agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

gulaab KHvaab davaa zahar jaam kya kya hai main aa gaya hooñ bataa intizaam kya kya hai

kisi gali men kiraye pe ghar liya usne phir us gali men gharo ke kiraye badhne lage

hamko dil se bhi nikala gaya phir shahar se bhi hamko patthar se bhi maara gaya phir zehar se bhi

kyuuñ darein zindagi men kya hogaa kuchh na hogaa to tajurba hogaa

lipt bhi ja na ruk akbar ghazab ki beauty hai nahin nahin pe na ja ye haya ki duty hai

haya se sar jhuka lena ada se muskuraa dena haseenon ko bhi kitna sahal hai bijli giraa dena

dil vo hai ki fariyaad se labreiz hai har vaqt ham vo hain ki kuchh munh se nikalne nahin dete

daava bahut badaa hai riyaazi men aap ko tool-e-shab-e-firaq ko to naap deejie

is qadar tha khatmalon ka chaarpaai men hujoom vasl ka dil se mire armaan ruksat ho gaya