kyuuñ darein zindagi men kya hogaa kuchh na hogaa to tajurba hogaa

hamko dil se bhi nikala gaya phir shahar se bhi hamko patthar se bhi maara gaya phir zehar se bhi

kisi gali men kiraye pe ghar liya usne phir us gali men gharo ke kiraye badhne lage

ye alag baat ki KHaamosh khade rahte hain phir bhi jo log bade hain vo bade rahte hain

ilaaj apna karate phir rahe ho jaane kis kis se mohabbat kar ke dekho na mohabbat kyun nahin karte

gul sa tu teraa saath KHushboo sa haath men teraa haath KHushboo sa ho ke tujh se juda bhatkata hooñ gul se bichhdi anaath KHushboo sa

kuchh emoji wallpaper par pade rah jaayenge phone se jitna mita lo chahe meri chat ko

chaand chehra mujhe qubool nahin ab samajhne men koi bhool nahin aankh bas aankh hi hai jheel nahin hont bas hont hi hain phool nahin

zindagi ik film hai milnaa bichadna seen hain aankh ke aañsu tire kirdaar ki tauheen hain

aa ke nazdeek munh na fer ghazal paas aa baith thodii der ghazal sab tere noor se chamakte hain lafz misre khayal she'r ghazal