chal aa ek aisi nazm kahooñ chal aa ek aisi nazm kahooñ jo lafz kahooñ vo ho jaa.e bas ashk kahooñ to ek aañsu tere gore gaal ko dho jaa.e main aa likkhoon tu aa jaa.e main baith likkhoon tu aa baithe mere shaane par sar rakhe tu main neend kahooñ tu so jaa.e main kaagaz par tere hont likkhoon tere honthon par muskaan aa.e main dil likkhoon tu dil thaa men main gum likkhoon vo kho jaa.e tere haath banaaun pencil se phir haath pe tere haath rakhoon kuchh ulta seedha farz karoon kuchh seedha ulta ho jaa.e main aah likhoon tu haay kare bechain likhoon bechain ho tu phir bechain ka be kaatoon tujhe chain zaraa sa ho jaa.e abhii ain likhoon tu soche mujhe phir sheen likhoon teri neend ude jab qaaf likhoon tujhe kuchh kuchh ho main ishq likhoon tujhe ho jaa.e

yaad hai pahle roz kaha tha yaad hai pahle roz kaha tha phir na kehna ghalti dil ki pyaar samajh ke karna ladki pyaar nibh aanaa hota hai phir paar lagana hota hai yaad hai pahle roz kaha tha saath chalo to poore safar tak mar jaane ki agli khabar tak samjho yaar KHuda tak hogaa saara pyaar vafaa tak hogaa phir ye bandhan tod na j aanaa chhod ga.e to phir na aanaa chhod diya jo teraa nahin hai chala gaya jo meraa nahin hai yaad hai pahle roz kaha tha ya to toot ke pyaar na karna ya phir peeth pe vaar na karna jab nadaani ho jaati hai nayi kahaanii ho jaati hai nayi kahaanii likh laaunga agle roz main bik jaaunga tere gul jab khil jaayenge mujh...ko paise mil jaayenge yaad hai pahle roz kaha tha bichhad ga.e to mauj udh aanaa waapas mere paas na aanaa jab koi jaakar waapas aa.e roye tadpe ya pachht aa.e main phir us..ko milta nahin hooñ saath dobara chaltaa nahin hooñ gum jaata hooñ kho jaata hooñ main patthar ka ho jaata hooñ

raaygaani main kamre men pichhle ikattees dinon se faqat is haqeeqat ka nuksaan ginne ki koshish men uljha hua hooñ ki tu ja chuki hai tujhe raaygaani ka ratti barabar andaaza nahin hai tujhe yaad hai vo zamaana jo campus ki pagdandiyon pe tahalte hue kat gaya tha tujhe yaad hai ki jab qadam chal rahe the ki ek pair teraa tha aur ek meraa qadam vo jo dharti pe aawaaz dete ki jaise ho raaga koi mutriboon ka qadam jaise ke sa pa ga ma pa ga sa re vo table ki tirakhat pe tak dhin dhinka dhin tink dhin dhana dhin bahm chal rahe the qadam chal rahe the qadam jo musalsal agar chal rahe the to kitne gavaiyon ke ghar chal rahe the magar jis gha dii tu ne us raah ko mere tanha qadam ke hawaale kiya un suron ki kahaanii wahin ruk gaii kitnii fankaariyaan kitnii baarikiyaan kitnii kaliyaan bilaaval gavaiyon ke honthon pe aane se pahle fana ho gaye kitne nusrat fateh kitne mehn dii hasan muntazir rah gaye ki hamaare qadam phir se uthne lagen tujhko maaloom hai jis gha dii meri awaaz sun ke tu ik zaaviye pe palat ke mu dii thii wahaan se relativity ka janaaza utha tha ki us zaaviye ki kashish men hi yoonan ke falsafe sab zamaanon ki tarteeb barbaad kar ke tujhe dekhne aa gaye the ki tere jhukaav ki tamsil pe apni seedhi lakeeron ko kham de saken apni ak dii hui gardanon ko liye apne vaqton men palten geometry ko janam de saken ab bhi kuchh falsafi apne feke zamaanon se bhaage hue hain mere raaston pe aañkhen bichhaaye hue apni daanisht men yuñ khade hain ki jaise vo daanish ka mamba yahiin pe kahii hai magar mud ke takne ko tu hi nahin hai to kaise florence ki tang galiyon se koi davinci uthe kaise hispania men picasso bane unki aankhoñ ko tu jo muyassar nahin hai ye sab tere mere ikatthe na hone ki qeemat ada kar rahe hain ki tere na hone se har ik zama men har ek fan men har ek dastaan men koi ek chehra bhi taza nahin hai tujhe raaygaani ka ratti barabar andaaza nahin hai

tu kisi aur hi duniya men mili thii mujhse tu kisi aur hi mausam ki mahak laai thii dar raha tha ki kahii zakham na bhar jaayen mere aur tu mutthiyaan bhar-bhar ke namak laai thii aur hi tarah ki aañkhen thii tere chehre par tu kisi aur sitaare se chamak laai thii teri awaaz hi sabkuchh thii mujhe monis-e-jaan kya karun main ki tu boli hi bahut kam mujhse teri chup se hi yahii mehsoos kiya tha maine jeet jayega teraa gham kisi roz mujhse shahar aawaazen lagata tha magar tu chup thii ye taalluq mujhe khaata tha magar tu chup thii vahii anjaam tha jo ishq ka aagaaz se hai tujhko paaya bhi nahin tha ki tujhe khona tha chali aati hai yahii rasm kaii sadiyon se yahii hota hai yahii hogaa yahii hona tha poochta rehta tha tujhse ki bataa kya dukh hai aur meri aankh men aañsu bhi nahin hote the maine andaaze lagaye ke sabab kya hogaa par mere teer taraazu bhi nahin hote the jiska dar tha mujhe maaloom pada logon se phir vo khush-bakht palat aaya teri duniya men jiske jaane pe mujhe tune jagah dii dil men meri qismat men hi jab khaali jagah likhi thii tujhse shikwa bhi agar karta to kaise karta main vo sabza tha jise raund diya jaata hai main vo jungle tha jise kaat diya jaata hai main vo dard tha jise dastak ki kamii khaati hai main vo manzil tha jahaan tooti sadak jaati hai main vo ghar tha jise aabaad nahin karta koi main to vo tha jise yaad nahin karta koi KHair is baat ko tu chhod bataa kaisi hai tune chaaha tha jise vo tere nazdeek to hai kaun se gham ne tujhe chaat liya andar se aaj kal phir se tu chup rahtii hai sab theek to hai

bhalii si ek shakl thii bhale dinon ki baat hai bhalii si ek shakl thina ye ki husn-e-taam hona dekhne men aam sina ye ki vo chale to kahkashaan si raahguzaar lage magar vo saath ho to phir bhala bhala safar lage koi bhi rut ho us ki chhab fazaa ka rang-roop thii vo garmiyon ki chaanv thii vo sardiyon ki dhoop thii na muddaton juda rahena saath subh-o-shaam hona rishta-e-wafa pe zidna ye ki izn-e-aam ho na aisi khush-libaasiyaan ki saadgi gilaa karena itni be-takallufi ki aaina haya kare na ikhtilaat men vo ram ki bad-maza hon khwaahisheinna is qadar supurdagi ki zach karen nawaazisheinna aashiqi junoon ki ki zindagi azaab hona is qadar kathor-pan ki dosti KHaraab ho kabhi to baat bhi khafi kabhi sukoot bhi sukhun kabhi to kisht-e-zaafaran kabhi udaasiyon ka ban suna hai ek umr hai muaamalaat-e-dil ki bhi visaal-e-jan-faza to kya firaq-e-jan-gusil ki bhi so ek roz kya hua vafaa pe bahs chhid gaii main ishq ko amar kahooñ vo meri zid se chid gaii main ishq ka aseer tha vo ishq ko qafas kahe ki umr bhar ke saath ko vo bad-tar-az-hawas kahe shajar hazar nahin ki ham hamesha pa-b-gil rahenna dhor hain ki rassiyaan gale men mustaqil rahen mohabbaton ki wusaaten hamaare dast-o-pa men hain bas ek dar se nisbatein sagaan-e-ba-wafa men hain main koi painting nahin ki ik fra men men rahoon vahii jo man ka meet ho usii ke prem men rahoon tumhaari soch jo bhi ho main us mizaaj ki nahin mujhe vafaa se bair hai ye baat aaj ki nahin na us ko mujh pe maan thana mujh ko us pe zoom hi jo ahd hi koi na ho to kya gham-e-shikastagi so apna apna raasta hasi-khushi badal diya vo apni raah chal padi main apni raah chal diya bhalii si ek shakl thii bhalii si us ki dosti ab us ki yaad raat din nahin magar kabhi kabhi

bhool jaaunga mohabbat ke saare sitam bhool jaaunga beasar se zakhmon ke marham bhool jaaunga maana toota hooñ par tune socha bhi kaise ke tujhko main mere sanam bhool jaaunga teraa lehron sa chalna zehan men basa hai un aankhoñ ki kaise sharam bhool jaaunga chalo na hosh raha ke shuruaat kaise hui kaise kab hua main khatam bhool jaaunga maana toota hooñ par tune socha bhi kaise teri paayal ka shor jaise shehnai koi jo paak lage vo qadam bhool jaaunga vo saadgi teri jo nazrein tak na miliin hañskar sah gaya jo main gham bhool jaaunga maana toota hooñ par tune socha bhi kaise ham juda nahin bas faasle duraaniyaan hain tujhe yaad kar har janam bhool jaaunga pyaar milta nahin jeete jee ye suna hai main behoshi men ye bharam bhool jaaunga maana toota hooñ par tune socha bhi kaise

naadaan pari vo meri naadaan pari sabse chhipkar rahtii thii akshar mujhse kahti thii chhodo pyaar vyaar ki baatein hisse aati tanhaa raatein isse kya hi mil paayega jo hai vo bhi kho jaayega maine socha sach hi to hai pyaar kise hi mil paaya hai isko to ehsaas dila doon duniya se bhi main lad loonga qismat se kaise jeetoonga main to ye gham paal hi loonga toota dil sambhaal hi loonga vo to sachmuch mar jaayegi aur phir kuchh na kar paayegi us..ko ek jeevan jeena hai mujh...ko har aañsu peena hai vaise bhi kya hi hai mujh men mere jaise kitne honge mere hone se kya hogaa bas ik ginti badh jaayegi uske aage ad jaayegi meraa jaana hi behtar hai saans hi leni hai le loonga jaan hi deni hai de dooñga jaan to vaise bhi uski hai us..ko kahaan maaloom hai itnaa vo meri naadaan pari

meraa ye man udaas hai kisi ki yaad aayi hai meraa ye man udaas hai khalish si dil pe chhaai hai meraa ye man udaas hai ye zindagi ki baat hai ye ishq hi ki baat hai ki bhool kar bhi main jise kabhi nahin bhula sakaa kabhi khushi se main jise gale nahin laga sakaa main usse jitna door hooñ vo utna mere paas hai meraa ye man udaas hai koi jo jang ho kabhi kisi ke sang ho kabhi usii ko dekhta hooñ main usii ko sochta hooñ mainna haarne ka gham hai phirna jeetne ki aas hai meraa ye man udaas hai

nigaah kiski aisi haya bharii nigaah dekhogi aks meraa milega jis jagah dekhogi jaan mohabbat fuzool nahin bas thoda sabr karo naagwaar guzre ishq ki panaah dekhogi kiski aisi haya bharii nigaah dekhogi par mas'ala kuchh inkaar ka zaroor raha hogaa jisse KHud bekhbar hooñ vo meraa kasoor raha hogaa fir ilzaam saare be-buniyaad se aayenge aage mere KHilaaf na ek milega jo gawaah dekhogi kiski aisi haya bharii nigaah dekhogi par teraa chhod ke jaana mohabbat ki tauheen tha meraa kya meraa dil to tootne ka shauqeen tha abhii ek dua qubool honi aam baat samjhti ho phir koi mandir aur saalo saal koi daragaah dekhogi kiski aisi haya bharii nigaah dekhogi

qismat kabhi sochta hooñ meraa haq hai us par vahii jo kisi aur ki ho chuki hai vo ladki jo qismat men mere likhi thii lakeeron se meri kahii kho chuki hai kabhi sochta hooñ bahut sochta hooñ magar ab karoon to karoon kya bhala main nigaahon men uskaa hi chehra basa hai usii ko ye dil maanta ab KHuda hai ye dil ab dhadakta hi uske li.e hai ye paagal tadpata hi uske li.e hai kabhi sochta hooñ bahut sochta hooñ main kitna abhaaga hooñ kah bhi na paaya panahon men apni chhupa lo na mujh...ko meri bekhu dii se bacha lo na mujh...ko mujhe chain padta nahin bin tumhaare gha dii bhar gale se laga lo na mujh...ko suno tumse ik raaz ki baat kah doon ye chaahat banii hi hamaare li.e thii mohabbat banii hi hamaare li.e thii nahin main ye hargiz nahin maan sakaa koi mujhse zyaada tumhein chahta hai ye vo sach hai jiska tumhein bhi pata hai mere jaisa koi deewana nahin hai magar tumko dil hi lagana nahin hai kabhi sochta hooñ jo meri nahin ho to jiski ho usse chura loo main tumko kabhi sochta hooñ ki ghazalon men apni pirokar zaraa gunguna luun main tumko magar jaise qismat badal si gaii hai ki jaise har ik shaKHs ne bas ha men door karne ki saazish rachi hai galat ho raha hai agar ye sahi hai kabhi sochta hooñ bahut sochta hooñ