koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

gulaab KHvaab davaa zahar jaam kya kya hai main aa gaya hooñ bataa intizaam kya kya hai

sochun to saari umr mohabbat men kat gaii dekhooñ to ek shaKHs bhi meraa nahin hua

vo ladkar bhi so jaa.e to uskaa maatha choomun main usse mohabbat ek taraf hai usse jhagda ek taraf

vo afsaana jise anjaam tak laana na ho mumkin use ik KHoob-soorat mod de kar chhodna achha

sataati bahut hai badan ki udaasi yahaañ kaun rota hai apni khushi se

zeest men jab bhi kabhi ghabra gaya aapki maujoodgi mehsoos ki

paas rakh sambhaal kar mere adoo is teer ko rakh liya hai baandh kar maine badan se peer ko

aankhoñ men ret ret hai jaaye jidhar nazar aankhoñ se hamne itne samandar baha diye

paas baithe hai mire kab se vo khaamoshi bahut apni paayal ko jo chanakaaye to phir she'r kahein