is se pahle ki tujhe aur sahaara na mile main tire saath hooñ jab tak mire jaisa na mile kam se kam badle men jannat use de dii jaaye jis mohabbat ke girftaar ko sehraa na mile log kahte hai ke ham log bure aadmi hai log bhi aise jinhone ha men dekha na mile bas yahii kah ke use maine KHuda ko saunpa ittefaakan kahii mil jaaye to rota na mile baddua hai ke vahaañ aaye jahaan baithe the aur afkaar vahaañ aapko baitha na mile

dar hai ghar men kaise bola jaayega chhodo jo bhi hogaa dekha jaayega number likhkar haathon men pakda dena tere ghar ik chhota bachcha jaayega main bas uskaa chehra padhkar jaaunga meraa paper sabse achha jaayega

baad men mujh se na kehna ghar palatna theek hai vaise sunne men yahii aaya hai rastaa theek hai shaakh se patta gire baarish ruke baadal chatte main hi to sab kuchh galat karta hooñ achha theek hai jehan tak tasleem kar leta hai uski bartree aankh tak tasdeeq kar deti hai banda theek hai ek teri awaaz sunne ke li.e zinda hai ham tu hi jab KHaamosh ho jaa.e to phir kya theek hai

ham ne kab chaaha ki vo shaKHs hamaara ho jaa.e itnaa dik jaa.e ki aankhoñ ka guzaara ho jaa.e ham jise paas bitha len vo bichhad jaata hai tum jise haath laga do vo tumhaara ho jaa.e tum ko lagta hai ki tum jeet ga.e ho mujh se hai yahii baat to phir khel dubara ho jaa.e hai mohabbat bhi ajab tarz-e-tijaarat ki yahaañ har dukaan-daar ye chahe ki khasaara ho jaa.e

ham jee rahe hain koi bahaana ki.e baghairus ke baghair us ki tamannaa ki.e baghair ambaar us ka parda-e-hurmat banaa miyaan deewaar tak nahin giri parda ki.e baghair yaaraan vo jo hai miraa maseeha-e-jaan-o-dil be-had aziz hai mujhe achha ki.e baghair main bistar-e-khayaal pe leta hooñ us ke paas subh-e-azl se koi taqaza ki.e baghair us ka hai jo bhi kuchh hai miraa aur main magar vo mujh ko chahiye koi sauda ki.e baghair ye zindagi jo hai use maana bhi chahiye vaa'da ha men qubool hai ifa ki.e baghair ai qaatilon ke shahar bas itni hi arz hai main hooñ na qatl koi tamasha ki.e baghair murshid ke jhooth ki to saza be-hisaab hai tum chhodio na shahar ko sehra ki.e baghair un aangaanon men kitna sukoon o suroor tha aaraish-e-nazar tiri parwa ki.e baghair yaaraan khusa ye roz o shab-e-dil ki ab ha men sab kuchh hai khush-gawaar gawara ki.e baghair giryaa-kunaan ki fard men apna nahin hai naam ham giryaa-kun azal ke hain giryaa ki.e baghair aaKHir hain kaun log jo bakshe hi jaayenge taarikh ke haraam se tauba ki.e baghair vo sunni bachcha kaun tha jis ki jafaa ne jaun shiaa banaa diya ha men shiaa ki.e baghair ab tum kabhi na aaoge ya'ni kabhi kabhi ruksat karo mujhe koi vaa'da ki.e baghair

vo kahte hain ranjish ki baatein bhula den mohabbat karen KHush rahen muskuraa den ghuroor aur hamaara ghuroor-e-mohabbat mah o mehr ko un ke dar par jhuka den jawaani ho gar jaavedaani to ya rab tiri saada duniya ko jannat banaa den shab-e-wasl ki be-khu dii chha rahi hai kaho to sitaaron ki shamaein bujha den bahaarein simat aayen khil jaayen kaliyaan jo ham tum chaman men kabhi muskuraa den ibadat hai ik be-khu dii se ibaarat haram ko may-e-mushk-boo se basa den vo aayenge aaj ai bahaar-e-mohabbat sitaaron ke bistar pe kaliyaan bichha den banata hai munh talkhi-e-may se zaahid tujhe baagh-e-rizwaan se kausar manga den jinhen umr bhar yaad aanaa sikhaaya vo dil se tiri yaad kyunkar bhula den tum afsaana-e-qais kya poochte ho idhar aao ham tum ko leila banaa den ye be-dardiyaan kab tak ai dard-e-ghurbat buton ko phir arz-e-haram men basa den vo sarmastiyaan bakhsh ai rashk-e-sheereen ki khusro ko khwaab-e-adam se jaga den tire vasl ki be-khu dii kah rahi hai KHudaai to kya ham KHuda ko bhula den unhen apni soorat pe yuñ naaz kab tha mire ishq-e-ruswa ko akhtar dua den

gham-e-zamaana nahin ik azaab hai saaqi sharaab la mirii haalat KHaraab hai saaqi shabaab ke li.e tauba azaab hai saaqi sharaab la mujhe paas-e-shabaab hai saaqi utha piyaala ki gulshan pe phir barsne lagii vo may ki jis ka qadah mahtaab hai saaqi nikaal parda-e-meena se dukhtar-e-raz ko ghatta men kis li.e ye mahtaab hai saaqi tu waizoon ki na sun may-kashon ki khidmat kar gunah savaab ki khaatir savaab hai saaqi zamaane-bhar ke ghamon ko hai daawat-e-gharraa ki ek jaam men sab ka javaab hai saaqi kalaam jis ka hai me'raaj haafiz-o-khayyaam yahii vo akhtar-e-khaana-kharaab hai saaqi

la pila saaqi sharaab-e-arghwaani phir kahaan zindagaani phir kahaan naadaan jawaani phir kahaan do ghadi mil baithne ko bhi ghaneemat jaaniye umr faani hi sahi ye umr-e-faani phir kahaan aa ki ham bhi ik taraana jhoom kar gaate chalen is chaman ke taaeron ki hum-zabaani phir kahaan hai zamaana ishq-e-salma men ganwa de zindagi ye zamaana phir kahaan ye zindagaani phir kahaan ek hi bastii men hain aasaan hai milnaa aa milo kya khabar le jaa.e daur-e-aasmaani phir kahaan fasl-e-gul jaane ko hai daur-e-khizaan aane ko hai ye chaman ye bulbulein ye naghma-khwaani phir kahaan phool chun jee khol kar aish-o-tarab ke phool chun mausam-e-gul phir kahaan fasl-e-jawaani phir kahaan aakhiri raat aa gaii jee bhar ke mil len aaj to tum se milne dega daur-e-aasmaani phir kahaan aaj aa.e ho to sunte jaao ye taaza ghazal warna akhtar phir kahaan ye sher-khwaani phir kahaan

kis ko dekha hai ye hua kya hai dil dhadakta hai maajra kya hai ik mohabbat thii mit chuki ya rab teri duniya men ab dhara kya hai dil men leta hai chutkiyaan koi h aa.e is dard ki davaa kya hai hooren nekon men bat chuki hongi baagh-e-rizwaan men ab rakha kya hai us ke ahad-e-shabaab men jeena jeene waalo tumhein hua kya hai ab davaa kaisi hai dua ka vaqt tere beemaar men raha kya hai yaad aata hai lucknow akhtar khuld ho aayen to bura kya hai

vo kabhi mil jaayen to kya keejie raat din soorat ko dekha keejie chaandni raaton men ik ik phool ko be-khu dii kahti hai sajda keejie jo tamannaa bar na aa.e umr bhar umr bhar us ki tamannaa keejie ishq ki rangeeniyon men doob kar chaandni raaton men roya keejie pooch baithe hain hamaara haal vo be-khu dii tu hi bataa kya keejie ham hi us ke ishq ke qaabil na the kyun kisi zalim ka shikwa keejie aap hi ne dard-e-dil bakhsha ha men aap hi is ka mudaava keejie kahte hain akhtar vo sun kar mere she'r is tarah ham ko na rusva keejie