jang yah jang kabhi na khatm hogii chal ham duniya basaaein aur kahii is shahar ki chidiyaan sahm gayi hain vo ud ke jaati hain aur kahii yahaañ goonj rahi hai topon ki sadaaein chal ham geet sunaayein aur kahii yah duniya hai kaanto se bharii ham phool khilaayein aur kahii yahaañ nafrat ka baarood jala hain ham mohabbat mehkaayen aur kahii sab bastiyaan jal ke raakh hui chal aashiyaan banaayein aur kahii yah log hain jism chabaane ke li.e ham fasal ugaayein aur kahii har dhadkan men shor hai barpa chal sukoon talaashein aur kahii

"Parichay garibi ka"

ai siphar-e-bareen ke sayyaaro ai fazaa-e-zameen ke gul-zaaro ai pahaadon ki dil-fareb fazaa ai lab-e-joo ki than dii than dii hawa ai anaadil ke naghma-e-sehri ai shab-e-mahtaab taaron bharii ai naseem-e-bahaar ke jhonko dahr-e-na-paaedaar ke dhoko tum har ik haal men ho yuñ to aziz the watan men magar kuchh aur hi cheez jab watan men hamaara tha ramna tum se dil baagh baagh tha apna tum mirii dil-lagi ke saamaan the tum mire dard-e-dil ke darmaan the tum se katata tha ranj-e-tanhaai tum se paata tha dil shakebaai aan ik ik tumhaari bhaati thii jo ada thii vo jee lubhaati thii karte the jab tum apni gham-khwari dhoi jaati theen kulfatein saari jab hawa khaane baagh jaate the ho ke khush-haal ghar men aate the baith jaate the jab kabhi lab-e-aab dho ke uthte the dil ke daagh shitaab koh o sehra o aasmaañ o zameen sab mirii dil-lagi ki shaklein theen par chhuta jis se apna mulk o dayaar jee hua tum se KHud-ba-KHud bezaarna gulon ki ada KHush aati haina sadaa bulbulon ki bhaati hai sair-e-gulshan hai jee ka ik janjaal shab-e-mehtaab jaañ ko hai vabaal koh o sehra se ta lab-e-dariya jis taraf jaayen jee nahin lagta kya hue vo din aur vo raatein tum men agli si ab nahin baatein ham hi gurbat men ho ga.e kuchh aur ya tumhaare badal ga.e kuchh taur go vahii ham hain aur vahii duniya par nahin ham ko lutf duniya ka ai watan ai mire behisht-e-bareen kya hue tere aasmaañ o zameen raat aur din ka vo samaan na raha vo zameen aur vo aasmaañ na raha teri doori hai morid-e-aalam tere chhutne se chhut gaya aaraam kaate khaata hai baagh bin tere gul hain nazaron men daagh bin tere mit gaya naqsh kaamraani ka tujh se tha lutf zindagaani ka jo ki rahte hain tujh se door sadaa in ko kya hogaa zindagi ka mazaa ho gaya yaa to do hi din men ye haal tujh bin ek ek pal hai ik ik saal sach bataa to sabhi ko bhaata hai ya ki mujh se hi teraa naata hai main hi karta hooñ tujh pe jaañ nisaar ya ki duniya hai teri aashiq-e-zaar kya zamaane ko tu aziz nahin ai watan tu to aisi cheez nahin jin o insaan ki hayaat hai tu murgh o maahi ki kaayenaat hai tu hai nabaatat ka numoo tujh se rookh tujh bin hare nahin hote sab ko hota hai tujh se nashv-o-numa sab ko bhaati hai teri aab-o-hawa teri ik musht-e-khaak ke badle luun na hargiz agar behisht mile jaañ jab tak na ho badan se juda koi dushman na ho watan se hawa hamla jab qoum-e-aarya ne kiya aur baja un ka hind men danka mulk waale bahut se kaam aa.e jo bache vo ghulaam kahl aa.e shudr kahl aa.e raakshas kahl aa.e ranj pardes ke magar na uth aa.e go ghulaami ka lag gaya dhabbana chhuta un se des par na chhuta qadr ai dil watan men rahne ki pooche pardesiyo ke jee se koi jab mila ram-chandra ko ban-baas aur niklaa watan se ho ke udaas baap ka hukm rakh liya sar par par chala saath le ke daag-e-jigar paanv uthata tha us ka ban ki taraf aur khinchta tha dil watan ki taraf guzre gurbat men is qadar mah-o-saal par na bhola ayodhya ka khayal des ko ban men jee bhatkata raha dil men kaanta sa ik khatkata raha teer ik dil men aa ke lagta tha aati thii jab ayodhya ki hawa katne chaudah baras hue the muhaal goya ek ek jug tha ek ik saal hue yasrib ki samt jab raahi sayyad-e-abtahee ke hamraahi rishte ulfat ke saare tod chale aur bilkul watan ko chhod chale go watan se chale the ho ke KHafaa par watan men tha sab ka jee atka dil-lagi ke bahut mile samaan par na bhule watan ke registaan dil men aathon pahar khatkate the sang-reze zameen-e-batha ke ghar jafaon se jin ki chhoota tha dil se rishta na un ka toota tha hui yusuf ki sakhtiyan jab door aur hua mulk-e-misr par maamoor misr men chaar soo tha hukm ravaan aankh thii jaanib-e-watan nigaraan yaad-e-kan'aan jab us ko aati thii saltanat saari bhool jaati thii dukh uth aa.e the jis watan men sakht taaj bhaata na us baghair na takht jin se dekhi thii sakht be-mehri lau thii un bhaaiyon ki dil ko lagii ham bhi hubb-e-watan men hain go ghark ham men aur un men hai magar ye farq ham hain naam-e-watan ke deewane vo the ahl-e-watan ke parwaane jis ne yusuf ki dastaan hai sooni jaanta hogaa rooyedaad us ki misr men qahat jab pada aa kar aur hui qaum bhook se muztar kar diya waqf un pe baitulmaal lab tak aane diya na harf-e-sawaal khatiyaan aur kothe khol diye muft saare zakheere tol diye qafile khaali haath aate the aur bharpoor yaa se jaate the yuñ ga.e qahat ke vo saal guzar jaise bacchon ki bhook waqt-e-sehr ai dil ai banda-e-watan hoshiyaar khwaab-e-ghaflat se ho zaraa bedaar o sharaab-e-khu dii ke matwaale ghar ki chaukhat ke choomne waale naam hai kya isee ka hubb-e-watan jis ki tujh ko lagii hui hai lagan kabhi bacchon ka dhyaan aata hai kabhi yaaron ka gham sataata hai yaad aata hai apna shahar kabhi lau kabhi ahl-e-shehr ki hai lagii naqsh hain dil pe koocha-o-baazaar firte aankhoñ men hain dar-o-deewar kya watan kya yahii mohabbat hai ye bhi ulfat men koi ulfat hai is men insaan se kam nahin hain darind is se khaali nahin charind o parind tukde hote hain sang gurbat men sookh jaate hain rookh furqat men ja ke kaabul men aam ka pauda kabhi parwaan chadh nahin saka aa ke kaabul se yaa bihi-o-anaar ho nahin sakte barvar zinhaar machhlii jab chhooti hai paani se haath dhoti hai zindagaani se aag se jab hua samundar doorus ko jeene ka phir nahin maqdoor ghode jab khet se bichhadte hain jaañ ke laale un ke padte hain g aa.e bhains oont ho ya bakri apne apne thikaane KHush hain sabhi kahiye hubb-e-watan isee ko agar ham se hawaan nahin hain kuchh kam-tar hai koi apni qaum ka hamdard nau-e-insaan ka samjhen jis ko fard jis pe itlaq-e-aadmi ho saheeh jis ko hawaan pe de saken tarjeeh qaum par koi zad na dekh sake qaum ka haal-e-bad na dekh sake qaum se jaañ tak aziz na ho qaum se badh ke koi cheez na ho samjhe un ki khushi ko raahat-e-jaan waan jo nau-roz ho to eed ho yaa ranj ko un ke samjhe maaya-e-gham waan agar sog ho to yaa maatam bhool jaa.e sab apni qadr-e-jaleel dekh kar bhaaiyon ko khwaar-o-zaleel jab pade un pe gardish-e-aflaak apni aasaishon pe daal de KHaak baithe be-fikr kya ho ham-watano utho ahl-e-watan ke dost bano mard ho tum kisi ke kaam aao warna khao piyo chale jaao jab koi zindagi ka lutf uthao dil ko dukh bhaaiyon ke yaad dilao pahno jab koi umdaa tum poshaak karo daaman se ta garebaan chaak khaana khao to jee men tum sharmao thanda paani piyo to ashk bahao kitne bhaai tumhaare hain nadaar zindagi se hai jin ka dil bezaar naukaron ki tumhaare jo hai ghiza un ko vo KHvaab men nahin milta jis pe tum jootiyon se firte ho waan muyassar nahin vo odhne ko khao to pahle lo khabar un ki jin pe bipata hai neesti ki pa dii pahno to pahle bhaaiyon ko pahnaao ki hai utran tumhaari jin ka banaav ek daali ke sab hain barg-o-samar hai koi un men khushk aur koi tar sab ko hai ek asl se paivand koi aazurda hai koi khursand muqabilo mudabbiron ko yaad karo khush-dilo gham-zadon ko shaad karo jaagne waale ghaafiloon ko jagao tairne waalo doobton ko tirao hain mile tum ko chashm o gosh agar lo jo li jaa.e kor-o-kar ki khabar tum agar haath paanv rakhte ho langde lulo ko kuchh sahaara do tandurusti ka shukr kiya hai batao ranj beemaar bhaaiyon ka hatao tum agar chahte ho mulk ki khairna kisi ham-watan ko samjho gair ho musalmaan us men ya hindu bodh mazhab ho ya ki ho brahmoo jafari hove ya ki ho hanfi jeen-mat hove ya ho vaishnavi sab ko mee thii nigaah se dekho samjho aankhoñ ki putliyaan sab ko mulk hain ittifaq se azaad shahar hain ittifaq se aabaad hind men ittifaq hota agar khaate ghairoon ki thokren kyunkar qaum jab ittifaq kho bai thii apni pounji se haath dho bai thii ek ka ek ho gaya bad-khwaah lagii ghairoon ki padne tum pe nigaah phir ga.e bhaaiyon se jab bhaai jo na aani thii vo bala aayi paanv iqbaal ke ukhadne lage mulk par sab ke haath padne lage kabhi tooraniyon ne ghar lootaa kabhi durraaniyon ne zar lootaa kabhi naadir ne qatl-e-aam kiya kabhi mahmood ne ghulaam kiya sab se aaKHir ko le gaii baazi ek shaista qaum maghrib ki ye bhi tum par KHuda ka tha ina'am ki pada tum ko aisi qaum se kaam warna dum maarnay na paate tum padti jo sar pe vo uthaate tum mulk raunde ga.e hain pairo'n se chain kis ko mila hai ghairoon se qaum se jo tumhaare bartaav socho ai mire pyaaro aur sharmao ahl-e-daulat ko hai ye istighna ki nahin bhaaiyon ki kuchh parwa shahar men qahat ki duhaai hai jaan-e-aalam labon pe aayi hai bacche ik ghar men bilbilaate hain ro ke maa baap ko rulaate hain koi firta hai maangata dar dar hai kahii pet se bandha patthar par jo hain un men sahib-e-maqdoor un men ginti ke honge aise ghayoor ki jinhen bhaaiyon ka gham hogaa apni raahat ka dhyaan kam hogaa jitne dekhoge paoge be-dard dil ke naamard aur naam ke mard aish men jin ke kate hain auqaat eed hai din to shabbaraat hai raat qaum marti hai bhook se to mare kaam unhen apne halve-maande se in ko ab tak khabar nahin aslan shahar men bhaav kya hai ghalle ka ghalla arzaan hai in dinon ki giran kaal hai shahar men pada ki samaan kaal kya shay hai kis ko kahte hain bhook bhook men kyunki marte hain maflook ser bhooke ki qadr kya samjheus ke nazdeek sab hain pet bhare ahl-e-daulat ka sun chuke tum haal ab suno ruyedaad-e-ahl-e-kamaal faazilon ko hai faazilon se inaad panditon men pade hue hain fasaad hai tabeebon men nok-jhok sadaa ek se ek ka hai thook juda rahne do ah-e-ilm hain is tarah pahalwaanon men laag ho jis tarah eidu waalon ka hai agar pattha shekhu waalon men ja nahin saka shaairon men bhi hai yahii takraar khushnaveshon ko hai yahii aazaar laakh nekon ka kyun na ho ik nek dekh saka nahin hai ek ko ek is pe turra ye hai ki ahl-e-hunr door samjhe hue hain apna ghar mili ik gaanth jis ko hal dii kius ne samjha ki main hooñ pansaari nuskha ik tib ka jis ko aata hai sage-bhaai se vo chhupata hai jis ko aata hai foonkna kushta hai hamaari taraf se vo goonga jis ko hai kuchh raml men maaloomaat vo nahin karta seedhe munh se baat baap bhaai ho ya ki ho beta bhed paata nahin munajjam ka kaam kandle ka jis ko hai maaloom hai zamaane men us ki bukhl ki dhoom al-gharz jis ke paas hai kuchh cheez jaañ se bhi siva hai us ko aziz qaum par un ka kuchh nahin ehsaan un ka hona na hona hai yaksaan sab kamaalaat aur hunar un ke qabr men un ke saath jaayenge qaum kya kah ke un ko royegi naam par kyun ki jaañ khoyegi tarbiyat-yafta hain jo yaa ke khwaah be-e hon is men ya em-e bharte hubb-e-watan ka go dam hain par muhibb-e-watan bahut kam hain qaum ko un se jo umeedein theen ab jo dekha to sab galat nikliin history un ki aur geography saath parde men munh diye hai pa dii band us qufl men hai ilm un ka jis ki kunji ka kuchh nahin hai pata lete hain apne dil hi dil men maze goya goonge ka gud hain kh aa.e hue karte firte hain sair-e-gul tanhaa koi paas un ke ja nahin saka ahl-e-insaaf sharm ki ja hai gar nahin bukhl ye to phir kya hai tum ne dekha hai jo vo sab ko dikhaao tum ne chakha hai jo vo sab ko chakhao ye jo daulat tumhaare paas hai aaj ham-watan is ke hain bahut mohtaaj munh ko ek ik tumhaare hai takta ki nikalta hai munh se aap ke kya aap shaista hain to apne li.e kuchh sulook apni qaum se bhi ki.e mez kursi agar lagaate hain aap qaum se poochiye to pun hai na paap munda joota gar aap ko hai pasand qaum ko is se faaeda na gazand qaum par karte ho agar ehsaan to dikhaao kuchh apna josh-e-nihaan kuchh dinon aish men khalal daalo pet men jo hai sab ugal daalo ilm ko kar do koo-b-koo arzaan hind ko kar dikhaao englistan sunte ho saamain-e-ba-tamkeen sunte ho haazireen-e-sadr-nasheen jo hain duniya men qaum ke hamdard banda-e-qom un ke hain zan o mard baap ki hai dua ye bahr-e-pisar qaum ki main banaaun us ko sipar maa KHuda se ye maangti hai muraad qaum par se nisaar ho aulaad bhaai aapas men karte hain paimaan tu agar maal de to main doon jaañ ahl-e-himmat kama ke laate hain ham-watan faaede uthaate hain kahii hote hain madarse jaarii dakhl aur khirj jin ke hain bharii aur kahii hote hain kalb qaaim mubahs-e-hikmat aur adab qaaim nit-naye khulte hain dawa-khaane bante hain saikron shifa-khaane mulk men jo marz hain aalam-geer qaum par un ki farz hai tadbeer hain sadaa is udhed-bun men tabeeb ki koi nuskha haath aa.e ajeeb qaum ko pahunchen manfaat jis se mulk men failein faaede jis ke khap ga.e kitne ban ke jhadon men mar ga.e saikron pahaadon men likhe jab tak ji.e safar-naa men chal diye haath men qalam thaa men go safar men uth aa.e ranj-e-kamaal kar diya par watan ko apne nihaal hain ab in ke gawaah hubb-e-watan dar-o-deewar-e-paris o london kaam hain sab bashar ke hum-vatanon tum se bhi ho sake to mard bano chhodo afsurdagi ko josh men aao bas bahut soye utho hosh men aao qafile tum se badh ga.e koson rahe jaate ho sab se peeche kyun qaafilon se agar mila chaaho mulk aur qaum ka bhala chaaho gar raha chahte ho izzat se bhaaiyon ko nikaalo zillat se un ki izzat tumhaari izzat hai un ki zillat tumhaari zillat hai qaum ka mubtadil hai jo insaan be-haqeeqat hai garche hai sultaan qaum duniya men jis ki hai mumtaaz hai faqiri men bhi vo ba-ezaaz izzat-e-qom chahte ho agar ja ke failao un men ilm-o-hunar zaat ka fakhr aur nasab ka ghuroor uth ga.e ab jahaan se ye dastoor ab na sayyad ka iftikhaar saheehna brahman ko shudr par tarjeeh hui turki tamaam khaanon men kat gaii jad se khaandaanon men qaum ki izzat ab hunar se hai ilm se ya ki seem-o-zar se hai koi din men vo daur aayega be-hunar bheek tak na paayegana rahenge sadaa yahii din raat yaad rakhna hamaari aaj ki baat gar nahin sunte qaul haali ka phir na kehna ki koi kahtaa tha

"KHvaab nahin dekha" main ne muddat se koi KHvaab nahin dekha hai raat khilne ka gulaabon se mahak aane ka os ki kyoon men suraj ke samaa jaane ka chaand si miTTi ke zarron se sadaa aane ka shahar se door kisi gaav men rah jaane ka khet khaliyaanon men baagon men kahii gaane ka subah ghar chhodne ka der se ghar aane ka bahte jharnon ki khanakti hui aawazon ka chahchahaati hui chidiyon se ladi shaakhon ka nargisi aankhoñ men hansati hui nadaani ka muskuraate hue chehre ki ghazal khwaani ka teraa ho jaane tire pyaar men kho jaane ka teraa kahlaane ka teraa hi nazar aane ka main ne muddat se koi KHvaab nahin dekha hai haath rakh de mirii aankhoñ pe ki neend aa jaa.e

december ka mahina aur dilli ki sar dii sitaaron ki jhilmilaati jhurmut se pare aasmaan ke ek sunsaan goshe men poonam ka thithurta hua koi chaand jaise baadlon men khaata hai mutawaatir hachkole hawle hawle tanhaa musaafir aur door tak kohre ki chadar men lipti bal khaati sadken dhund ki ghubaar men khoya hua india gate thand men thokren khaata musaafir KHush naseeb hai baadlon men ghus jaata hai chaand meri christmas ki raunqen phaili hain tamaam sitaaron se raushan saje dhaje bazaar lazeez khaanon ki khushbuen jahaan phaili hain har-soo bazaar ki garm fazaaon men may ki sarmasti men dooba hua hai poore shahar ka shabaab tanhaa musaafir ki chand roza masafat bhi kya shay hai yaaro hum-vatanon se door apnon se door jamuna tat par jaise bin maanjhi ke naav boat club ke sard paani men jaise tairta rukta hua koi tanhaa hubaab tanhaa musaafir sochta hai koi hai jis ka vo haath thaam le hawle hawle koi hai jo us ke saath kuchh daur chale hawle hawle dhund men khoi hui manzilen taveel sadken aur tanhaa musaafir jaise poonam ka thithurta hua koi chaand baadlon men khaata hai mutawaatir hachkole hawle hawle

imarat aur shaaukat aur armaaye ki tasveerein ye aivaanaat sab hain haal hi ki taaza taamirein idhar kuchh faasle par chand ghar the kaasht-kaaron ke jahaan ab kaar-khaane ban ga.e sarmaaya-daaron ke maweshi ho ga.e neelaam kyun ye koi kya jaane kachehri jaane saahookaar jaane ya KHuda jaane zameen-daaron ko ja kar dekh le jo bhi koi chahe naye bhatoon men eenten thaapte firte hain halwahe yahaañ apne purane gaav ka ab kya raha baaki yahii takiya yahii ik main yahii ik jhonpadaa baaki azeemushshaan bastii hai ye nau-aabaad veeraana yahaañ ham ajnabi dono hain main aur meraa kaashaana

lahd men so rahi hai aaj be-shak musht-e-khaak us ki magar garm-e-amal hai jaagti hai jaan-e-paak us ki vo ik faani bashar tha main ye baawar kar nahin saka bashar iqbaal ho jaa.e to hargiz mar nahin saka b-zer-e-saaya-e-deewaar-e-masjid hai jo aasooda ye khaaki jism hai sattar baras ka raah paimooda ye khaaki jism bhi us ka bahut hi besh-qeemat tha jise ham-jalwa samjhe the vo parda bhi ghaneemat tha use ham naapte the le ke aankhoñ hi ka paimaana ghazal-khwaan us ko jaana ham ne shaair us ko gardaana faqat soorat hi dekhi us ke ma'ni ham nahin samjhena dekha rang-e-tasveer aaine ko dil-nasheen samjhe ha men zof-e-basaarat se kahaan thii taab-e-nazzaara sikhaae us ke parde ne ha men aadaab-e-nazaara ye naghma kya hai zer-e-parda-ha-e-saaz kam samjhe rahe sab gosh-bar-awaaz lekin raaz kam samjhe shikast-e-paikar-e-mehsoos ne toda hijaab aaKHir tuloo-e-subh-e-mahshar ban ke chamka aftaab aaKHir muqayyad ab nahin iqbaal apne jism-e-faani men nahin vo band haa'il aaj dariyaa ki ravaani men wajood-e-marg ki qaael nahin thii zindagi us ki ta'aalaa allah ab dekhe koi pa'indagi us ki jise ham murda samjhe zinda tar paainda tar niklaa mah o khurshid se zarre ka dil taabinda tar niklaa abhii andaaza ho saka nahin us ki bulan dii ka abhii duniya ki aankhoñ par hai parda firqa-ban dii ka magar meri nigaahon men hain chehre un jawaanon ke jinhen iqbaal ne bakshe hain baazu qahr-maano'n ke

aaj baadal khoob barsa aur baras kar khul gaya gulsitaan ki daali daali patta patta dhul gaya dekhna kya dhul gaya saare ka saara aasmaañ udaa udaa neela neela pyaara pyaara aasmaañ hat gaya baadal ka parda mil gaii kirnon ko raah saltanat par apni phir khurshid ne daali nigaah dhoop men hai ghaas par paani ke qatron ki chamak maat hai is vaqt moti aur heere ki damak de rahi hai lutf kya sarsabz pedon ki qataar aur hari shaakhon pe hai rangeen phoolon ki bahaar kya parinde phir rahe hain chahchahaate har taraf raagini barsaat ki KHush ho ke gaate har taraf dekhna vo kya achambha hai are vo dekhna aasmaañ par in darakhton se pare vo dekhna ye koi jaadu hai ya sach-much hai ik rangeen kamaan waah vaa kaisa bhala lagta hai ye pyaara samaan kis musavvir ne bhare hain rang aise khushnuma is ka har ik rang hai aankhoñ men jaise khub gaya ik jagah kaise ikatthe kar diye hain saath rang shokh hain saaton ke saaton ik nahin hai maat rang hai ye qudrat ka nazaara aur kya kahiye ise bas yahii jee chahta hai dekhte rahiye ise nanhe nanhe jama the paani ke kuchh qatre vahaañ un pe daala aks suraj ne banaa dii ye kamaan dekho dekho ab mitti jaati hai vo pyaari dhanak dekhte hi dekhte gum ho gaii saari dhanak phir hawa men mil gaii vo sab ki sab kuchh bhi nahin aañkhen mal mal kar na dekho aao ab kuchh bhi nahin

dekh bua mirii gote ki chunri aa ha jee gul-naari chunri rang rangeeli pyaari chunri malmal ki ik taari chunri naazuk naazuk saari chunri dekh bua mirii gote ki chunri ammi ke kuchh jee men aaya gote ka ik thaan mangaya chunri par saara chipkaaya har kone par phool banaya dekh bua mirii gote ki chunri lachka hai haathon men lachakta gota hai kundan sa damkata raushni men kaisa hai chamakta haath lagaane se hai maskata dekh bua mirii gote ki chunri is ko KHaraab hone na doongi baithoongi to sanbhaal rakhoongi ghar men ja kar rakh chhodoongi aur tehwaar ke din odhoongi dekh bua mirii gote ki chunri

ik baar phir watan men gaya ja ke aa gaya lakht-e-jigar ko KHaak men dafna ke aa gaya har hum-safar pe khizr ka dhoka hua mujhe aab-e-baqa ki raah se katara ke aa gaya hoor-e-lahd ne cheen liya tujh ko aur main apna sa munh li.e hue sharmaa ke aa gaya dil le gaya mujhe tiri turbat pe baar baar awaaz de ke baith ke ukta ke aa gaya roya ki tha jahez tira waajib-ul-ada meh motiyon ka qabr pe barsa ke aa gaya meri bisaat kya thii huzoor-e-razaa-e-dost tinka sa ek saamne dariyaa ke aa gaya ab ke bhi raas aayi na hubb-e-watan hafiz ab ke bhi ek teer-e-qaza kha ke aa gaya