dost ke naam khat tumne haal poocha hai haalat-e-mohabbat men haal ka bat aanaa kya dil sisak raha ho to zakham ka chhup aanaa kya tum jo pooch baithe ho kuchh to ab bat aanaa hai baat ek bah aanaa hai tumne haal poocha hai ik diya jalata hooñ theek hai bataata hooñ roz uski yaadon men door tak chale j aanaa jo bhi tha kaha usne apne saath dohr aanaa saans jab ruke to phir apni marti aankhoñ men uski shakl le aanaa aur zindagi p aanaa roz aise hota hai kuchh purane message hain jin men uski baatein hain kuchh tabeel subhe hain kuchh qadeem raatein hain maine uski baaton men zindagi guzaari hai zindagi mitaane ka hausla nahin mujh men ek ek lafz uskaa saans men pirooya hai rooh men samoya hai uske jitne message hai roz khol leta hooñ usse kah nahin paata KHud se bol leta hooñ uske pej par ja kar roz dekhta hooñ main aaj kitne logon ne uski pairavi ki hai aur sochta hooñ main ye naseeb waale hain us..ko dekh sakte hain usse baat karte hain ye ijaazaton waale mujhse kitne behtar hain main to daagh tha koi jo mita diya usne gar mita diya usne theek hi kiya usne tumne haal poocha tha lo bataa diya maine jo bhi kuchh bataaya hai us..ko mat bataa dena padh ke ro paro to phir in tamaam lafzon ko bas gale laga lena vo meri mohabbat hai aur sadaa rahegi vo jab nahin rahoonga to ek din kahegi vo tum ali faqat tum the jisne mujh...ko chaaha tha jisne mere maathe ko choom kar bataaya tha tum dua ka chehra ho tum haya ka pahra ho main to tab nahin hoonga par meri sabhi naz men uski baat sun lenge tum bhi muskuraa dena phir bahut mohabbat se us..ko sab bataa dena uske narm haathon men meraa khat thama dena lo ye khat tumhaara hai aur uski jaanib se vo jo bas tumhaara tha aaj bhi tumhaara hai

chal aa ek aisi nazm kahooñ chal aa ek aisi nazm kahooñ jo lafz kahooñ vo ho jaa.e bas ashk kahooñ to ek aañsu tere gore gaal ko dho jaa.e main aa likkhoon tu aa jaa.e main baith likkhoon tu aa baithe mere shaane par sar rakhe tu main neend kahooñ tu so jaa.e main kaagaz par tere hont likkhoon tere honthon par muskaan aa.e main dil likkhoon tu dil thaa men main gum likkhoon vo kho jaa.e tere haath banaaun pencil se phir haath pe tere haath rakhoon kuchh ulta seedha farz karoon kuchh seedha ulta ho jaa.e main aah likhoon tu haay kare bechain likhoon bechain ho tu phir bechain ka be kaatoon tujhe chain zaraa sa ho jaa.e abhii ain likhoon tu soche mujhe phir sheen likhoon teri neend ude jab qaaf likhoon tujhe kuchh kuchh ho main ishq likhoon tujhe ho jaa.e

kyuuñ uljhe-uljhe rahte ho kuchh bolo to kuchh baat karo kya ab bhi tanhaa raatein hain kya dard hi dil bahaalate hain kyuuñ mehfil raas nahin aati kyuuñ koel geet nahin gaati kyuuñ phoolon se khushboo gum hai kyuuñ bhanwara gumsum gumsum hai in baaton ka kya matlab hai kuchh bolo to kuchh baat karo kyuuñ amma ki kam sunte ho kya bheetar-bheetar gunte ho kyuuñ hansna-rona bhool ga.e kyuuñ lakdi jaise ghunte ho kya dil ko kahii la ga.e ho kya ishq men dhoka khaaye ho kya aisa hi kuchh mas'ala hai kuchh bolo to kuchh baat karo

ham milenge kahii ham milenge kahii ajnabi shahar ki KHvaab hoti hui shaahraaoon pe aur shaahraaoon pe phaili hui dhoop men ek din ham kahii saath hoge vaqt ki aandhiyon se ati saahtoon par se miTTi hataate huye ek hi jaise aañsu behaate huye ham milenge ghane janglo ki hari ghaas par aur kisi shaakh-e-naazuk par padte huye bojh ki dastaanon men kho jaayenge ham sanobar ke pedon ki nokiile patton se sadiyon se soye huye devataaon ki aañkhen chabo jaayenge ham milenge kahii barf ke bajuon men ghire parvaton par baanjh qabro men lete huye koh pemaaon ki yaad men nazm kahte huye jo pahaadoon ki aulaad thein aur unhen vaqt aane par maa baap ne apni aaghosh men le liya ham milenge kahii shah sulemaan ke urs men hauz ki seediyon par wuzu karne waalo ke shaffaaf chehron ke aage sangemarmar se aarasta farsh par pair rakhte huye aah bharte huye aur darakhton ko mannat ke dhaago se azaad karte huye ham milenge ham milenge kahii naarmendi ke saahil pe aate huye apne gum gashtarashto ki khaak-e-safar se ati vardiyo ke nishaan dekh kar maraakis se palte huye ek jarnel ki aakhiri baat par muskuraate huye ik jahaan jang ki chot khaate huye ham milenge ham milenge kahii roos ki daastaon ki jhoothi kahaanii pe aankhoñ men hairat sajaaye huye shaam lebnaan beirut ki nargisi chashmuro ki aamad ke nohoo pe hanste huye khooni kaziyo se maflooh jalbaaniyaan ke pahaadi ilaaqon men mehmaan ban kar milenge ham milenge ek murda zamaane ki KHush rang tahzeeb men zasb hone ke imkaan men ik puraani imarat ke pahluu men ujde huye laan men aur apne asiroon ki raah dekhte paanch sadiyon se veeraan zindaan men ham milenge tamannaon ki chhatriyon ke tale khwahishon ki hawaon ke bebaak boso se chhalni badan saumpane ke liye raaston ko ham milenge zameen se namoodaar hote huye aathvein barre azam men udte huye kaaleen par ham milenge kisi baar men apni bakaaya bachi umr ki paaymaali ke jaam haath men lenge aur ek hi ghoont men ham ye saiyal andar utaarenge aur hosh aane talak geet gaayenge bachpan ke qisse sunaata hua geet jo aaj bhi hamko azbar hai bedi be bedi tu thildi tapaiye pate paar kya hai pate paar kya hai ham milenge baagh men gaav men dhoop men chaanv men ret men dasht men shahar men masjidoon men kaliso men mandir men mehraab men church men mooslaadhaar baarish men bazaar men KHvaab men aag men gehre paani men galiyon men jungle men aur aasmaanon men kono makaan se pare gair aabda saiyaraaye aarzoo men sadiyon se khaali padi bench par jahaan maut bhi ham se dasto garebaan hogii to bas ek do din ki mehmaan hogii

ramz tum jab aaogi to khoya hua paayogi mujhe meri tanhaaii men KHvaabon ke siva kuchh bhi nahin mere kamre ko sajaane ki tamannaa hai tumhein mere kamre men kitaabon ke siva kuchh bhi nahin in kitaabon ne badaa zulm kiya hai mujh par in men ik ramz hai jis ramz ka maara hua zehan muzdaa-e-ishrat-e-anjaam nahin pa saka zindagi men kabhi aaraam nahin pa saka

raatein sacchi hain din jhoote hain chahe tum meri beenaai khurch daalo phir bhi apne KHvaab nahin chhodunga un ki lazzat aur aziyyat se main apna koi ahd nahin todunga tez nazar na-beenaon ki aabaa dii men kya main apne dhyaan ki ye pounji bhi ginwa doon haan mere KHvaabon ko tumhaari subhon ki sard aur saaya-goon taabiron se nafrat hai in subhon ne shaam ke haathon ab tak jitne suraj beche vo sab ik barfaani bhaap ki chamkeeli aur chakkar khaati golaai the so mere KHvaabon ki raatein jaltee aur dahakti raatein aisi yakh-basta taabiron ke har din se achchhii hain aur sacchi bhi hain jis men dhundla chakkar khaata chamkeela-pan chhe itaraaf ka rog banaa hai mere andhere bhi sacche hain aur tumhaare rog ujaale bhi jhoote hain raatein sacchi hain din jhoote jab tak din jhoote hain jab tak raatein sahna aur apne KHvaabon men rahna KHvaabon ko bahkaane waale din ke ujaalon se achha hai haan main behkaavon ki dhund nahin odhoonga chahe tum meri beenaai khurch daalo main phir bhi apne KHvaab nahin chhodunga apna ahd nahin todunga yahii to bas meraa sab kuchh hai maah o saal ke ghaarat-gar se meri thani hai meri jaan par aan banii hai chahe kuchh ho mere aakhiri saans talak ab chahe kuchh ho

qaateel suna hai tum ne apne aakhiri lamhon men samjha tha ki tum mirii hifazat men ho mire baazuon men ho suna hai bujhte bujhte bhi tumhaare sard o murda lab se ek shola shola-e-yaqoot-faam o rang o ummeed-e-farogh-e-zindagi-aahang lapka tha ha men KHud men chhupa lijye ye meraa vo azaab-e-jaan hai jo mujh ko mire apne KHud apne hi jahannam men jalata hai tumhaara seena-e-seemin tumhaare baazuwaan-e-mar-mareen mire li.e mujh ik hawasnaak-e-faromaaya ki khaatir saaz o saamaan-e-nashaat o nashsha-e-ishrat-fuzooni the mire ayyaash lamhon ki fusoon-gar pur-junooni ke li.e sad-lazzat aageen sad-karishma pur-zubaani the tumhein mirii hawas-pesha mirii saffaaq qaateel be-vafaaii ka gumaan tak is gumaan ka ek wehm-e-khud gurezaan tak nahin tha kyun nahin tha kyun nahin tha kyun koi hota koi to hota jo mujh se mirii saffaaq qaateel be-vafaaii ki saza men KHoon thukvaata mujhe har lamhe ki sooli pe latkaata magar fariyaad koi bhi nahin koi daregh uftaad koi bhi mujhe mafroor hona chahiye tha aur main saffaaq-qaatil be-vafa khoon-rez-tar main shahar men khud-vaardaati shahar men khud-mast aazaadaana firta hooñ nigaar-e-khaak-aasooda bahaar-e-khaak-aasooda

bas ek andaaza baras guzre tumhein soye hue uth jaao sunti ho ab uth jaao main aaya hooñ main andaaze se samjha hooñ yahaañ soi hui ho tum yahaañ roo-e-zameen ke is maqaam-e-aasmaani-tar ki had men baad-ha-e-tund ne mere li.e bas ek andaaza hi chhodaa hai

naakaara kaun aaya hai koi nahin aaya hai paagal tez hawa ke jhonke se darwaaza khula hai achha yuñ hai bekaari men zaat ke zaKHmon ki sozish ko aur badhaane tez-ravi ki raahguzar se mehnat-kosh aur kaam ke din ki dhool aayi hai dhoop aayi hai jaane ye kis dhyaan men tha main aata to achha kaun aata kis ko aanaa tha kaun aata

hamesha qatl ho jaata hooñ main bisaat-e-zindagi to har ghadi bichhti hai uthatii hai yahaañ par jitne khaane jitne ghar hain saare khushiyaan aur gham ina'am karte hain yahaañ par saare mohre apni apni chaal chalte hain kabhi mahsoor hote hain kabhi aage nikalte hain yahaañ par shah bhi padti hai yahaañ par maat hoti hai kabhi ik chaal taltee hai kabhi baazi palatti hai yahaañ par saare mohre apni apni chaal chalte hain magar main vo piyaada hooñ jo har ghar men kabhi is shah se pahle aur kabhi us maat se pahle kabhi ik burd se pahle kabhi aafat se pahle hamesha qatl ho jaata hai