ham vo hain jo KHuda ko bhool ga.e tum meri jaan kis gumaan men ho

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye alag baat ki KHaamosh khade rahte hain phir bhi jo log bade hain vo bade rahte hain

ye mujhe chain kyun nahin padta ek hi shaKHs tha jahaan men kya

shaakhon se toot jaayen vo patte nahin hain ham aandhi se koi kah de ki auqaat men rahe

zameen itni nahin hai ki paanv rakh paaye dil-e-kharaab kii zid hai ki ghar banaya jaa.e

padne laga tha ek khalal sa udaan men raste se aasmaan hatna pada mujhe

main jaldabaazi men khud hi utha ke le aaya mere badan pe abhii kaam hone vaala tha

raat ro ro ke guzaari hai charaaghon kii tarah tab kahiiñ harf men taaseer nazar aayi hai

ajeeb dard ka rishta tha sab ke sab roye shajar giraa to parinde tamaam shab roye