shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

hazaaron saal nargis apni be-noori pe roti hai badi mushkil se hota hai chaman men deeda-war paida

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

ye sochna ki vo mud mud ke dekhti hogii aur us ke baad khud apne khayal par hansna

shaam aa.e aur ghar ke li.e dil machal uthe shaam aa.e aur dil ke li.e koii ghar na ho

ye kaayenaat mere saamne hai misl-e-bisaat kahiin junoon men ult doon na is jahaan ko main

muddat men bahaar aayi hai so log bhi KHush hain main KHush hooñ agar shahar men do log bhi KHush hain apna to ye aalam hai ki dhalti hi nahin shaam allah karen KHush rahen jo log bhi KHush hain