manzilen kya hain raasta kya hai hausla ho to fasla kya hai

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

baat karo roothe yaaron se sannaaton se dar jaate hain pyaar akelaa jee leta hai dost akelaa mar jaate hain

kyuuñ darein zindagi men kya hogaa kuchh na hogaa to tajurba hogaa

hosh waalon ko khabar kya be-khu dii kya cheez hai ishq kijeye phir samjhiye zindagi kya cheez hai

dekha jo kha ke teer kameen-gaah ki taraf apne hi doston se mulaqaat ho gaii

kyun hijr ke shikwe karta hai kyun dard ke rone rota hai ab ishq kiya to sabr bhi kar is men to yahii kuchh hota hai

ilaahi ek gham-e-rozgaar kya kam tha ki ishq bhej diya jaan-e-mubtala ke li.e

kis munh se kah rahe ho ha men kuchh garz nahin kis munh se tum ne wa'ada kiya tha nibaah ka

aane waale jaane waale har zamaane ke li.e aadmi mazdoor hai raahen banaane ke li.e