tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

ham vo hain jo KHuda ko bhool ga.e tum meri jaan kis gumaan men ho

tumne to hukm-e-tark-e-tamanna suna diya kis dil se aah tark-e-tamanna kare koii

chhup ga.e vo saaz-e-hasti chhed kar ab to bas awaaz hi awaaz hai

kuchh tumhaari nigaah kaafir thii kuchh mujhe bhi KHaraab hona tha

sharaab kheenchi hai sab ne gareeb ke khun se tu ab ameer ke khun se sharaab paida kar

mirii barbaadiyon ka ham-nashino tumhein kya KHud mujhe bhi gham nahin hai