dukh apna agar ham ko bataana nahin aata tum ko bhi to andaaza lagana nahin aata

KHud ko itnaa bhi mat bachaaya kar baarishen hon to bheeg jaaya kar kaam le kuchh haseen hothon se baaton baaton men muskuraya kar

aapki saada dili KHud aapki tauheen hai husn waalon ko zara maghroor hona chahiye

ham hain na ye jo mujhse kahte hain KHud kisi aur ke bharose hain zindagi ke li.e batao kuchh khudkushi ke to sau tariqe hain

jahaan se jee na lage tum wahin bichhad jaana magar KHuda ke li.e be-vafaaii na karna

main Dhoondh raha hooñ mirii vo shama' kahaan hai jo bazm ki har cheez ko parwaana banaa de

ai dekhne waalo mujhe hañs hañs ke na dekho tum ko bhi mohabbat kahiin mujh sa na banaa de

zinda hooñ is tarah ki gham-e-zindagi nahin jalta hua diya hooñ magar raushni nahin

mujhe to hosh na tha un ki bazm men lekin khamoshiyon ne meri un se kuchh kalaam kiya

ai dil ki khalish chal yoonhi sahi chaltaa to hooñ un ki mehfil meinus vaqt mujhe chauka dena jab rang pe mehfil aa jaa.e