koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

bansi sab sur tyaage hai ek hi sur men baaje hai haal na poochho mohan ka sab kuchh radhe radhe hai

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

hua hi kya jo vo ha men mila nahin badan hi sirf ek raasta nahin ye pehla ishq hai tumhaara soch lo mere li.e ye raasta naya nahin

main bharose ko bachaane par tula hooñ vo bahaanon par utarta ja raha hai

tum to kahte the ki main rota nahin hooñ kab se itnaa muskuraya ja raha hai

milaaunga unhen bhi aap sab se sochta hooñ main magar kab jab talak vo aapki bhaabi nahin hoti

man kii man men hi bhunane men lage ho haath men jo hai nikalta ja raha hai

ban gaya hai shahar to ab gaav inko chahiye kaat dete hain shajar phir chaanv inko chahiye aankh men izzat nahin hai ladkiyon ke vaaste aur paayal ke li.e phir paanv inko chahiye