathon hamaara bhala to kya hogaa ye log meri KHamoshii pe mujh se naalaan hain koi ye pooche main goya hua to kya hogaa main is li.e bhi bahut mukhtalif hooñ logon se vo sochte hain ki aisa hua to kya hogaa junoon ki raah ajab hai ki paanv dharne ko zameen tak bhi nahin naqsh-e-paa to kya hogaa ye ek khauf bhi meri khushi men shaamil hai tira bhi dhyaan agar hat gaya to kya hogaa jo ho raha hai vo hota chala gaya to phir jo hone ko hai vahii ho gaya to kya hogaa

sab ko bachao KHud bhi bacho fasla rakho ab aur kuchh karo na karo fasla rakho khatra to muft men bhi nahin lena chahiye ghar se nikal ke mol na lo fasla rakho filhaal is se bachne ka hai ek raasta vo ye ki is se bach ke raho fasla rakho dushman hai aur tarah ka jang aur tarah ki aage badho na peeche hato fasla rakho

us ne koi to dam padha hua hai jis ne dekha vo mubtala hua hai ab tire raaste se bach nikloon ik yahii raasta bacha hua hai aao taqreeb-e-roo-numaai karen paanv men ek aablaa hua hai phir vahii bahs chhed dete ho itni mushkil se raabta hua hai raat ki waardaat mat poochho Vaaqaii ek vaqiaa' hua hai lag raha hai ye narm lehje se phir tujhe koi mas'ala hua hai main kahaan aur vo faseel kahaan faasle ka hi faisla hua hai itnaa masroof ho gaya hooñ ki bas meer bhi ik taraf pada hua hai aaj kuchh bhi nahin hua javvaad haan magar ek saanehaa hua hai

na sahi aish guzaara hi sahi yaanii gar tu nahin duniya hi sahi chhodije kuchh to meraa bhi mujh men KHoon ka aakhiri qatra hi sahi ghaur to kijeye meri baaton par umr men aap se chhota hi sahi ranj ham ne bhi juda paa.e hain aap yaktaa hain to yaktaa hi sahi main bura hooñ to hooñ ab kya kijeye koi achha hai to achha hi sahi kis ko seene se lagaaun tire b'ad jaate jaate koi dhoka hi sahi kar kuchh aisa ki tujhe yaad raKHoon bhool jaane ka taqaza hi sahi tum pe kab rok thii chalte jaate meri sochon pe to pahra hi sahi vo kisi taur na hogaa meraa chalo aisa hai to aisa hi sahi surkh karne lagii har shay javvaad yaad ka rang sunhara hi sahi

ishq ne jab bhi kisi dil pe hukoomat ki hai to use dard ki me'raaj inaayat ki hai apni taaid pe KHud aql bhi hairaan hui dil ne aise mire KHvaabon ki himayat ki hai shahr-e-ehsaas tiri yaad se raushan kar ke main ne har ghar men tire zikr ki jurat ki hai mujh ko lagta hai ki insaan adhoora hai abhii tu ne duniya men use bhej ke ujlat ki hai shahar ke teera-tareen ghar se vo khurshid mila jis ki tanveer men taaseer qayamat ki hai sochta hooñ ki main aise men kidhar ko jaaun teraa milnaa bhi kathin yaad bhi shiddat ki hai is tarah aundhe pade hain ye shikasta jazbe jaise ik vaham ne in sab ki imaamat ki hai ye jo bikhri hui laashen hain varq par javvaad ye mire zabt se lafzon ne baghaavat ki hai