bhalii si ek shakl thii bhale dinon ki baat hai bhalii si ek shakl thina ye ki husn-e-taam hona dekhne men aam sina ye ki vo chale to kahkashaan si raahguzaar lage magar vo saath ho to phir bhala bhala safar lage koi bhi rut ho us ki chhab fazaa ka rang-roop thii vo garmiyon ki chaanv thii vo sardiyon ki dhoop thii na muddaton juda rahena saath subh-o-shaam hona rishta-e-wafa pe zidna ye ki izn-e-aam ho na aisi khush-libaasiyaan ki saadgi gilaa karena itni be-takallufi ki aaina haya kare na ikhtilaat men vo ram ki bad-maza hon khwaahisheinna is qadar supurdagi ki zach karen nawaazisheinna aashiqi junoon ki ki zindagi azaab hona is qadar kathor-pan ki dosti KHaraab ho kabhi to baat bhi khafi kabhi sukoot bhi sukhun kabhi to kisht-e-zaafaran kabhi udaasiyon ka ban suna hai ek umr hai muaamalaat-e-dil ki bhi visaal-e-jan-faza to kya firaq-e-jan-gusil ki bhi so ek roz kya hua vafaa pe bahs chhid gaii main ishq ko amar kahooñ vo meri zid se chid gaii main ishq ka aseer tha vo ishq ko qafas kahe ki umr bhar ke saath ko vo bad-tar-az-hawas kahe shajar hazar nahin ki ham hamesha pa-b-gil rahenna dhor hain ki rassiyaan gale men mustaqil rahen mohabbaton ki wusaaten hamaare dast-o-pa men hain bas ek dar se nisbatein sagaan-e-ba-wafa men hain main koi painting nahin ki ik fra men men rahoon vahii jo man ka meet ho usii ke prem men rahoon tumhaari soch jo bhi ho main us mizaaj ki nahin mujhe vafaa se bair hai ye baat aaj ki nahin na us ko mujh pe maan thana mujh ko us pe zoom hi jo ahd hi koi na ho to kya gham-e-shikastagi so apna apna raasta hasi-khushi badal diya vo apni raah chal padi main apni raah chal diya bhalii si ek shakl thii bhalii si us ki dosti ab us ki yaad raat din nahin magar kabhi kabhi

mere zakhm nahin bharte yaaron mere naakhun badhte jaate hain main tanhaa ped hoon jungle ka mere patte jhadte jaate hain main kaun hoon kya hoon kab ki hoon ek teri kab hoon sabki hoon main koel hoon shehraao ki mujhe taab nahin hai chaanv ki ek daldal hai tere vaadon ki mere pair ukhadte jaate hain mere zakhm nahin bharte yaaro mere naakhun badhte jaate hain main kis bacche ki gudiya thii main kis pinjare ki chidiya thii mere khelne waale kahaan ga.e mujhe choomne waale kahaan ga.e mere jhumke girvi mat rakhna mere kangan tod na dena main banjar hoti jaati hoon kahii dariyaa mod na dena kabhi milnaa is par sochenge ham kya manzil par pahunchenge raaston men hi ladte jaate hain mere zakhm nahin bharte yaaron mere naakhun badhte jaate hain

murshid murshid please aaj mujhe vaqt deejie murshid main aaj aap ko dukhde sunaaunga murshid hamaare saath badaa zulm ho gaya murshid hamaare desh men ik jang chhid gayi murshid sabhi shareef sharaafat se mar ga.e murshid hamaare zehan girftaar ho ga.e murshid hamaari soch bhi baazaari ho gayi murshid hamaari fauj kya ladti hareef se murshid use to ham se hi furqat nahin mili murshid bahut se maar ke ham KHud bhi mar ga.e murshid ha men zirh nahin talwaar dii gayi murshid hamaari zaat pe bohtan chad ga.e murshid hamaari zaat palandon men dab gayi murshid hamaare vaaste bas ek shaKHs tha murshid vo ek shaKHs bhi taqdeer le udri murshid KHuda ki zaat pe andha yaqeen tha afsos ab yaqeen bhi andha nahin raha murshid mohabbaton ke nataaij kahaan ga.e murshid meri to zindagi barbaad ho gayi murshid hamaare gaav ke bacchon ne bhi kaha murshid koon aakhi aa ke sadaa haal dekh wajan murshid hamaara koi nahin ek aap hain ye main bhi jaanta hooñ ke achha nahin hua murshid main jal raha hooñ hawaaein na deejie murshid azala keejiye duaaein na deejie murshid KHamosh rah ke pareshaan na keejiye murshid main rona rote hue andha ho gaya aur aap hain ke aap ko ehsaas tak nahin hah sabr kijeye sabr ka fal meetha hota hai murshid main bhonkdai haan jo kaii she vi nahin bachi murshid wahaan yazidiyat aage nikal gayi aur paarsa namaaz ke peeche pade rahe murshid kisi ke haath men sab kuchh to hai magar murshid kisi ke haath men kuchh bhi nahin raha murshid main lad nahin sakaa par cheekhta raha KHaamosh rah ke zulm ka haami nahin banaa murshid jo mere yaar bhala chhodein rahne den achchhe the jaise bhi the KHuda un ko KHush rakhen murshid hamaari raunakein doori nigal gayi murshid hamaari dosti subhaat kha ga.e murshid ai photo pichhle maheene chhikaya ham hooñ mekun dekh lagda ai jo ai photo meda ai ye kis ne khel khel men sab kuchh ult diya murshid ye kya ke mar ke ha men zindagi mile murshid hamaare virse men kuchh bhi nahin so ham bemausmi wafaat ka dukh chhod jaayenge murshid kisi ki zaat se koi gilaa nahin apna naseeb apni kharaabi se mar gaya murshid vo jis ke haath men har ek cheez hai shaayad hamaare saath vahii haath kar gaya murshid duaaein chhod teraa pol khul gaya tu bhi meri tarah hai tere bas men kuchh nahin insaan meraa dard samajh sakte hi nahin main apne saare zakhm KHuda ko dikhaaunga ai rabbe kaaynaat idhar dekh main fakeer jo teri sarparasti men barbaad ho gaya parvardigaar bol kahaan jaayen tere log tujh tak pahunchne ko bhi wasila zaroori hai parvardigaar aave ka aawa bigad gaya ye kisko tere deen ke theke diye ga.e har shaKHs apne baap ke firke men band hai parvardigaar tere sahife nahin khule kuchh aur bhej tere guzishta sahifon se maqsad hi hal hue hain masaail nahin hue jo ho gaya so ho gaya ab mukhtiyaari cheen parvardigaar apne khaleefe ko rassi daal jo tere paas vaqt se pahle pahunch ga.e parvardigaar unke masaail ka hal nikaal parvardigaar sirf banaa dena kaafi nain takhleeq karke de to phir dekhbhaal kar ham log teri kun ka bharam rakhne aa.e hain parvardigaar yaar hamaara khayal kar

Nazm ik baras aur kat gaya shariq roz saanson ki jang ladte hue sab ko apne KHilaaf karte hue yaar ko bhoolne se darte hue aur sab se badaa kamaal hai ye saansen lene se dil nahin bharta ab bhi marne ko jee nahin karta

kacchi umr ke pyaar ye kacchi umr ke pyaar bhi bade pakke nishaan dete hain aaj par kam dhyaan dete hain bahke bahke bayaan dete hain unko dekhe hue muddat hui aur ham ab bhi jaan dete hain kya pyaar ek baar hota hai nahin ye baar-baar hota hai to phir kyuuñ kisi ek ka intizaar hota hai vahii to saccha pyaar hota hai achha pyaar bhi kya insaan hota hai kabhi saccha kabhi jhoota be-iimaan hota hai uski ragon men bhi kya khaandaan hota hai aur maqsd-e-hayaat nafa nuqsaan hota hai pyaar to pyaar hota hai

hukmraan lootaa hai muflisi bhookh ne mere desh ko lootaa hai in ameeron ne mere desh ko aur danke kii chot par kahtaa hooñ main badalte hukmraanon ne lootaa hai mere desh ko rote bacche ke haath men jaise dete hain khilauna vaise ye hukmraan chup karate hain mere desh ko kaise kaise praloabhan se apne kukarm chhupaate hain ye hukmraan aise bahaalate fuslaate hain mere desh ko jhooth inke bikte hain sar-e-bazaar men is bazaar ka har dukandaar daraata hai mere ko chup hain lab sii ga.e hain ghalat hai so ye zaKHm pe zaKHm dete hain mere desh ko suna hai chunaavi samay hai chalo kuchh karte hain sabab bataate hain unko jo aankh dikhaate hain mere desh ko

zindagi hai kya be-man umr guzaarna zindagi hai kya roz toot kar bikhrna zindagi hai kya hamko roz aakaar har koii jeene lagta hai aur uskaa aakaar chale jaana zindagi hai kya zindagi kitna aur seekhna hai mujh par ye teraa sitam dhaana zindagi hai kya do waqt kii roti ke KHaatir har dar par haath phailaana zindagi hai kya agar tum rakhte ho zaroori digri-yaaftha to ek bhalii naukri ko tarsna zindagi hai kya musalsal KHvaabon ke li.e jagana aur un KHvaabon ka tootna zindagi hai kya kuchh naye tajarbe seekhne ke KHaatir angaaron pe yuñ roz chalna zindagi hai kya jawaani ke is suhaane safar par mohabbat ke li.e dar badar bhatkna zindagi hai kya ye mas'ala samajh aaya hi nahin chot khaana aur phir sambhaalna zindagi hai kya ek do numberon ke khel men KHud ko tabaah karna zindagi hai kya jitna kam hua numberon ka antar utna naukri se door jaana zindagi hai kya gaav se shahar aaya tha ek suljhaa ladka uskaa yahaañ uljh kar rahna zindagi hai kya

ashk ashk tere hon ya mere ashk ashk hote hain ashk ka koiina mazhab hota haina koii jaat hoti hai ashk ashk hote hain kabhi ye sanbhaalte hain to kabhi bigaarte hain zinda hain to ashk hain hai baad maut ke bhi ashk shajar ke apne ashk hain shaakh ke bhi apne ashk hain phool ke apne ashk hain kali ke bhi apne ashk hain aankh ke apne ashk hain zehan ke apne ashk hain lab ke apne ashk hain dil ke bhi kuchh ashk hain dariyaa ke apne ashk hain samandar ke apne ashk hain shaiyya ke apne ashk hain maashooq ke apne ashk hain raah chalte raahi ke ashk hain tawaif ke apne ashk hain zaKHm ke apne ashk hain to marham ke apne ashk hain vafaa ke apne ashk hain bevafaa ke bhi apne ashk hain muflisi ke apne ashk hain ameeri ke apne ashk hain bina baam-o-deewar ke ashk hain to baam-o-deewar men bhi ashk hain bachpan ke thode ashk hain jawaani men ziyaada ashk hain budhape to ashkon ka ashk hain zaroori nahin gham ke ashk hain KHushi ke apne ashk hain

nazm vo kya hai uski aañkhen kaisi hain uski aañkhen rab sii hain uski baatein kaisi hain uski baatein raunaq hain uski yaaden kaisi hain meri raaton jaisi hain uski yaaden hijr hai kya ye faqat bekar kisne boli hai uskaa chehra kaisa hai uskaa chehra chaand sa hai uski zulfen kaisi hai uski zulfen qaaynaat hai uskaa saath chalna kya hai meraa aage aur aage badhna hai uski bindiya kaisi hai maathe par chaand jaisi hai uskaa bolna kaisa hai saare fazaa men faqat pyaar hi gholnaa hai baagh men uskaa hona kaisa hai saare phoolon ko bas khilna hai usse muhabbat kisko hai usse muhabbat sabko hai jis..ko usne chaaha hai uskaa muqaddar rab ne likkha hai meri ghazlein meri naz men kya hai unke saare harf aur saare misre us par hai meri ghazal ka matla kya hai uskaa chehra hai she'r ke misre kya hain uski do aañkhen hain ghazal ka qaafiya kya hai qaafiya uske lab hain to radif kya hai vo uski sundarta hai batao phir maqta kya hai vo uskaa dil hai uspar kya kya janchta haius par saari suit sab janchta hai uske gaal men padta vo gaddha dekho mujh...ko deewaana karta hai uskaa husn to hai bahut sundar rooh men uske rab aap men hai

ik ladki ye poori duniya bahut achchhii lagti hai jab vo ladki rastaa meraa takti hai phir ye duniya saari apni lagti hai jab pyaar se baahon men vo ladki bharti hai aur ye saari duniya ek taraf hai yaanii baaki ek taraf vo ladki hai chehre kii uski maasoom vo hañsi jaise mujh...ko jeevan naya ata karti hai phir mujh adhoore se ladke ko saath aakar mere vo poora karti hai saare KHvaab bhi poore hone lagte hain jab mere saath vo ladki rahtii hai sach poochho to vo ladki is naadaan ladke ko aakar naadaan se vo samajhdaar karti haius pyaari sii ladki ko main kya kahooñ meri har ghazal ko vo mukammal karti hai vo ladki meri ghazal ke matle se shuroo hokar she'r qaafiya radif se hokar makte par rukti hai vo ladki kabhi bahar men to kabhi bina bahar ke bhi khoobsurat lagti hai saath men uske chaar qadam bas chal paau meri KHuda se bas yahii dua rahtii hai