tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

ham vo hain jo KHuda ko bhool ga.e tum meri jaan kis gumaan men ho

kisi ko ghar se nikalte hi mil gaii manzil koi hamaari tarah umr bhar safar men raha

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

shaakhon se toot jaayen vo patte nahin hain ham aandhi se koi kah de ki auqaat men rahe

kitna dilkash tha vo zam aanaa bhi eid thii chhat pe teraa aanaa bhi

teesra shakhs meraa masla tha teesra shakhs main hi niklaa tha

haajma ho to tere jaisa ho qasmen vaade pacha ke baithi hai

reza-reza ho ga.e hain aur kya apne dhun men kho ga.e hain aur kya kah raha hai berookhi karte hain ham tere jaise ho ga.e hain aur kya

baat sun lo meri sudhar jaao ishq achha nahin hai ghar jaao