murshid murshid please aaj mujhe vaqt deejie murshid main aaj aap ko dukhde sunaaunga murshid hamaare saath badaa zulm ho gaya murshid hamaare desh men ik jang chhid gayi murshid sabhi shareef sharaafat se mar ga.e murshid hamaare zehan girftaar ho ga.e murshid hamaari soch bhi baazaari ho gayi murshid hamaari fauj kya ladti hareef se murshid use to ham se hi furqat nahin mili murshid bahut se maar ke ham KHud bhi mar ga.e murshid ha men zirh nahin talwaar dii gayi murshid hamaari zaat pe bohtan chad ga.e murshid hamaari zaat palandon men dab gayi murshid hamaare vaaste bas ek shaKHs tha murshid vo ek shaKHs bhi taqdeer le udri murshid KHuda ki zaat pe andha yaqeen tha afsos ab yaqeen bhi andha nahin raha murshid mohabbaton ke nataaij kahaan ga.e murshid meri to zindagi barbaad ho gayi murshid hamaare gaav ke bacchon ne bhi kaha murshid koon aakhi aa ke sadaa haal dekh wajan murshid hamaara koi nahin ek aap hain ye main bhi jaanta hooñ ke achha nahin hua murshid main jal raha hooñ hawaaein na deejie murshid azala keejiye duaaein na deejie murshid KHamosh rah ke pareshaan na keejiye murshid main rona rote hue andha ho gaya aur aap hain ke aap ko ehsaas tak nahin hah sabr kijeye sabr ka fal meetha hota hai murshid main bhonkdai haan jo kaii she vi nahin bachi murshid wahaan yazidiyat aage nikal gayi aur paarsa namaaz ke peeche pade rahe murshid kisi ke haath men sab kuchh to hai magar murshid kisi ke haath men kuchh bhi nahin raha murshid main lad nahin sakaa par cheekhta raha KHaamosh rah ke zulm ka haami nahin banaa murshid jo mere yaar bhala chhodein rahne den achchhe the jaise bhi the KHuda un ko KHush rakhen murshid hamaari raunakein doori nigal gayi murshid hamaari dosti subhaat kha ga.e murshid ai photo pichhle maheene chhikaya ham hooñ mekun dekh lagda ai jo ai photo meda ai ye kis ne khel khel men sab kuchh ult diya murshid ye kya ke mar ke ha men zindagi mile murshid hamaare virse men kuchh bhi nahin so ham bemausmi wafaat ka dukh chhod jaayenge murshid kisi ki zaat se koi gilaa nahin apna naseeb apni kharaabi se mar gaya murshid vo jis ke haath men har ek cheez hai shaayad hamaare saath vahii haath kar gaya murshid duaaein chhod teraa pol khul gaya tu bhi meri tarah hai tere bas men kuchh nahin insaan meraa dard samajh sakte hi nahin main apne saare zakhm KHuda ko dikhaaunga ai rabbe kaaynaat idhar dekh main fakeer jo teri sarparasti men barbaad ho gaya parvardigaar bol kahaan jaayen tere log tujh tak pahunchne ko bhi wasila zaroori hai parvardigaar aave ka aawa bigad gaya ye kisko tere deen ke theke diye ga.e har shaKHs apne baap ke firke men band hai parvardigaar tere sahife nahin khule kuchh aur bhej tere guzishta sahifon se maqsad hi hal hue hain masaail nahin hue jo ho gaya so ho gaya ab mukhtiyaari cheen parvardigaar apne khaleefe ko rassi daal jo tere paas vaqt se pahle pahunch ga.e parvardigaar unke masaail ka hal nikaal parvardigaar sirf banaa dena kaafi nain takhleeq karke de to phir dekhbhaal kar ham log teri kun ka bharam rakhne aa.e hain parvardigaar yaar hamaara khayal kar

kacchi umr ke pyaar ye kacchi umr ke pyaar bhi bade pakke nishaan dete hain aaj par kam dhyaan dete hain bahke bahke bayaan dete hain unko dekhe hue muddat hui aur ham ab bhi jaan dete hain kya pyaar ek baar hota hai nahin ye baar-baar hota hai to phir kyuuñ kisi ek ka intizaar hota hai vahii to saccha pyaar hota hai achha pyaar bhi kya insaan hota hai kabhi saccha kabhi jhoota be-iimaan hota hai uski ragon men bhi kya khaandaan hota hai aur maqsd-e-hayaat nafa nuqsaan hota hai pyaar to pyaar hota hai

saza har baar mere saamne aati rahi ho tum har baar tum se mil ke bichhadta raha hooñ main tum kaun ho yah KHud bhi nahin jaanti ho tum main kaun hooñ main KHud bhi nahin jaanta hooñ main tum mujh...ko jaan kar hi padi ho azaab men aur is tarah KHud apni saza ban gaya hooñ main tum jis zameen par ho main uskaa KHuda nahin pas sar-basar ajeeziyyat wa aazaar hi raho bejaar ho gaii ho bahut zindagi se tum jab bas men kuchh nahin hai to bezaar hi raho tum ko yahaan ke saaya wa partau se kya ghaz tum apne haq men beech ki deewaar hi raho main ibtida-e-ishq se be-mehar hi raha tum intiha-e-ishq ka meyaar hi raho tum KHoon thooktee ho yah sun kar khushi hui is rang is ada men bhi purkaar hi raho maine yah kab kaha tha mohabbat men hai najaat maine yah kab kaha tha wafadar hi raho apni mataa-e-naaz luta kar mere li.e bazaar-e-iltefaat men nadaar hi raho jab main tumhein nishaat-e-mohabbat na de sakaa gham men kabhi sukoon rafaqat na de sakaa jab mere sab charaagh-e-tamanna hawa ke hain jab mere saare khwaab kisi be-vafa ke hain phir mujh...ko chaahne ka tumhein koi haq nahin tanhaa karaahne ka tumhein koi haq nahin

ye daagh daagh ujaala ye shabgazeeda sehar vo intezaar tha jis ka ye vo sehar to nahin ye vo sehar to nahin jis ki aarzoo lekar chale the yaar ki mil jaayegi kahii na kahii falak ke dasht men taaron ki aakhri manzil kahii to hogaa shab-e-sust mauj ka saahil kahii to ja ke rukega safina-e-gham-e-dil jawaan lahu ki pur-asraar shaahraahon se chale jo yaar to daaman pe kitne haath pade dayaar-e-husn ki be-sabr khwaab-gaahon se pukaarti raheen baahen badan bulaate rahe bahut aziz thii lekin rukh-e-sehar ki lagan bahut qareen tha haseenaan-e-noor ka daaman subuk subuk thii tamannaa dabii dabii thii thakan suna hai ho bhi chuka hai firq-e-zulmat-e-noor suna hai ho bhi chuka hai visaal-e-manjil-o-gaam badal chuka hai bahut ahl-e-dard ka dastoor nishaat-e-wasl halaal-o-azaab-e-hijr-e-haraam jigar ki aag nazar ki umang dil ki jalan kisi pe chaara-e-hijraan ka kuchh asar hi nahin kahaan se aayi nigaar-e-saba kidhar ko gaii abhii chiragh-e-sar-e-rah ko kuchh khabar hi nahin abhii garaani-e-shab men kamii nahin aayi nijaat-e-deed-o-dil ki ghadi nahin aayi chale chalo ki vo manzil abhii nahin aayi

tamaam raat sitaaron se baat rahtii thii ki subh hote hi ghar se phool aate the vo kis ke naksh ubharte the teg par apni vo kis khyaal men ham jang jeet jaate the ha men bhi qahat men ek chashm-e-zar muyassar thii koi hatheliyaan bhar-bhar ke may pilaata tha bhara hua tha samandar inheen khazaanon se nikaal lete the jo KHvaab raas aata tha vo mere saath raha karta khushdili se bahut ki un dinon meraa duniya par haath padta tha hamaari jeb bharii rahtii dastaanon se ha men khyaal ka jungle bhi saath padta tha vo saare din ka thaka khvaab-gaah men aata thapak thapak ke sulaata to haath so jaate naseeme-subh kisi lehar men jagati ha men aur uthte uthte ha men din ke ek ho jaate saroon se khench liya vaqt ne vafaa ka lihaaf vo parde uth ga.e jo taaynaat rahte the bichhad gaya hai vo sangeen mausamon men kahii vo mere dil par sadaa jiske haath rahte the vo boo-e-gul ha men jis gulistaan men laai thii vahaañ bhi ja ke uskaa nishaan dekh liya ye shaakh-e-wasl dobaara hari nahin hoti hawa-e-hijr ne meraa makaan dekh liya vo abr jiski tag-o-dau men jism sookh ga.e dobaara chat pe hai aur chat pe seedhi jaati hai thehar thehar ke us samt aise badh raha hooñ ki jaise haamla aurat kadam uthaati hai ye zahar baada-e-ishrat hai aur de mere rab vo phir chala gaya main phir zameen chaatoonunga main phir se haath men tesha uthaaye sochta hooñ main kohkan vahii khush-khat pahaad kaatoonunga badan ki barf pighalne ke baad poochhenge bahut pata hai tahammul ke saath bahte ho azal ke haath pe khenchi hui samay ki lakeer kisi se pahle mitti hai jo mujhse kahte ho

ajeeb sa amal hai ye ye ek farzi guftagoo aur ektarfa ek aise shaKHs se khyaal jiski shakl hai khyaal hi saboot hai

vo pul ki saathviin seedhi pe baitha kahtaa rehta tha kisi thaile men bhar ke gar khayal apne main darwaaze pe harkaare ki soorat ja ke pahunchaata chamakti boonden baarish ki kisi ki jeb men bhar ke gale men baadlon ka ek mafalar daal kar aata vo bheega bheega sa rehta kisi ke kaan men do baaliyon se chaand pahnaata machheron ki koi ladki agar milti garjate baadlon ko baandh kar baalon ke jode men dhanak ki beeni de aata mujhe gar kahkashaan ko baantne ka haq diya hota KHuda ne to koi footpath se bola ai aulaad sha'ir ki bahut khaai hain rookhi rotiyaan main ne jo la saka hai to ik baar kuchh saalan hi la kar de

dekho aahista chalo aur bhi aahista zaraa dekhna soch-sambhal kar zaraa paanv rakhna zor se baj na uthe pairo'n ki awaaz kahii kaanch ke KHvaab hain bikhre hue tanhaaii men KHvaab toote ne koi jaag na jaaye dekho jaag jayega koi KHvaab to mar jayega

dil men aise thehar ga.e hain gham jaise jungle men shaam ke saa.e jaate-jaate sahm ke ruk jaayen mudke dekhen udaas raahon par kaise bujhte hue ujaalon men door tak dhool-hi-dhool udti hai

vo jo shayar tha vo jo shayar tha chup-sa rehta tha bahki-bahki-si baatein karta tha aañkhen kaanon pe rakh ke sunta tha goongi khaamoshiyon ki aawaazen jama karta tha chaand ke saa.e aur geeli si noor ki boonden rukhe-rukhe se raat ke patte ook men bhar ke kharkhaata tha vaqt ke is ghanere jungle men kacche-pakke se lamhe chunta tha haan vahii vo ajeeb sa shayar raat ko uth ke kohniyon ke bal chaand ki thodi chooma karta tha chaand se gir ke mar gaya hai vo log kahte hain khudkushi ki hai