vo ladkar bhi so jaa.e to uskaa maatha choomun main usse mohabbat ek taraf hai usse jhagda ek taraf

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

gulaab KHvaab davaa zahar jaam kya kya hai main aa gaya hooñ bataa intizaam kya kya hai

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

raat ro ro ke guzaari hai charaaghon kii tarah tab kahiiñ harf men taaseer nazar aayi hai

zameen itni nahin hai ki paanv rakh paaye dil-e-kharaab kii zid hai ki ghar banaya jaa.e

padne laga tha ek khalal sa udaan men raste se aasmaan hatna pada mujhe

ab aasmaan bhi kam pad rahe hain us ke li.e qadam zameen pe rakkha tha jis ne darte hue

ajeeb dard ka rishta tha sab ke sab roye shajar giraa to parinde tamaam shab roye