kyuuñ darein zindagi men kya hogaa kuchh na hogaa to tajurba hogaa

do gaz sahi magar ye meri milkiiyat to hai ai maut tune mujhe zameendaar kar diya

kabootar ishq ka utre to kaise tumhaari chat pe nigraani bahut hai iraada kar liya gar khudkushi ka to KHud ki aankh ka paani bahut hai

kuchh to majbooriyaan rahi hongi yuñ koi be-vafa nahin hota

main bhi bahut ajeeb hooñ itnaa ajeeb hooñ ki bas KHud ko tabaah kar liya aur malaal bhi nahin

dushman-e-jaan hi sahi saath to ik umr ka hai dil se ab dard kii rukhsat nahin dekhi jaati

ye be-sabab nahin aa.e hain aankh men aañsu khushi ka lamha koii yaad aa gaya hogaa

zamaana ishq ke maaron ko maat kya dega dilon ke khel men ye jeet haar kuchh bhi nahin

jurm kii tarah mohabbat ko chhupa rakkha hai ham gunahgaar nahin hain ye bataayen kis ko rooth jaate to manana koii dushwaar na tha vo ta'alluq hi na rakhen to manaae kis ko

tu kahaanii hi ke parde men bhalii lagti hai zindagi teri haqeeqat nahin dekhi jaati