mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

ham vo hain jo KHuda ko bhool ga.e tum meri jaan kis gumaan men ho

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

zameen sar pe utha loonga us ik ladki ki khaatir main gagan ko bhi kuchal dooñga us ik ladki ki khaatir main bhala auqaat kya is chaand ki us chaand ke aage hazaaron chaand vaarunga us ik ladki ki khaatir main

baat kahni thii ye bas usii ka hooñ main har ghadi yaad men uski rota hooñ main sun rahi ho isee bheed men vo mujhe bas isee aas men geet gaata hooñ main

kaun si jaanib se main choomoon use khoobsurat hai vo har ik samt se

jis tarah se nikale ga.e aaj ham dard apna kahein to kise aaj ham zindagi ke sikhaae the matlab jinhen qatl unke hi haathon hue aaj ham

garv mujh...ko kyuuñ na ho KHud par bhala janam kshatriya vansh men maine liya naam hai sandeep ghazalon men shafaq graam barda hai jahaan maa narmada