raatein kisi yaad men kattee hain aur din daftar kha jaata hai dil jeene par mael hota hai to maut ka dar kha jaata hai sach poochho to tahzeeb haafi main aise dost se aaziz hooñ milta hai to baat nahin karta aur phone pe sar kha jaata hai

ghar men bhi dil nahin lag raha kaam par bhi nahin ja raha jaane kya KHauf hai jo tujhe choom kar bhi nahin ja raha raat ke teen bajne ko hai yaar ye kaisa mahboob hai jo gale bhi nahin lag raha aur ghar bhi nahin ja raha

ilaaj apna karate phir rahe ho jaane kis kis se mohabbat kar ke dekho na mohabbat kyun nahin karte

din dhal gaya aur raat guzarne ki aas men suraj nadi men doob gaya ham gilaas men

maine jo kuchh bhi socha hua hai main vo vaqt aane pe kar jaaunga tum mujhe zahar lagte ho aur main kisi din tumhein pee ke mar jaaunga

she'r dar-asl hain vahii hasrat sunte hi dil men jo utar jaayen

paigham-e-hayat-e-javedaan tha har naghma-e-krishna baansuri ka

dekho to chashm-e-yaar ki jadoo-nigaahiyaan behosh ik nazar men hui anjuman tamaam

ham kya karen agar na tiri aarzoo karen duniya men aur bhi koi tere siva hai kya

chupke chupke raat din aañsu bahaana yaad hai ham ko ab tak aashiqi ka vo zamaana yaad hai