koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

teri soorat se hai aalam men bahaaron ko sabaat teri aankhoñ ke siva duniya men rakha kya hai

ye mujhe chain kyun nahin padta ek hi shaKHs tha jahaan men kya

tanhaaii se chaunke jo kabhi KHud ko pukaara khaamoshi se ghabraaye to zanjeer hila dii

main peechhe bhaagne waalon men sab se aage hooñ ye meri aakhiri koshish hai khud ko paane kii

jab tak jala ye ham bhi jale iske saath saath jab bujh gaya charaagh to sona pade ha men

unhen aankhoñ ne bedar dii se be-ghar kar diya hai ye aañsu qahqaha banne kii koshish kar rahe the

haalat-e-haal se begaana banaa rakha hai KHud ko maazi ka nihaan-khaana banaa rakha hai