tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

yahii hai ibadat yahii deen-o-eemaan ki kaam aa.e duniya men insaan ke insaan

ham ne awwal se padhi hai ye kitaab aaKHir tak ham se pooche koii hoti hai mohabbat kaisi

ham ne har adnaa ko a'laa kar diya khaaksaari apni kaam aayi bahut

ham jis pe mar rahe hain vo hai baat hi kuchh aur aalam men tujh se laakh sahi tu magar kahaan

raazi hain ham ki dost se ho dushmani magar dushman ko ham se dost banaya na jaayega