ramz tum jab aaogi to khoya hua paayogi mujhe meri tanhaaii men KHvaabon ke siva kuchh bhi nahin mere kamre ko sajaane ki tamannaa hai tumhein mere kamre men kitaabon ke siva kuchh bhi nahin in kitaabon ne badaa zulm kiya hai mujh par in men ik ramz hai jis ramz ka maara hua zehan muzdaa-e-ishrat-e-anjaam nahin pa saka zindagi men kabhi aaraam nahin pa saka

mariyam main aainon se gurez karte hue pahaadon ki kokh men saans lene waali udaas jheelon men apne chehre ka aks dekhooñ to sochta hooñ ki mujh men aisa bhi kya hai mariyam tumhaari be-sakhta mohabbat zameen pe phaile hue samandar ki wusaaton se bhi maavra hai mohabbaton ke samundaron men bas ek bahira-e-hijr hai jo bura hai mariyam khala-navardon ko jo sitaare muaawze men mile the vo unki raushni men ye sochte hain ki vaqt hi to KHuda hai mariyam aur is taalluq ki gathriyon men ruki hui saatyon se hatkar mere li.e aur kya hai mariyam abhii bahut vaqt hai ki ham vaqt de zaraa ik doosre ko magar ham ik saath rahkar bhi KHush na rah sake to muaaf karna ki maine bachpan hi dukh ki dahleez par guzaara main un charaaghon ka dukh hooñ jinki love shab-e-intezaar men bujh gaii magar unse uthne vaala dhuaan zamaan-o-makaan men faila hua hai ab tak main kohsaaron aur unke jismoon se bahne waali un aabshaaron ka dukh hooñ jinko zameen ke chehron par rengte rengte zamaane guzar ga.e hain jo log dil se utar ga.e hain kitaaben aankhoñ pe rakh ke soye the mar ga.e hain main unka dukh hooñ jo jism khud-lazzatee se ukta ke aainon ki tasalliyon men pale badhe hain main unka dukh hooñ main ghar se bhaage huo ka dukh hooñ main raat jaage huo ka dukh hooñ main sahilon se bandhi hui kashtiyon ka dukh hooñ main laapata ladkiyon ka dukh hooñ khulii hue khidkiyon ka dukh hooñ mitti hui takhtiyon ka dukh hooñ thake hue baadlon ka dukh hooñ jale hue junglon ka dukh hooñ jo khul kar barsi nahin hai main us ghatta ka dukh hooñ zameen ka dukh hooñ KHuda ka dukh hooñ bala ka dukh hooñ jo shaakh saawan men foottee hai vo shaakh tum ho jo peeng baarish ke baad ban ban ke tootti hai vo peeng tum ho tumhaare hothon se saatyon ne sama'aton ka sabq liya hai tumhaari hi shaakh-e-sandlee se samundaron ne namak liya hai tumhaara meraa muaamla hi juda hai mariyam tumhein to sab kuchh pata hai mariyam

bharat ke ai saputo himmat dikhaaye jaao duniya ke dil pe apna sikka bithaaye jaao murda-dili ka jhanda fenko zameen par tum zinda-dili ka har-soo parcham udaaye jaao laao na bhool kar bhi dil men khayal-e-pasti khush-haali-e-watan ka beda uthaaye jaao tan-man mitaaye jaao tum naam-e-qaumiyat par raah-e-watan men apni jaanen ladaaye jaao kam-himmati ka dil se naam-o-nishaan mita do jurat ka lauh-e-dil par naqsha jamaaye jaao ai hinduo musalmaan aapas men in dinon tum nafrat ghataaye jaao ulfat badhaaye jaao bikram ki raaj-neeti akbar ki policy ki saare jahaan ke dil par azmat bithaaye jaao jis kashmakash ne tum ko hai is qadar mitaaya tum se ho jis qadar tum us ko mitaaye jaao jin khaana-jangiyon ne ye din tumhein dikhaaye ab un ki yaad apne dil men bhulaaye jaao be-KHauf gaaye jaao hindostaan hamaara aur vande-maatram ke naare lagaaye jaao jin desh sevako se haasil hai faiz tum ko in desh sevako ki jay jay manaae jaao jis mulk ka ho khaate din raat aab-o-daanaus malak par saroon ki bheten chadaaye jaao faansi ka jail ka dar dil se falak mita kar ghairoon ke munh pe sacchi baatein sunaate jaao

nazm:-'shaahzaa dii bahut naadaan thii ladki mujhe apna samjhti thii mujhi pe jaan lutaati thii bahut baatein banaati thii mujhe kisse sunaati thii aur us men shaahzaa dii thii jise ik shahzaade se mohabbat thii vo kahti thii ki main bhi shaahzaa dii hoon mujhe bhi shahzaada hi milega najo mujhpe jaan lutaayega mujhe apna banaayega main kahtaa tha ki main hoon aam sa ladka mohabbat ka to matlab bhi mujhe ab tak nahin maaloom tumhein dekhoon to lagta hai mohabbat cheez hai कोई,जो tum jaisi haseen hongi main tumse baat karta hoon to lagta hai mohabbat hai koi ladki jo yoon hi bolti hogii tumhaare saath hota hoon to lagta hai mohabbat hai yahiin pe paas men mere so yoon samjho meri khaatir mohabbat tum mohabbat ka ho matlab tum vo kahti thii chalo jhoothe bahut baatein banaate ho nahin ho itne bhole tum mujhe jitna dikhaate ho kaha maine are pagli mujhe chhodo chalo jaao kahii se dhoondh ke laao hai koi shahzaada to ki tum to shaahzaa dii ho tumhein to shahzaada hi milega nadikha aañkhen kaha usne ki haan haan le hi aaungi tumhein main phir dikhaungi dikhaaya to nahin lekin vo KHud men kho gaii shaayad ya koi mil gaya us..ko vo ab baatein banaana bhool jaati thii mujhe kisse sunaana bhool jaati thii phir ik din phone kar boli kaha tha naki main to shaahzaa dii hoon to dekho dhoondh laai main tumhaare hi tarah baatein nahin bilkul banata hai mujhe vo shaahzaa dii hi bulaata hai mujhe apna bataata hai bahut paise kamata hai vo kahtaa hai use mujhse mohabbat hai jo maine bolna chaaha kaha usne ki rahne दो,ये baatein tum na samjhoge ki tum ho aam se ladke so tumse door jaana hai use apna banaana hai mujhe ghar bhi basaana hai main us..ko alvida kahtaa dua bhi de hi deta nabahut jal dii men thii shaayad so usne kuchh bhi sunna theek na samjha bina bole hi uskaa phone kat gaya shaayad bahut naadaan thii ladki

haal-e-dil meri dilruba tum khoobsurat ho soorat se nahin seerat se mujhe tumhaari seerat se muhabbat hai isi li.e seerat ka jaanta hooñ sharm dahshat pareshaani jinhen sukhnavaron kaviyaan ne ishq kii lazzat bataaya hai filhaal ye mere darmiyaañ aa rahe hain bahaal meri chahten tumhaare nafs men dhadkati hain zinda rahtii hain maine tumhein dekha hai dekhte hue mujhe chahte hue mujhe sochte hue aur mere li.e pareshaan hote hue vaise chaahat ho to kehna laazmi hota hai zaroori hota hai lekin ishq kii qaaynaat men lafz KHaamosh rahte hain aur nigaahein baat kar letii hain mujhe pata hai ek din tum meri nigahon se baat kar logi pooch logi aur tumhein javaab milega haan main bhi chahta hooñ khoob chahta hooñ vaise main bhi apne nagmon apni ghazlon men muhabbat khoob likhta hooñ haalaanki sadaqat ye hai ki main bhi kehne men khauf khaata hooñ vaise bura na maanna ki maine tumse kabhi izhaar nahin kiya soch lena ki theory aur practical men farq hota hai khairab jo meraa maujooda haal hai vo ye hai ki aa.e din dil aur dimaagh mas'ala khada kar dete hain dil kahtaa hai tum khoobsurat ho dimaagh kahtaa hai manzil pe ikhtiyaar karo bahaal tum khoobsurat ho tum ziyaada khoobsurat ho tum sabse ziyaada khoobsurat ho tum hi khoobsurat ho

"Parichay garibi ka"

yah hai ham sabka hindustan yahaañ hai hindu musalmaan yahaañ ka sarmaaya eimaan yahaañ devon jaise insaan yahaañ ka jag par hai ehsaan yah hai ham sabka hindustan yahaañ ganga yamuna ki dhaar himalaya parvat ka sardaar yahaañ ka aalaa hai kirdaar ki jis..ko maanta hai sansaar yahaañ baste hai bas insaan yah hai ham sabka hindustan yahaañ hai geeta aur quraan yahaañ ke ghalib aur raskhan yahaañ tahzeebon ka milaanna jaane kyuuñ ispar qurbaan yah hai ham sabka hindustan

nazm-e-zindagi zindagi habaab hai zindagi to khwaab hai zindagi kitaab hai zindagi hisaab hai zindagi sharaab bhi zindagi rabaab hai zindagi sawaal bhi aur kabhi javaab hai saans par tanee hui zindagi tanaab hai bebasi hi bebasi zindagi azaab hai haan magar kabhi kabhi zindagi rubaab hai zindagi gulaab hai zindagi itaab hai asl men ye zindagi band koii baab hai

hariyaali mission kahaan woh dharti hai meri jaan thii jiski hariyaali pahchaan use main dhoondhta hooñ hawa men zehar ghuli hai aaj yah paani men bhi mila hai aaj bachaaun aaj yahaañ par ja use main dhoondhta hooñ vo sundar saaya apne gaav jahaan thii thandi thandi chaanv jahaan janmen ye saur armaan use main dhoondhta hooñ yahaañ thii koyliya ki kook yahaañ thii baansuriya ki phoonk fazaa men chaaya tha surataan use main dhoondhta hooñ kahaan khoya woh hindustan niraali jiski thii har-shaan ki jispar tha hamko abhimaan use main dhoondhta hooñ

Betiyan