bansi sab sur tyaage hai ek hi sur men baaje hai haal na poochho mohan ka sab kuchh radhe radhe hai

shaakhon se toot jaayen vo patte nahin hain ham aandhi se koi kah de ki auqaat men rahe

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

hua hi kya jo vo ha men mila nahin badan hi sirf ek raasta nahin ye pehla ishq hai tumhaara soch lo mere li.e ye raasta naya nahin

teri soorat se hai aalam men bahaaron ko sabaat teri aankhoñ ke siva duniya men rakha kya hai

zameen itni nahin hai ki paanv rakh paaye dil-e-kharaab kii zid hai ki ghar banaya jaa.e

raat ro ro ke guzaari hai charaaghon kii tarah tab kahiiñ harf men taaseer nazar aayi hai

ab aasmaan bhi kam pad rahe hain us ke li.e qadam zameen pe rakkha tha jis ne darte hue

main jaldabaazi men khud hi utha ke le aaya mere badan pe abhii kaam hone vaala tha

ajeeb dard ka rishta tha sab ke sab roye shajar giraa to parinde tamaam shab roye