haal meethe falon ka mat poochho raat din chaakooon men rahte hain

aaj dekha hai tujh ko der ke ba'd aaj ka din guzar na jaa.e kahii

main kisi tarah bhi samjhauta nahin kar saka ya to sab kuchh hi mujhe chahiye ya kuchh bhi nahin

kisi ko ghar se nikalte hi mil gaii manzil koi hamaari tarah umr bhar safar men raha

tumhaare bin guzaari raat ke bas do hi kisse hain kabhi hichki nahin rukti kabhi sisaki nahin rukti

zameen itni nahin hai ki paanv rakh paaye dil-e-kharaab kii zid hai ki ghar banaya jaa.e

padne laga tha ek khalal sa udaan men raste se aasmaan hatna pada mujhe

main jaldabaazi men khud hi utha ke le aaya mere badan pe abhii kaam hone vaala tha

ab aasmaan bhi kam pad rahe hain us ke li.e qadam zameen pe rakkha tha jis ne darte hue

ajeeb dard ka rishta tha sab ke sab roye shajar giraa to parinde tamaam shab roye