raatein kisi yaad men kattee hain aur din daftar kha jaata hai dil jeene par mael hota hai to maut ka dar kha jaata hai sach poochho to tahzeeb haafi main aise dost se aaziz hooñ milta hai to baat nahin karta aur phone pe sar kha jaata hai

muddatein guzar gayi hisaab nahin kiyana jaane ab kiske kitne rah ga.e ham

maine jo kuchh bhi socha hua hai main vo vaqt aane pe kar jaaunga tum mujhe zahar lagte ho aur main kisi din tumhein pee ke mar jaaunga

ye zulf agar khul ke bikhar jaa.e to achha is raat ki taqdeer sanwar jaa.e to achha jis tarah se thodii si tere saath kati hai baaki bhi usii tarah guzar jaa.e to achha

kaash vo raaste men mil jaa.e mujh ko munh fer kar guzarna hai

gardish-e-maah-o-saal se aage nikal gaya hooñ main jaise badal ga.e ho tum jaise badal gaya hooñ main

tira khayal bahut der tak nahin rehta koi malaal bahut der tak nahin rehta udaas karti hai akshar tumhaari yaad mujhe magar ye haal bahut der tak nahin rehta

ye bhi to jabr-e-waqt hai tu mujhe yaad bhi nahin jaise sambhal ga.e ho tum vaise sambhal gaya hooñ main