tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

tum poochho aur main na bataaun aise to haalaat nahin ek zaraa sa dil toota hai aur to koi baat nahin

tumhaari aankhoñ ki tauheen hai zara socho tumhaara chaahne vaala sharaab peeta hai

tum mohabbat ko khel kahte ho ham ne barbaad zindagi kar li

ham vo hain jo KHuda ko bhool ga.e tum meri jaan kis gumaan men ho

had se takraati hai jo shay vo palatti hai zaroor KHud bhi roenge gharibon ko rulaane waale

mohabbat wahin tak hai sacchi mohabbat jahaan tak koi ahad-o-paimaan nahin hai

kis ne bheege hue baalon se ye jhatka paani jhoom ke aayi ghatta toot ke barsa paani

aarzoo jaam lo jhijak kaisi pee lo aur dahshat-e-gunaah gaii

KHamoshii meri maani-khez thii ai aarzoo kitnii ki jis ne jaisa chaaha waisa afsaana banaa daala