tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

ham vo hain jo KHuda ko bhool ga.e tum meri jaan kis gumaan men ho

sochun to saari umr mohabbat men kat gaii dekhooñ to ek shaKHs bhi meraa nahin hua

kisi ko ghar se nikalte hi mil gaii manzil koi hamaari tarah umr bhar safar men raha

sataati bahut hai badan ki udaasi yahaañ kaun rota hai apni khushi se

zeest men jab bhi kabhi ghabra gaya aapki maujoodgi mehsoos ki

ik tabaahi guzar rahi andar dekh kya se kya ho gaya hooñ main

jalta raha charaaghh biyaabaan men jahaan ham bhi chale gaye vahaañ par bebaasi ke saath

aankh ko malte hue dekha gaya hai ik shajar chalte hue dekha gaya hai