tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

shaakhon se toot jaayen vo patte nahin hain ham aandhi se koi kah de ki auqaat men rahe

abhii raushan hua jaata hai rastaa vo dekho ek aurat aa rahi hai

shadeed garmi men kaise nikle vo phool-chehra so apne raaste men dhoop deewaar ho rahi hai

siyaasat ke chehre pe raunaq nahin ye aurat hamesha ki beemaar hai

gham ke peeche maare maare phirna kya ye daulat to ghar baithe aa jaati hai

mas'ala khatm hua chahta hai dil bas ab zakham naya chahta hai