phone bhi aaya to shikwe ke li.e phool bhi bheja to murjhaya hua raaste ki mushkilein to jaan luun aata hogaa uskaa thukraaya hua

bas ek mod mirii zindagi men aaya tha phir is ke baad uljhti gaii kahaanii mirii

kaam aaya tiranga kafan ke li.e koii qurbaan hua tha watan ke li.e socho kya kar liya tumne jee kar ke dost nas bhi kaatee to bas ik badan ke li.e

khaali pada hai aur udaasi bhara hai dil so log is makaan se aage nikal ga.e

hamne socha tha javaab aayega ek behooda sawaal aaya hai

ab ik teer bhi ho liya saath warna parinda chala tha safar par akelaa

har saal kii aakhiri shaamon men do chaar varq ud jaate hain ab aur na bikhre rishton kii bosida kitaab to achha ho

galiyon kii udaasi poochhti hai ghar ka sannaata kahtaa hai is shahar ka har rahne vaala kyun doosre shahar men rehta hai

kashtii bhi nahin badli dariyaa bhi nahin badla aur doobne waalon ka jazba bhi nahin badla

tum yuñ hi naaraz hue ho warna may-khaane ka pata ham ne har us shaKHs se poocha jis ke nain nasheele the