dukh apna agar ham ko bataana nahin aata tum ko bhi to andaaza lagana nahin aata

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

koi haseen badan jin ki dastaras men nahin yahii kaheinge ki kuchh faaeda havas men nahin

phone bhi aaya to shikwe ke li.e phool bhi bheja to murjhaya hua raaste ki mushkilein to jaan luun aata hogaa uskaa thukraaya hua

mujh aisa shaKHs agar qahqahon se bhar jaa.e ye saans letii udaasi to ghut ke mar jaa.e vo mere baad taras jaayega mohabbat ko use ye kehna agar ho sake to mar jaa.e

main ahmiyat bhi samajhta hooñ qahqahon kii magar mazaa kuchh apna alag hai udaas hone ka

ai watan ik roz teri KHaak men kho jaayenge so jaayenge mar ke bhi rishta nahin chhootega hindustan se imaan se

khayal tha ki ye pathraav rok den chal kar jo hosh aaya to dekha lahu lahu ham the

main vo dariyaa hooñ ki har boond bhanwar hai jis kii tumne achha hi kiya mujh se kinaara kar ke

teri har baat mohabbat men gawara kar ke dil ke bazaar men baithe hain khasaara kar ke aasmaanon ki taraf fenk diya hai main ne chand miTTi ke charaaghon ko sitaara kar ke