murshid murshid please aaj mujhe vaqt deejie murshid main aaj aap ko dukhde sunaaunga murshid hamaare saath badaa zulm ho gaya murshid hamaare desh men ik jang chhid gayi murshid sabhi shareef sharaafat se mar ga.e murshid hamaare zehan girftaar ho ga.e murshid hamaari soch bhi baazaari ho gayi murshid hamaari fauj kya ladti hareef se murshid use to ham se hi furqat nahin mili murshid bahut se maar ke ham KHud bhi mar ga.e murshid ha men zirh nahin talwaar dii gayi murshid hamaari zaat pe bohtan chad ga.e murshid hamaari zaat palandon men dab gayi murshid hamaare vaaste bas ek shaKHs tha murshid vo ek shaKHs bhi taqdeer le udri murshid KHuda ki zaat pe andha yaqeen tha afsos ab yaqeen bhi andha nahin raha murshid mohabbaton ke nataaij kahaan ga.e murshid meri to zindagi barbaad ho gayi murshid hamaare gaav ke bacchon ne bhi kaha murshid koon aakhi aa ke sadaa haal dekh wajan murshid hamaara koi nahin ek aap hain ye main bhi jaanta hooñ ke achha nahin hua murshid main jal raha hooñ hawaaein na deejie murshid azala keejiye duaaein na deejie murshid KHamosh rah ke pareshaan na keejiye murshid main rona rote hue andha ho gaya aur aap hain ke aap ko ehsaas tak nahin hah sabr kijeye sabr ka fal meetha hota hai murshid main bhonkdai haan jo kaii she vi nahin bachi murshid wahaan yazidiyat aage nikal gayi aur paarsa namaaz ke peeche pade rahe murshid kisi ke haath men sab kuchh to hai magar murshid kisi ke haath men kuchh bhi nahin raha murshid main lad nahin sakaa par cheekhta raha KHaamosh rah ke zulm ka haami nahin banaa murshid jo mere yaar bhala chhodein rahne den achchhe the jaise bhi the KHuda un ko KHush rakhen murshid hamaari raunakein doori nigal gayi murshid hamaari dosti subhaat kha ga.e murshid ai photo pichhle maheene chhikaya ham hooñ mekun dekh lagda ai jo ai photo meda ai ye kis ne khel khel men sab kuchh ult diya murshid ye kya ke mar ke ha men zindagi mile murshid hamaare virse men kuchh bhi nahin so ham bemausmi wafaat ka dukh chhod jaayenge murshid kisi ki zaat se koi gilaa nahin apna naseeb apni kharaabi se mar gaya murshid vo jis ke haath men har ek cheez hai shaayad hamaare saath vahii haath kar gaya murshid duaaein chhod teraa pol khul gaya tu bhi meri tarah hai tere bas men kuchh nahin insaan meraa dard samajh sakte hi nahin main apne saare zakhm KHuda ko dikhaaunga ai rabbe kaaynaat idhar dekh main fakeer jo teri sarparasti men barbaad ho gaya parvardigaar bol kahaan jaayen tere log tujh tak pahunchne ko bhi wasila zaroori hai parvardigaar aave ka aawa bigad gaya ye kisko tere deen ke theke diye ga.e har shaKHs apne baap ke firke men band hai parvardigaar tere sahife nahin khule kuchh aur bhej tere guzishta sahifon se maqsad hi hal hue hain masaail nahin hue jo ho gaya so ho gaya ab mukhtiyaari cheen parvardigaar apne khaleefe ko rassi daal jo tere paas vaqt se pahle pahunch ga.e parvardigaar unke masaail ka hal nikaal parvardigaar sirf banaa dena kaafi nain takhleeq karke de to phir dekhbhaal kar ham log teri kun ka bharam rakhne aa.e hain parvardigaar yaar hamaara khayal kar

mere zakhm nahin bharte yaaron mere naakhun badhte jaate hain main tanhaa ped hoon jungle ka mere patte jhadte jaate hain main kaun hoon kya hoon kab ki hoon ek teri kab hoon sabki hoon main koel hoon shehraao ki mujhe taab nahin hai chaanv ki ek daldal hai tere vaadon ki mere pair ukhadte jaate hain mere zakhm nahin bharte yaaro mere naakhun badhte jaate hain main kis bacche ki gudiya thii main kis pinjare ki chidiya thii mere khelne waale kahaan ga.e mujhe choomne waale kahaan ga.e mere jhumke girvi mat rakhna mere kangan tod na dena main banjar hoti jaati hoon kahii dariyaa mod na dena kabhi milnaa is par sochenge ham kya manzil par pahunchenge raaston men hi ladte jaate hain mere zakhm nahin bharte yaaron mere naakhun badhte jaate hain

bhalii si ek shakl thii bhale dinon ki baat hai bhalii si ek shakl thina ye ki husn-e-taam hona dekhne men aam sina ye ki vo chale to kahkashaan si raahguzaar lage magar vo saath ho to phir bhala bhala safar lage koi bhi rut ho us ki chhab fazaa ka rang-roop thii vo garmiyon ki chaanv thii vo sardiyon ki dhoop thii na muddaton juda rahena saath subh-o-shaam hona rishta-e-wafa pe zidna ye ki izn-e-aam ho na aisi khush-libaasiyaan ki saadgi gilaa karena itni be-takallufi ki aaina haya kare na ikhtilaat men vo ram ki bad-maza hon khwaahisheinna is qadar supurdagi ki zach karen nawaazisheinna aashiqi junoon ki ki zindagi azaab hona is qadar kathor-pan ki dosti KHaraab ho kabhi to baat bhi khafi kabhi sukoot bhi sukhun kabhi to kisht-e-zaafaran kabhi udaasiyon ka ban suna hai ek umr hai muaamalaat-e-dil ki bhi visaal-e-jan-faza to kya firaq-e-jan-gusil ki bhi so ek roz kya hua vafaa pe bahs chhid gaii main ishq ko amar kahooñ vo meri zid se chid gaii main ishq ka aseer tha vo ishq ko qafas kahe ki umr bhar ke saath ko vo bad-tar-az-hawas kahe shajar hazar nahin ki ham hamesha pa-b-gil rahenna dhor hain ki rassiyaan gale men mustaqil rahen mohabbaton ki wusaaten hamaare dast-o-pa men hain bas ek dar se nisbatein sagaan-e-ba-wafa men hain main koi painting nahin ki ik fra men men rahoon vahii jo man ka meet ho usii ke prem men rahoon tumhaari soch jo bhi ho main us mizaaj ki nahin mujhe vafaa se bair hai ye baat aaj ki nahin na us ko mujh pe maan thana mujh ko us pe zoom hi jo ahd hi koi na ho to kya gham-e-shikastagi so apna apna raasta hasi-khushi badal diya vo apni raah chal padi main apni raah chal diya bhalii si ek shakl thii bhalii si us ki dosti ab us ki yaad raat din nahin magar kabhi kabhi

mujh se pahli si mohabbat mirii mahboob na maang mujh se pahli si mohabbat mirii mahboob na maang main ne samjha tha ki tu hai to darkhshan hai hayaat teraa gham hai to gham-e-dehr ka jhagda kya hai teri soorat se hai aalam men bahaaron ko sabaat teri aankhoñ ke siva duniya men rakha kya hai tu jo mil jaa.e to taqdeer nigoon ho jaa.e yuñ na tha main ne faqat chaaha tha yuñ ho jaa.e aur bhi dukh hain zamaane men mohabbat ke siva raahatein aur bhi hain vasl ki raahat ke siva an-ginat sadiyon ke tareek bheemaana tilism resham o atlas o kamkhaab men bunwaaye hue jaa-ba-jaa bikte hue koocha-o-baazaar men jism KHaak men luthde hue KHoon men nahlaaye hue jism nikle hue amraaz ke tannooron se peep bahti hui galte hue naasooron se laut jaati hai udhar ko bhi nazar kya kijeye ab bhi dilkash hai tira husn magar kya kijeye aur bhi dukh hain zamaane men mohabbat ke siva raahatein aur bhi hain vasl ki raahat ke siva mujh se pahli si mohabbat mirii mahboob na maang

kacchi umr ke pyaar ye kacchi umr ke pyaar bhi bade pakke nishaan dete hain aaj par kam dhyaan dete hain bahke bahke bayaan dete hain unko dekhe hue muddat hui aur ham ab bhi jaan dete hain kya pyaar ek baar hota hai nahin ye baar-baar hota hai to phir kyuuñ kisi ek ka intizaar hota hai vahii to saccha pyaar hota hai achha pyaar bhi kya insaan hota hai kabhi saccha kabhi jhoota be-iimaan hota hai uski ragon men bhi kya khaandaan hota hai aur maqsd-e-hayaat nafa nuqsaan hota hai pyaar to pyaar hota hai

shehr-e-dil ki galiyon men shaam se bhatkte hain chaand ke tamannaai be-qaraar saudaai dil-gudaaz taarikee rooh-o-jaan ko dasti hai rooh-o-jaan men bastii hai shehr-e-dil ki galiyon men taak shab ki belon par shabnameen sarishkon ki be-qaraar logon ne be-shumaar logon ne yaadgaar chhodi hai itni baat thodii hai sad hazaar baatein theen heelaa-e-shakebaai sooraton ki zebaai kaamton ki raa'naai in siyaah raaton men ek bhi na yaad aayi jaa-ba-jaa bhatkte hain kis ki raah takte hain chaand ke tamannaai ye nagar kabhi pahle is qadar na veeraan tha kehne waale kahte hain qarya-e-nigaaraan tha KHair apne jeene ka ye bhi ek saamaan tha aaj dil men veeraani abr ban ke ghir aayi aaj dil ko kya kahiye ba-wafa na harjaai phir bhi log deewane aa ga.e hain samjhaane apni vahshat-e-dil ke bun li.e hain afsaane khush-khyaal duniya ne garmiyaan to jaati hain vo rutein bhi aati hain jab malool raaton men doston ki baaton men jee na chain paayega aur oob jaayega aahaton se goonjegi shehr-e-dil ki pahnaai aur chaand raaton men chaandni ke shaidai har bahaane niklengay aazmaane niklengay aarzoo ki gehraai dhoondhne ko ruswaai sard sard raaton ko zard chaand bakhshishga be-hisaab tanhaaii be-hijaab tanhaaii shehr-e-dil ki galiyon men

insha'-ji ye kaun aaya kis des ka baasi hai honton pe tabassum hai aankhoñ men udaasi hai KHvaabon ke gulistaan ki khush-boo-e-dil-aara hai ya subh-e-tamannaa ke maathe ka sitaara hai tarsi hui nazaron ko ab aur na tarsa re ai husn ke saudaagar ai roop ke banjaare ramna dil-e-'insha ka ab teraa thikaana ho ab koi bhi soorat ho ab koi bahaana ho khaakistar-e-dil ko hai phir shola-b-jaan hona hairat ka jahaan hona hasrat ka nishaan hona ai shaKHs jo tu aakar yuñ dil men samaaya hai tu dard ki darmaan hai to dhoop ki saaya hai nainaan tire jaadu hain gesu tire khushboo hain baatein kisi jungle men bhatka hua aahu hain maqsood-e-wafa sun le kya saaf hai saada hai jeene ki tamannaa hai marne ka iraada hai

chaand kab se hai sar-e-shaakh-e-sanobar atka ghaas shabnam men sharaabor hai shab hai aadhi baam soona hai kahaan dhunden kisi ka chehra log samjhenge ki be-rabt hain baatein apni she'r ugte hain dukhi zehan se konpal konpal kaun mausam hai ki bharpoor hain gham ki belen door pahunchen hain sarkate hue ude baadal chaand tanhaa hai agar us ki balaaen le len dosto jee ka ajab haal hai lena badhna chaandni raat hai kaatik ka mahina hogaa meer-e-maghfoor ke ashaar na paiham padhna jeene waalon ko abhii aur bhi jeena hogaa chaand thithka hai sar-e-shaakh-e-sanobar kab se kaun sa chaand hai kis rut ki hain raatein logon dhund udne lagii bunne lagii kya kya chehre achchhii lagti hain deewano ki si baatein logon bheegti raat men dubka hua jheenger bola kamsaati kisi jhaadi men se khushboo lapki koi kaakul koi daaman koi aanchal hogaa ek duniya thii magar ham se sameti na gaii ye badaa chaand chamakta hua chehra khole baitha rehta hai sar-e-baam-e-shabistaan shab ko ham to is shahar men tanhaa hain humeen se bole kaun is husn ko dekhega ye is se poochho sone lagti hai sar-e-shaam ye saari duniya in ke huzron men na dar hai na dareecha koi in ki qismat men shab-e-maah ko rona kaisa in ke seene men na hasrat na tamannaa koi kis se is dard-e-judai ki shikaayat kahiye yaa to seene men niyastaan ka niyastaan hogaa kis se is dil ke ujadne ki hikaayat kahiye sunne vaala bhi jo hairaan nahin hairaan hogaa aisi baaton se na kuchh baat banegi apni sooni aankhoñ men niraasha ka ghulega kaajal khaali sapnon se na auqaat banegi apni ye shab-e-maah bhi kat jaayegi be-kal be-kal jee men aati hai ki kamre men bula len is ko chaand kab se hai sar-e-shaakh-e-sanobar atka raat us ko bhi nigal jaayegi bolo bolo baam par aur na aayega kisi ka chehra

1 ye bachcha kaisa bachcha hai ye bachcha kaala kaala sa ye kaala sa matiyaala sa ye bachcha bhooka bhooka sa ye bachcha sookha sookha sa ye bachcha kis ka bachcha hai ye bachcha kaisa bachcha hai jo ret pe tanhaa baitha haina is ke pet men roti haina is ke tan par kapda haina is ke sar par topi haina is ke pair men joota haina is ke paas khilauno men koi bhaalu hai koi ghoda haina is ka jee bahaalne ko koi lori hai koi jhoola haina is ki jeb men dhela haina is ke haath men paisa haina is ke ammi abboo hainna is ki aapa khaala hai ye saare jag men tanhaa hai ye bachcha kaisa bachcha hai 2 ye sehra kaisa sehra haina is sehra men baadal haina is sehra men barkha haina is sehra men baali haina is sehra men khosha haina is sehra men sabza haina is sehra men saaya hai ye sehra bhook ka sehra hai ye sehra maut ka sehra hai 3 ye bachcha kaise baitha hai ye bachcha kab se baitha hai ye bachcha kya kuchh poochta hai ye bachcha kya kuchh kahtaa hai ye duniya kaisi duniya hai ye duniya kis ki duniya hai 4 is duniya ke kuchh tukdon men kahii phool khile kahii sabza hai kahii baadal ghir ghir aate hain kahii chashma hai kahii dariyaa hai kahii unche mahal ataariyaan hain kahii mehfil hai kahii mela hai kahii kapdon ke bazaar saje ye resham hai ye deeba hai kahii ghalle ke ambaar lage sab gehuun dhaan muhayya hai kahii daulat ke sandooq bhare haan taamba sona roopa hai tum jo maango so haazir hai tum jo chaaho so milta hai is bhook ke dukh ki duniya men ye kaisa sukh ka sapna hai vo kis dharti ke tukde hain ye kis duniya ka hissa hai 5 ham jis aadam ke bete hain ye us aadam ka beta hai ye aadam ek hi aadam hai ye gora hai ya kaala hai ye dharti ek hi dharti hai ye duniya ek hi duniya hai sab ik daata ke bande hain sab bandon ka ik daata hai kuchh poorab pachchham farq nahin is dharti par haq sab ka hai 6 ye tanhaa bachcha be-chaara ye bachcha jo yahaañ baitha hai is bacche ki kahii bhook mite kya mushkil hai ho saka hai is bacche ko kahii doodh mile haan doodh yahaañ bah teraa hai is bacche ka koi tan dhaanke kya kapdon ka yahaañ toda hai is bacche ko koi god men le insaan jo ab tak zinda hai phir dekhe kaisa bachcha hai ye kitna pyaara bachcha hai 7 is jag men sab kuchh rab ka hai jo rab ka hai vo sab ka hai sab apne hain koi gair nahin har cheez men sab ka saajha hai jo badhta hai jo ugta hai vo daana hai ya meva hai jo kapda hai jo kambal hai jo chaan dii hai jo sona hai vo saara hai is bacche ka jo teraa hai jo meraa hai ye bachcha kis ka bachcha hai ye bachcha sab ka bachcha hai

yah bachcha kaala kaala-sa yah kaala sa matiyaala sa yah bachcha bhukha bhukha sa yah bachcha sukha sukha sa yah bachcha kiska bachcha hai yah bachcha kaisa bachcha hai jo ret par tanha baitha haina iske pet men roti haina iske tan par kapda haina iske sar par topi haina iske pair men joota haina iske paas khilauna men koi bhaalu hai koi ghoda haina iska jee bahaalne ko koi lori hai koi jhoola haina iski jeb men dhela haina iske haath men paisa haina iske ammi-abbu hainna iski aapaakhaala hai yah saare jag men tanhaa hai yah bachcha kaisa bachcha hai yah sehra kaisa sehra haina is sehra men baadal haina is sehra men barkha haina is sehra men baali haina is sehra men khosha haina is sehra men sabza haina is sehra men saaya hai yah sehra bhookh ka sehra hai yah sehra maut ka sehra hai yah bachcha kaise baitha hai yah bachcha kab se baitha hai yah bachcha kya kuchh poochta hai yah bachcha kya kuchh kahtaa hai yah duniya kaisi duniya hai yah duniya kiski duniya hai is duniya ke kuchh tukdon men kahii phool khile kahii sabza hai kahii baadal ghir-ghir aate hain kahii chashma hai kahii dariyaa hai kahii unche mahal atariya hain kahii mehfil hai kahii mela hai kahii kapdon ke bazaar saje yah resham hai yah deeba hai kahii ghalle ke ambaar lage sab gehuun dhaan muhayya hai kahii daulat ke sandooq bhare haan taamba sona roopa hai tum jo maango so haazir hai tum jo chaaho so milta hai is bhookh ke dukh ki duniya men yah kaisa sukh ka sapna hai vo kis dharti ke tukde hain yah kis duniya ka hissa hai ham jis aadam ke bete hain yah us aadam ka beta hai yah aadam ek hi aadam hai woh gora hai ya kaala hai yah dharti ek hi dharti hai yah duniya ek hi duniya hai sab ik daata ke bande hain sab bandon ka ik daata hai kuchh poorab-pachchim farq nahin is dharti par haq sabka hai yah tanha bachcha bechaara yah bachcha jo yahaañ baitha hai is bacche ki kahii bhookh mite kya mushkil hai ho sakaa hai is bacche ko kahii doodh mile haan doodh yahaañ bahu teraa hai is bacche ka koi tan dhaanke kya kapdon ka yahaañ toda hai is bacche ko koi god men le insaan jo ab tak zinda hai phir dekhiye kaisa bachcha hai yah kitna pyaara bachcha hai is jag men sab kuchh rab ka hai jo rab ka hai woh sabka hai sab apne hain koi gair nahin har cheez men sabka saajha hai jo badhta hai jo ugta hai woh daana hai ya meva hai jo kapda hai jo kambal hai jo chaan dii hai jo sona hai woh saara hai is bacche ka jo teraa hai jo meraa hai yah bachcha kiska bachcha hai yah bachcha sabka bachcha hai