ab dost koi laao mukaabil men hamaare dushman to koi kad ke barabar nahin niklaa

tum poochho aur main na bataaun aise to haalaat nahin ek zaraa sa dil toota hai aur to koi baat nahin

janaaze par mere likh dena yaaron mohabbat karne vaala ja raha hai

sau sau umeedein bandhti hai ik ik nigaah par mujh ko na aise pyaar se dekha kare koi

kitna mahfooz hooñ main kone men koi archan nahin hai rone men maine us..ko bacha liya varna doob jaata mujhe dubone men

ik khwaab ne aañkhen kholi hain kya mod aaya hai kahaanii men vo bheeg rahi hai baarish men aur aag lagii hai paani men

dil par dastak dene kaun aa niklaa hai kis ki aahat sunta hooñ veeraane men

haath chhooten bhi to rishte nahin chhodaa karte vaqt ki shaakh se lamhe nahin toda karte

ruke ruke se qadam ruk ke baar baar chale qaraar de ke tire dar se be-qaraar chale

chand ummeedein nichodhi theen to aahen tapkiin dil ko pighlaayein to ho saka hai saansen niklen