kya khabar kaun tha vo aur meraa kya lagta tha jisse milkar mujhe har shaKHs bura lagta tha

kisi ko ghar se nikalte hi mil gaii manzil koi hamaari tarah umr bhar safar men raha

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

vo afsaana jise anjaam tak laana na ho mumkin use ik KHoob-soorat mod de kar chhodna achha

kaun tumhaare paas se uth kar ghar jaata hai tum jis..ko choo letii ho vo mar jaata hai

zameen sar pe utha loonga us ik ladki ki khaatir main gagan ko bhi kuchal dooñga us ik ladki ki khaatir main bhala auqaat kya is chaand ki us chaand ke aage hazaaron chaand vaarunga us ik ladki ki khaatir main

saath hansne lage vo hañsi chahiye umr bhar ke li.e bas yahii chahiye bin tere ho agar chaar din zindagi ek pal bhi nahin zindagi chahiye

ye ghuroor-e-daulat tikta nahin ziyaada din log chahte hain ab raaj ho muhabbat ka

mukammal hi samajh lo phir mujhe bhi faqat ab qatl hona rah gaya hooñ

baat kahni thii ye bas usii ka hooñ main har ghadi yaad men uski rota hooñ main sun rahi ho isee bheed men vo mujhe bas isee aas men geet gaata hooñ main