hamko maaloom hai jannat ki haqeeqat lekin dil ke KHush rakhne ko ghalib ye khayal achha hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

gulaab KHvaab davaa zahar jaam kya kya hai main aa gaya hooñ bataa intizaam kya kya hai

dil na-umeed to nahin naakaam hi to hai lambi hai gham ki shaam magar shaam hi to hai

nahin lagega use dekh kar magar KHush hai main KHush nahin hooñ magar dekh kar lagega nahin

murjha gaya gulaab to afsos ye hua naahaq juda kiya use shaakhon se tod kar

jab bhi milte hain tahe dil se dua dete hain aise hote hain mohabbat ko nibhaane waale

bhookhe the aur bhookhe hi rah jaayenge mar jaayenge haath nahin phailaayenge

mere dast-e-tamanna par tumhaare haath ka hona bade haasid banaayega bahut se dil jalaaega

dil ko ab beqaraar mat karna husn par aitbaar mat karna