koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

teri soorat se hai aalam men bahaaron ko sabaat teri aankhoñ ke siva duniya men rakha kya hai

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

chaman men rakhte hain kaañte bhi ik maqaam ai dost faqat gulon se hi gulshan kii aabroo to nahin

jaane kis mod pe le aayi ha men teri talab sar pe suraj bhi nahin raah men saaya bhi nahin

kal us kii aankh ne kya zinda guftugoo kii thii gumaan tak na hua vo bichhadne vaala hai

aasmaanon se farishte jo utaare jaayen vo bhi is daur men sach bolein to maare jaayen

ye sard raat ye aawaargi ye neend ka bojh ham apne shahar men hote to ghar chale jaate