tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

muddaton baad ik shaKHs se milne ke li.e aaina dekha gaya baal sanwaare ga.e

zeest men jab bhi kabhi ghabra gaya aapki maujoodgi mehsoos ki

paas rakh sambhaal kar mere adoo is teer ko rakh liya hai baandh kar maine badan se peer ko

paas baithe hai mire kab se vo khaamoshi bahut apni paayal ko jo chanakaaye to phir she'r kahein

umr bhar saamne nazaro ke use rakhna tha maine us chaand ki tasveer pe aañkhen rakh dii

sataati bahut hai badan ki udaasi yahaañ kaun rota hai apni khushi se