koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

maana ki teri deed ke qaabil nahin hooñ main tu miraa shauq dekh miraa intizaar dekh

koi shahar tha jiski ek gali meri har aahat pahchaanti thii mere naam ka ik darwaaza tha ik khidki mujh...ko jaanti thii

mar chuka hai dil magar zinda hooñ main zahar jaisi kuchh dawaayein chahiye poochhte hain aap aap achchhe to hain jee main achha hooñ duaaein chahiye

raatein kisi yaad men kattee hain aur din daftar kha jaata hai dil jeene par mael hota hai to maut ka dar kha jaata hai sach poochho to tahzeeb haafi main aise dost se aaziz hooñ milta hai to baat nahin karta aur phone pe sar kha jaata hai

ye mujhe neend men chalne ki jo beemaarii hai mujh ko ik khwaab-sara apni taraf kheenchti hai

main bikhar gaya to sanwar gaya mere munsifo ko ye dukh raha vahii faisla mere haq men tha jo mere KHilaaf kiya gaya

vo na-samajh mujhe patthar samajh ke chhod gaya vo chahta to sitaare taraashta mujh se

main aap apni maut ki tayyaariyon men hooñ mere KHilaaf aap ki saazish fuzool hai

ho na ho ek hi tasveer ke do pahluu hain raqs karta hua tu aag men jalta hua main