kuchh na rah sakaa jahaan viraaniyaan to rah gaiin tum chale ga.e to kya kahaaniyaan to rah gaiin

haal na poochho mohan ka sab kuchh radhe radhe hai

kuchh to majbooriyaan rahi hongi yuñ koi be-vafa nahin hota

kyuuñ darein zindagi men kya hogaa kuchh na hogaa to tajurba hogaa

mujh ko bhi unhin men se koi ek samajh le kuchh masale hote hain na jo hal nahin hote

gul sa tu teraa saath KHushboo sa haath men teraa haath KHushboo sa ho ke tujh se juda bhatkata hooñ gul se bichhdi anaath KHushboo sa

mujh se do din alag rahi hai tu dekh to kaisi lag rahi hai tu ho gaya raakh jal ke main lekin dheere-dheere sulag rahi hai tu

aa ke nazdeek munh na fer ghazal paas aa baith thodii der ghazal sab tere noor se chamakte hain lafz misre khayal she'r ghazal

is nadi kii jawaani girvi hai kya bahegi ravaani girvi hai doobi hai boond-boond karze men baandh men saara paani girvi hai

har she'r har ghazal pe hai aisi chaap teri tasveer ban rahi hai ik apne aap teri tere li.e kisi ko itnaa deewaana dekha lagne lagii hai mujh ko chaahat bhi paap teri